ახალი ამბები
"აიდგილარამ" ბჟანიას ბიჭვინთის აგარაკის შესახებ შეთანხმების "პარლამენტიდან" გაწვევისკენ მოუწოდა
აფხაზურმა ოპოზიციურმა პარტია "აიდგილარამ" აფხაზეთის დე ფაქტო რესპუბლიკის პრეზიდენტს ასლან ბჟანიას "პარლამენტიდან" ბიჭვინთის ყოფილი სახელმწიფო აგარაკის გადაცემის შესახებ შეთანხმების გაწვევისკენ მოუწოდა.
პარტიაში მიჩნევენ, რომ დე ფაქტო რესპუბლიკის ლიდერმა "თავისი დაუფიქრებელი მოქმედებებით ქვეყანაში ვითარება უპრეცედენტო სამოქალაქო დაძაბულობამდე მიიყვანა ყველა მიმართულებით", მათ შორის სოციალურ-ეკონომიკური თვალსაზრისით, წერს "ეხო კავკაზა".

"რესპუბლიკაში ანტირუსული საპროტესტო განწყობების დაწყების წარუმატებელმა მცდელობებმა უკვე გამოიწვია მორიგი შიდა პოლიტიკური კრიზისი ქვეყნის შიგნით და შექმნა დაძაბულობის წერტილები რუსეთის ფედერაციასთან", - ნათქვამია განცხადებაში.

"აიდგილარა" ასევე მოითხოვს "აფხაზეთის მინისტრთა კაბინეტის" გადადგომას და პოლიტიკური შეხედულებების განურჩევლად, "პროფესიონალებისგან დაკომპლექტებული" ახალი "მთავრობის" ფორმირებას. 
განცხადებაში ასევე საუბარია რუსეთთან საზღვრის დემარკაცია-დელიმიტაციის აფხაზური კომისიის შექმნის აუცილებლობაზე, "რომელიც აიბღის და შავი ზღვის საკითხებზე იმუშავებს".

განცხადებაში ასევე საუბარია რუსეთთან საზღვრის დელიმიტაცია - დემარკაციის კომისიის აფხაზური ნაწილის შექმნის აუცილებლობაზე, რომელიც "აიბღას და შავი ზღვის საკითხებზე იმუშავებს".

ბიჭვინთის ყოფილი სახელმწიფო აგარაკის რუსეთისთვის გადაცემის საკითხს აქტუალობა ოკუპირებული აფხაზეთის დე ფაქტო მთავრობასა და რუსეთის ფედერაციის მთავრობას შორის დადებული შეთანხმების ახალი ტექსტის გამოჩენამ შესძინა.

აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას 2022 წლის 19 იანვარს მოეწერა ხელი. შეთანხმებას "პარლამენტის" მხრიდან რატიფიცირება სჭირდება.

ბიჭვინთის ცნობილი სახელმწიფო აგარაკი და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში გადადის 49 წლიანი იჯარით. დე ფაქტო ხელისუფლება ცდილობს დაარწმუნოს მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებს მას. თუმცა, მოქალაქეების დიდი ნაწილი რუსეთისთვის სანაპირო მიწების გადაცემის წინააღმდეგ გამოდის, რასაც სოციალურ ქსელში ორგანიზებული კამპანიით გამოხატავს.




Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
23 / აპრილი 2024
24-25 აპრილს, ღამის საათებში თბილისი–სენაკი–ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში შეზღუდვები დაწესდება.
23 / აპრილი 2024
"საქართველოს რკინიგზის" ინფორმაციით, 2-დან 6 მაისის ჩათვლით, თბილისი - ფოთის მიმართულებით დამატებითი რეისები შესრულდება.
23 / აპრილი 2024
"ზუგდიდში UEFA-ს სტანდარტების შესაბამისი ცენტრალური სტადიონის მშენებლობა 2015 წელს დაიწყეს და 2017-ში უნდა დასრულებულიყო, თუმცა დღემდე არ გახსნილა", - ამის შესახებ ინფორმაცია ორგანიზაცია "ფლანგვის დეტექტორმა"
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 11 °C
img
სოხუმი 16 °C
img
ფოთი 15 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.