ახალი ამბები
ქართულმა მხარემ, ის მაინც უნდა თქვას, რომ გმობენ რუსეთის პრეტენზიებს, თუ ჩააბარეს უკვე? - ზაქარეიშვილი ბიჭვინთის აგარაკების გასხვისებაზე
ბიჭვინთაში მდებარე ე.წ. სახელმწიფო აგარაკის რუსეთისთვის გადაცემის შესახებ შეთანხმება ბოლო კვირაში განხილვის მთავარი თემაა აფხაზური საზოგადოებისთვის. დე ფაქტო ხელისუფლება ცდილობს დაარწმუნოს მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებს მას. 

"შეგვიძლია თუ არა უზრუნველვყოთ კეთილდღეობა, მშვიდობა და სიმშვიდე რუსეთის მხარდაჭერის გარეშე? რა ალტერნატივა გვაქვს? გვყავს თუ არა მეზობლები, რომლებიც ერთნაირად დაგვეხმარებიან? სხვა მეზობელთან ომში ვართ, როგორ დავივიწყოთ ეს? ზოგიერთ საზოგადო მოღვაწეს ან არ ესმის, ან ვითომ არ ესმის, რომ დასავლეთის "თითქოს დაინტერესებულია" დახმარებით. ეს არ არის მართალი. მოხდებოდა ჩვენი ქვეყნის აღიარებას, დიდ რუსეთს რომ არ გადაედგა ეს ნაბიჯი", - აცხადებს აფხაზი ლიდერი ასლან ბჟანია. მისივე თქმით, ისინი "ობიექტს არა ბიზნეს სტრუქტურებს და შემთხვევით ადამიანებს, არამედ, ისეთ ხელმძღვანელს გადასცემენ, რომელმაც, ძალიან ბევრი გააკეთა აფხაზეთისთვის".

შეხვედრებზე, რომლებიც ამ საკითხის განხილვას ეხებოდა, ასლან ბჟანიას აფხაზი ოპოზიციონერები დაუპირისპირდნენ, რომლებიც, ისევე, როგორც მოსახლეობის ნაწილი, აპროტესტებენ აღნიშნულ გადაწყვეტილებას.

ბიჭვინთის აგარაკების რუსეთისთვის გადაცემის საკითხთან დაკავშირებით, ქართულ მხარეს ჯერ არანაირი კომენტარი არ გაუკეთებია.

"ქართულმა მხარემ, ის მაინც უნდა თქვას, რომ ისინი გმობენ რუსეთის პრეტენზიებს საქართველოს ტერიტორიის მიმართ, თუ ჩააბარეს უკვე? რატომ ვერ იღებენ ხმას, წარმოუდგენელია... ბოლოს და ბოლოს, რამდენჯერ გაგვიკეთებია განცხადებები, რომ ჩვენ არ ვაღიარებთ არჩევნების შედეგებს და ა.შ... მაგრამ, ჩვენ უფრო უარესზეც არ ვიღებთ ხმას...არ ვიღებთ ხმას იმაზე, რომ საქართველო ისევეა დაზიანებული რუსეთისგან, როგორც უკრაინა, ჩვენთან ოკუპირებულია ტერიტორიები და ხელი აქვს მოწერილ რუსეთს დოკუმენტზე, 2008 წლის 12 აგვისტოს, სადაც ამბობს, რომ გაიყვანს ჯარებს საქართველოს ტერიტორიიდან და დღეს ჩვენ გვეშინია, რომ ამაზე ვილაპარაკოთ, როცა ყოველთვის ლაპარაკობდა ამაზე, როგორც "ნაციონალური მოძრაობა", ისევე "ქართული ოცნებაც", - ამის შესახებ, მან რადიო "ათინათის" გადაცემა "რაკურსში" ჩართვისას ისაუბრა.

მისი თქმით, ბიჭვინთის "სახელმწიფო აგარაკების" გასხვისებასთან დაკავშირებით, აფხაზეთის დე ფაქტო რესპუბლიკის მოსახლეობის დიდი ნაწილი გამოთქვამს უკმაყოფილებას და ეს უკვე მეოთხე საკითხია, რომელსაც ისინი არ თმობენ რუსეთთან:

"ეს არის მშვენიერი მაგალითი იმ ზოგიერთი ქართველი ვაი პოლიტიკოსებისთვის, რომლებსაც ჰგონიათ, რომ აფხაზები ყურმოჭრილი მონები არიან რუსებისა. ეს მეოთხე თემა დაემატა. დღემდე ვერ მიაღწია რუსეთმა, რომ აფხაზეთის ტერიტორია იყოს პრივატიზირებული და იყოს გაყიდვაში, ითვლება, რომ აფხაზეთის ტერიტორიაზე არსებული მიწის ნაკვეთები ე.წ. სახელმწიფოს საკუთრებაა, მეორე საკითხი - დღემდე რუსეთმა ვერ მიაღწია იმას, რომ უძრავი ქონება შეისყიდოს რუსეთის მოქალაქეებმა და მესამე საკითხი - დღემდე რუსეთმა ვერ მიაღწია ტრანსკავკასიური გზა გააკეთოს კოდორის ხეობაზე , რომ პირდაპირ ჩვენი კავკასია უკავშირდებოდეს აფხაზეთს, ეს სამი თემა აფხაზეთს დაბლოკილი აქვთ. რა იქნება მომავალში არ ვიცი, მაგრამ, 30 წელია ეს თემა აფხაზებს დაბლოკილი აქვთ".

ბიჭვინთის ცნობილი სახელმწიფო აგარაკი და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში გადადის.  აფხაზეთის დე ფაქტო პარლამენტს შეთანხმების ტექსტი ხელმოსაწერად უკვე გადაეგზავნა. მიუხედავად აფხაზური საზოგადოების ნეგატიური რეაქციისა ე.წ. პარლამენტის საპარლამენტთაშორისო კავშირების კომიტეტმა ხელშეკრულების ახალ ტექსტს უკვე დაუჭირა მხარი. სესიის დღეს ოპოზიცია პარლამენტთან ხალხის შეკრებას ელოდება.

აფხაზური მედიის თანახმად, არაოფიციალური წყაროებიდან ცნობილი გახდა, რომ "რუსეთის ხელმძღვანელობამ მიმართა აფხაზეთის ხელმძღვანელობას მოწოდებით, არ ააფორიაქოს მოსახლეობა ხელშეკრულების რატიფიცირების საკითხის წამოწმევით", თუმცა, ინფორმაცია ოფიციალურად არავის დაუდასტურებია.





Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 17 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.