ახალი ამბები
ანა წითლიძე წალენჯიხაში მომხდარი დაპირისპირების ფაქტზე გამოძიებას ითხოვს
საქართველოს პარლამენტის წევრი ერთიანი ნაციონალური მოძრაობიდან ანა წითლიძე შინაგან საქმეთა მინისტრს მიმართავს და უწყებისგან წალენჯიხაში მომხდარი დაპირისპირების გამოძიებას ითხოვს. დეპუტატის ინფორმაციით, წალენჯიხის ცენტრში რამდენიმე დღის წინ საკრებულოს წევრმა "ქართული ოცნებიდან" დათო ბელქანიამ და მმართველი პარტიის წარმომადგენლობის თავმჯდომარემ გოგა გულორდავამ ადგილობრივ მოსახლე მერაბ კვარაცხელიას სცემეს. ამის მიზეზად წითლიძე მიწის ნაკვეთთან დაკავშირებულ კონფლიქტს ასახელებს.

"რამდენიმე დღის წინ, საქართველოს პარლამენტში გავაკეთე განცხადება და ვისაუბრე კონკრეტულ ფაქტზე, როგორ მოხდა სისხლიანი გარჩევა წალენჯიხაში, ცენტრში და როგორ სცემა საკრებულოს წევრმა და ფრაქციის თავმჯდომარემ "ქართული ოცნებიდან" დათო ბელქანიამ ქართული ოცნების პარტიის თავმჯდომარესთან, გოგა გულორდავასთან ერთად ადგილობრივი მოსახლე მერაბ კვარაცხელია, მხოლოდ იმის გამო, რომ წალენჯიხის ერთ-ერთი სტრატეგიული მიწა, რომელიც უნდა ყოფილიყო წალენჯიხელების საკუთრებაში, კორუფციული გარიგებით მოხვდა სწორედ ბელქანიას და გოგა გულორდავას მფლობელობაში. დაჭრილია ორივე მხარე, სისხლიან გარჩევას წალენჯიხაში ჰყავდა ძალიან ბევრი თვითმხილველი. მძიმეა მერაბ კვარაცხელიას მდგომარეობა. მიუხედავად იმისა, რომ ეს სისხლიანი გარჩევა მოხდა ქალაქის ცენტრში, ქართული ოცნებიდან საკრებულოს წევრების მონაწილეობით, დღემდე პოლიციას ამ ფაქტთან დაკავშირებით არ დაუწყია არანაირი გამოძიება და დაკავებული არ არის არცერთი მონაწილე პირი. მინდა მივმართო შს მინისტრს, მე საქართველოს პარლამენტის წევრი მზად ვარ, ამ საკითხთან დაკავშირებით მივცე ჩვენება, მივაწოდო ყველა კონკრეტული ფაქტი და ინფორმაცია, რაც მე მაქვს და მზად ვარ მოვიდე დაკითხვაზე, რომ ამ ქვეყანაში არ ხდებოდეს ისე, რომ ქართული ოცნების საკრებულოს წევრები დღისით, მზისით აწყობდნენ სისხლიან გარჩევებს ქალაქის ცენტრში, ჭრიდნენ ადამიანებს და სცემდნენ მათ სასიკვდილოდ", - თქვა წითლიძემ.

თავის მხრივ, ბრალდებებს კატეგორიულად უარყოფს პარლამენტის ყოფილი წევრი მმართველი პარტიიდან. გოგა გულორდავა წითლიძეს ცილისწამებაში ადანაშაულებს და ამბობს, რომ მომხდართან არანაირი კავშირი არ აქვს.

"ამაზე სერიოზულ კომენტარს ვერ გავაკეთებ. ნაც. მოძრაობის და მისი პოლიტიკური ტელევიზიების პროპაგანდა არის ახლა აგორებული, თითქოს ჩვენ ვმონაწილეობდით რაღაც გარჩევაში. იმ პერიოდში, რასაც ისინი იძახიან, საერთოდ არ ვიყავი წალენჯიხაში, როგორ უნდა მიმეღო ამ გარჩევაში მონაწილეობა? დღეს მოვისმინე ძალიან საინტერესო რამ, ეს ქალბატონი პარლამენტის წევრია როგორც ვიცი, მზად არის ჩვენების მისაცემად. ძალიან მაინტერესებს, მივიდეს, რა ინფორმაციასაც ფლობს, მიაწოდოს სამართალდამცავებს და როგორ წავა შემდეგ ეს საკითხი, საინტერესოა ჩემთვისაც პირადად. არაფრისმთქმელი და უსაგნო ცილისწამება ცოტა უხერხულია პარლამენტის წევრისგან. უბედურებაა ქვეყნის, როცა საკანონმდებლო ორგანოში გვიზის უმაქნისი და ცილისმწამებელი კანონმდებლები", - ამბობს გოგა გულორდავა.
Print Email
FaceBook Twitter
რ ე კ ლ ა მ ა
ევროპის გასტრონომიის, კულტურის, ხელოვნებისა და ტურიზმის საერთაშორისო ინსტიტუტის (IGCAT) ორგანიზებით ყოველწლიურად იმართება მოკლემეტრაჟიანი ფილმების საერთაშორისო კონკურსი " Food Film Menu".
,,ბერტა ფონ ზუტნერის მშვიდობის საერთაშორისო პრემია 2022 ახალგაზრდებისთვის“, რიგით მეოთხე დაჯილდოების ცერემონია, დადიანების სასახლეთა ისტორიულ-არქიტექტურული მუზეუმის ნიკოსეული სასახლის საგამოფენო დარბაზში დღეს გაიმართა.
ევროკომისიის აღმოსავლეთ სამეზობლოსთან ურთიერთობასა და ინსტიტუციური მშენებლობის საკითხებში დირექტორი ლორენს მერედიტი,
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
დღის სიახლეები
27 / სექტემბერი 2022
27 სექტემბერს მოსკოვში რუსეთისა და აფხაზეთის დე ფაქტო რესპუბლიკის საგარეო საქმეთა მინისტრებმა სერგეი ლავროვმა და ინალ
27 / სექტემბერი 2022
აფხაზეთის დე ფაქტო რესპუბლიკის პრეზიდენტმა, ასლან ბჟანიამ თანამოქალაქეებს მიულოცა „საქართველოს სახელმწიფო საბჭოს საოკუპაციო ჯარებისგან სოხუმის გათავისუფლების 29-ე წლისთავი“.
27 / სექტემბერი 2022
„ბადრი ესებუას ისევ ვეძებთ, სახუმაროსავით გახდა ეს თემა, მაგრამ სახუმარო ნამდვილად არ არის“, - ასე უპასუხა შს მინისტრმა ვახტანგ გომელაურმა ზუგდიდში „საქართველოს ბანკის“ ფილიალზე თავდასხმისა და ტერორიზმისთვის ბრალდებული ბადრი ესებუას შესახებ.
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 22 °C
img
ფოთი 22 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.