ახალი ამბები
ზუგდიდში სკოლის მოსწავლეებმა 1-ლი ივნისი მოხუცთა თავშესაფარში გაატარეს
ზუგდიდის სოფელ ახალაბასთუმნის საჯარო სკოლის მოსწავლეებმა ბავშვთა დაცვის საერთაშორისო დღე რუხის ხანდაზმულთა თავშესაფარში გაატარეს. სკოლის ქართული ენისა და ლიტერატურის მასწავლებელმა ცირა გულუამ გვითხრა, რომ ბავშვებმა რამდენიმე შესაძლო ვარიანტიდან სწორედ მოხუცებთან მისვლა აარჩიეს. 

"გვაქვს სკოლაში კლუბი "მომავლის ევროპელები", სადაც ბავშვებთან ერთად დავგეგმეთ, რომ გარკვეული სახის სოციალური პასუხისმგებლობა კლუბმა უნდა აიღოს. მოხუცთა თავშესაფარში მანამდეც ვიყავით, ამჯერად მესამე კლასელები წაიყვანეს კლუბის წევრებმა. მოხალისეობრივ საქმიანობას ვეწევით ძალიან ხშირად სხვადასხვა ლოკაციაზე. ბავშვებს არჩევანის საშუალება ჰქონდათ, მათ შორის იყო ქალაქის ღონისძიებებიც, თუმცა გადაწყვიტეს, რომ კარგი იქნებოდა ერთი დღე მოხუცებთან ერთად გაეტარებინათ", - ამბობს ცირა გულუა. 

მისივე თქმით, რუხის თავშესაფართან ურთიერთთანამშრომლობის მემორანდუმის გაფორმებაც სურთ, რომლის ფარგლებშიც სკოლის მოსწავლეები და მასწავლებლები ხანდაზმულებს თვეში ერთხელ ან ორჯერ ესტუმრებიან. 

"ვერ გადმოგცემთ თავშესაფრის ბენეფიციარების აღფრთოვანებას. ტიროდნენ, თან ერთმანეთს ამხნევებდნენ, "კიდევ მოვლენო". იმდენად ამაღელვებელი იყო, საოცრად. უკან რომ ვბრუნდებოდით, ბავშვებმა მითხრეს, მასწავლებელო, რა კარგი ვქენითო, რომ იქ წავედით და არა უფასო ნაყინის საჭმელად ქალაქში. ამ აქტივობამ ხომ თავისი გააკეთა? ეს აქტივობა ყოველწლიურად გაგრძელდება", - თქვა მასწავლებელმა. 

ცირა გულუას ინფორმაციით, სკოლის კლუბს საკუთარი სოციალური საწარმოც გააჩნია, სადაც ხელნაკეთ ნივთებსა და ჩანთებს აწარმოებენ. ამასთან, აქვთ "დიაბეტის ოთახი", რომლის ფარგლებშიც გადამზადებული უფროსკლასელების სოფლის მოსახლეობას სურვილის შემთხვევაში სისხლში შაქრის დონეს უზომავენ. 

ზუგდიდის სოფელ რუხში მულტიფუნქციური სათემო ცენტრი "ჩემი მორდუ" საქველმოქმედო ჰუმანიტარულმა ცენტრმა "აფხაზეთმა" გასულ წელს გახსნა.
Print Email
FaceBook Twitter
დაფინანსებული
თბილისი, 2024 - ევროკავშირის კანდიდატის სტატუსის მიღებით, საქართველო მიუახლოვდა მის ისტორიულ მიზანს - დაუბრუნდეს დიდ
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
დღის სიახლეები
24 / ივლისი 2024
დღევანდელ გადაცემაში საუბარია უფლისწულის სასახლეში გამოფენილ უნიკალურ კოლექციაზე, რომელიც ძალზე მნიშვნელოვან ისტორიულ წყაროს წარმოადგენს, რადგან მათში ასახულია XIX საუკუნის საქართველო, სომხეთი, აზერბაიჯანი, დაღესტანი, ჩეჩნეთი საოცარი ხედებითა და ყოველდღიური ცხოვრების ამსახველი ეპიზოდებით.
24 / ივლისი 2024
გარემოს ეროვნული სააგენტოს ინფორმაციით, მომდევნო დღეებში საქართველოში მოსალოდნელია დროგამოშვებით წვიმიანი ამინდი.
24 / ივლისი 2024
თბილისი, 2024 - ევროკავშირის კანდიდატის სტატუსის მიღებით, საქართველო მიუახლოვდა მის ისტორიულ მიზანს - დაუბრუნდეს დიდ
დილის ჩართვა
ოდაბადეშ კინოხონი
18 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 25 °C
img
სოხუმი 25 °C
img
ფოთი 24 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.