ახალი ამბები
სიმინდი ცოტა ადრე რომ შეეწამლათ, გადარჩებოდა - ანა წითლიძე ზუგდიდელ ფერმერებს შეხვდა
პარლამენტის წევრი ერთიანი ნაციონალური მოძრაობიდან ანა წითლიძე დღეს ზუგდიდის სოფელ კახათში იმყოფებოდა, სადაც მოსახლეობის პრობლემებს გაეცნო. ადგილობრივების თქმით, სოფლებში მატლის შემოსევის გამო მოსავალი ფუჭდება. მათივე ინფორმაციით, მავნებელი განსაკუთრებულ ზიანს სიმინდის ყანებს აყენებს. 

"ყოველ წელს უჩნდება სიმინდის ღეროს მატლი, შემდეგ გადადის ტაროზე და აფუჭებს. ვითხოვთ შეგვიწამლონ. დიდი ნაწილი გაფუჭებულია. ვისაც სიმინდის ყანა აქვს, ყველას აქვს ეს პრობლემა. რამდენ რამეს უნდა ვებრძოლოთ, თხილს ფაროსანა უჩნდება, სიმინდს მატლი. ჩემი ძალებით ერთხელ შევწამლე, მაგრამ სიმინდი უკვე დიდია და ჩემით უკვე ვერ გავწვდები. თუ არ შეიწამლა, გაფუჭდება ნახევარზე მეტი", - უთხრა ჟურნალისტებს კახათის მკვიდრმა რუზგენ გოგიამ.

აღნიშნულთან დაკავშირებით ანა წითლიძე ხელისუფლებას ქმედითი ნაბიჯების გადადგმისკენ მოუწოდებს და ამბობს, რომ ზომები დროულადაა მისაღები, რათა მოსავლის ნაწილის გადარჩენა მაინც მოხერხდეს. 

"მე მინდა მივმართო სოფლის მეურნეობის მინისტრს,ზუგდიდის მერს და ზუგდიდის მაჟორიტარ დეპუტატს. ეს, რაც მე ხელში მიჭირავს, არის განადგურებული სიმინდის მოსავალი სამეგრელოში. იგივე ხდება იმერეთში, ზუსტად იგივე ხდება კახეთშიც. აი ეს სიმინდი ცოტა ადრე რომ შეეწამლა ხელისუფლებას, გადარჩებოდა. ეს მოსახლეობა არ იქნებოდა იმ რისკის ქვეშ, რომ ახლა დარჩნენ მოსავლის გარეშე. ეს არის დაახლოებით იგივე მასშტაბით, რაც იყო ფაროსანა და რაც ჩვენ უკვე გამოვიარეთ, გვახსოვს რაც იყო, მოსახლეობა წლების განმავლობაში რჩებოდა მოსავლის გარეშე. ახლა პრობლემა არის მატლი, რომელიც მთლიანად ანადგურებს სიმინდს.", - თქვა დეპუტატმა. 

სურსათის ეროვნული სააგენტოს ინფორმაციით აზიური ფაროსანას საწინააღმდეგო ღონისძიებები უამინდობის პირობებში ტექნიკური შესაძლებლობების გათვალისწინებით მუდმივად ხორციელდება. ამასთან, სააგენტოს ცნობით, ფაროსანასთან ბრძოლისას გამოიყენება პრეპარატები, რომლებიც ასევე ეფექტურია მცენარეთა სხვა მავნებლების (სიმინდის ხვატარი, სიმინდის ფარვანა, ბუგრები) საწინააღმდეგოდ. დღეისათვის დასავლეთ საქართველოში მცირემოცულობიანი და თერმული ნისლის ტექნოლოგიით დამუშავებულია 33 210.50 ჰექტარი ფართობი, მათ შორის სამეგრელო ზემო-სვანეთში - 15174.75 ჰექტარი. 


Print Email
FaceBook Twitter
რ ე კ ლ ა მ ა
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
ქალთა ფონდი „სოხუმმა“ ახალი მონიტორინგის ანგარიში - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ გამოაქვეყნა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
დღის სიახლეები
02 / დეკემბერი 2022
საგარეო საქმეთა სამინისტრო გმობს რუსეთის ფედერაციის სახელმწიფო დუმის თავმჯდომარის, ვიაჩესლავ ვოლოდინის ოკუპირებულ აფხაზეთის რეგიონში ჩასვლას და განცხადებას ავრცელებს.
02 / დეკემბერი 2022
ზუგდიდში ძველი საბავშო ბაღების ნაცვლად ქალაქის ტერიტორიაზე ორი და სამ სოფელში ხუთი ახალი საბავშო ბაღი აშენდება.
02 / დეკემბერი 2022
რუსეთის სახელმწიფო სათათბიროს სპიკერი ვიაჩესლავ ვოლოდინი პირველი “ოფიციალური” ვიზიტით სოხუმში ჩავიდა.
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 10 °C
img
სოხუმი 11 °C
img
ფოთი 12 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.