ახალი ამბები
ასლან ბჟანია სოხუმის აეროპორტს ოლეგ დერიპასკას აძლევს - მედია
სოხუმის აეროპორტი რუსეთის მფლობელობაში გადადის, აფხაზეთის საკუთრებაში კი მხოლოდ ობიექტთან მისასვლელი გზა და ელექტროენერგიის გამანაწილებელი პუნქტი რჩება. ინფორმაციას "ნუჟნაია გაზეტა" ავრცელებს, t.me/respublicaabh  - ზე დაყრდნობით.
ამავე ცნობით, კომპლექსში შემავალი ყველა სხვა ობიექტი "ინვესტორებსა" და რუსეთის ფედერაციას შორის გადანაწილდა.

გამოცემის თანახმად, სოციალურ ქსელში გამოაქვეყნეს ფოტო, რომელიც გადაღებულია სოხუმში რუსეთის ფედერაციის ეკონომიკური განვითარების მინისტრის მაქსიმ რეშეტნიკოვის ვიზიტის დროს. მასზე გამოსახულია გენერალური გეგმა, რომელზედაც აღნიშნულია საკუთრების მიხედვით განაწილებული ობიექტები.


მანამდე გავრცელებული ინფორმაციით, ინვესტორად გამოდის რუსული ინდუსტრიული ჯგუფი Basic Element , რომელიც შედგება კომპანიებისგან, რომლებიც აკონტროლებენ ან შედიან რუსი ოლიგარქის ოლეგ დერიპასკას ბიზნეს ინტერესების სფეროში. იურიდიულად, Basic Element - ის კომპანიების აქტივების უმრავლესობა გარკვეულწილად ეკუთვნის Basic Element Ltd - ს (რეგისტრირებულია კუნძულ ჯერსიზე), რომელიც, თავის მხრივ, 100% - ით ეკუთვნის ბრიტანეთის ვირჯინიის კუნძულებზე რეგისტრირებულ A-Finance-ს, რომლის ბენეფიციარიც არის დერიპასკა.

ჯგუფის აქტივები კონცენტრირებულია მანქანათმშენებლობის, სამთო, მეტალურგიული, ენერგეტიკის, ფინანსური, სამშენებლო, ავიაციის, სოფლის მეურნეობის და სხვა ეკონომიკის სექტორებში რუსეთში, დსთ-ს ქვეყნებში, აფრიკაში, ავსტრალიაში, აზიაში, ევროპასა და ლათინურ ამერიკაში.

ოლეგ დერიპასკა, რუსეთის უკრაინაში შეჭრის გამო, დასავლეთის მიერ დაწესებული სანქციების სიაშია.

გასული წლის მარტში აფხაზეთის დე ფაქტო რესპუბლიკის პრეზიდენტმა ასლან ბჟანიამ განაცხადა, რომ აფხაზეთში, შესაძლოა ავიაკომპანია შეიქმნას და დასძინა, რომ "სოხუმის აეროპორტის რეკონსტრუქცია და საჰაერო მიმოსვლის აღდგენა - მასშტაბური ამოცანაა".

უფრო ადრე, ის ამბობდა, რომ სოხუმის აეროპორტის რეკონსტრუქციის პროექტირებაზე თანხა უკვე გამოიყო და იმედი გამოთქვა, რომ აეროპორტი ფრენების მიღებას 2024 წლის იანვრისთვის დაიწყებს.

სოხუმი უკვე არაერთი წელია ცდილობს რუსეთის მონაწილეობით სოხუმის აეროპორტის აღდგენას.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 9 °C
img
სოხუმი 12 °C
img
ფოთი 14 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.