ახალი ამბები
სკორიკი გამოჩნდა - ის აფხაზეთიდან გამგზავრების მიზეზებზე საუბრობს
აფხაზეთის დე ფაქტო რესპუბლიკის ყოფილმა მთავარმა სანიტარულმა ექიმმა ლუდმილა სკორიკმა დუმილი დაარღვია. საინფორმაციო სააგენტო "აიაშარას" მიერ გავრცელებულ ინფორმაციაში, მედიკოსი ადასტურებს, რომ რუსეთში გამგზავრებამდე, უწყებაში მართლაც ჩატარდა ფინანსური და ეკონომიკური საქმიანობის აუდიტი. თუმცა, როგორც ის ამბობს, ეს მხოლოდ "ჯანდაცვის სამინისტროს ხელმძღვანელის, ედუარდ ბუთბას ინტერესებს უკავშირდება, რომელიც აფხაზეთში მედიცინის კომერციულ რელსებზე გადაყვანას გეგმავს". მისი მტკიცებით, პრობლემა იმაშია, რომ ამ ყველაფერს ბუთბა, "სახელმწიფო სანიტარულ-ეპიდემიოლოგიური სამსახურის უფროსის გზიდან ჩამოშორების გარეშე" ვერ გააკეთებს, ამიტომაც დაიწყო მისი (სკორიკის) "დევნა" ყველა მიმართულებით. კერძოდ, მან ისაუბრა მის კაბინეტში განხორციელებულ ჩხრეკაზე და "სუს-ის უხეშ კომუნიკაციაზე მის თანამშრომლებთან".

სკორიკი ირწმუნება, რომ 22 ივლისს მან დაწერა განცხადება "ჯანდაცვის სამინისტროს" ხელმძღვანელის სახელზე, სადაც ნათქვამია, რომ ოჯახური მიზეზების გამო შვებულებაში მიდიოდა და რუსეთის ფედერაციაში მიემგზავრებოდა. ამ დროს, მისი თქმით, მისი უწყების საქმიანობის ოფიციალური აუდიტი დასასრულს უახლოვდებოდა და ფინანსურ საქმიანობაში სერიოზული დარღვევები არ გამოვლენილა.

სკორიკის თქმით, მისი გაუჩინარების შესახებ შეტყობინებისას "ჯანდაცვის სამინისტროს" მისი შვებულების შესახებ არაფერი უხსენებია, ხოლო სახელმწიფო უსაფრთხოების სამსახურის შტატგარეშე თანამშრომლებმა დაიწყეს სოციალურ ქსელებში მის მიერ "მოპარული მილიონების შესახებ" წერა. ასევე გაავრცელეს ინფორმაცია, რომ მასთან შემოდიოდა ზარები საქართველოდან, ხოლო ჟენევაში მოგზაურობის ფარგლებში, "ის ხვდებოდა ქართველებს და ამორალურად იქცეოდა, გარდა ამისა, ის საქართველოდან იღებდა ჰუმანიტარულ დახმარებას და აღჭურვილობას".

ლუდმილა სკორიკის თქმით, მისი პიროვნების მაკომპრომეტირებელი მასალების გავრცელების შემდეგ, მან ახსნა-განმარტებებისთვის "პრემიერ-მინისტრს და ჯანდაცვის სამინისტროს" მიმართა წერილობით, თუმცა პასუხი არ მიუღია.

აფხაზეთის დე ფაქტო რესპუბლიკის გენერალური პროკურატურის განაცხადებით, "აფხაზეთის მთავარი სანიტარული ექიმი ლუდმილა სკორიკი ეჭვმიტანილია სამსახურებრივი უფლებამოსილების გადამეტებაში და ჯანდაცვის სამინისტროს სახელმწიფო სანიტარიულ-ეპიდემიოლოგიური სამსახურის ქონების მიტაცებაში სამსახურებრივი მდგომარეობის გამოყენებით".

აფხაზური მედიის თანახმად, ის ფაქტი, რომ ლუდმილა სკორიკი სამუშაო ადგილზე 25 ივლისიდან არ იმყოფებოდა, აგვისტოს დასაწყისში გახდა ცნობილი. აფხაზეთის "ჯანდაცვის სამინისტრომ" მაშინ განაცხადა, რომ შიდა შემოწმებას ატარებდნენ.

8 აგვისტოს აფხაზეთის დე ფაქტო რესპუბლიკის ჯანდაცვის სამინისტრომ განაცხადა, რომ 25 ივლისიდან სამუშაო ადგილზე რესპუბლიკის მთავარი სანიტარული ექიმის, ლუდმილა სკორიკის არყოფნის გამო შიდა შემოწმებას ატარებდა.
Print Email
FaceBook Twitter
დაფინანსებული
15 - 16 ივლისს, ზუგდიდის მუნიციპალიტეტის ,,ხელოვნებისა და კულტურის განვითარების ცენტრის" ორგანიზებითა და ზუგდიდის მუნიციპალიტეტის მერიის მხარდაჭერით, პოლიკარპე ხუბულავას სახელობის ფოლკლორის IV საერთაშორისო ფესტივალი ,,კოლხი და..."  ჩატარდება.
ანაკლია-განმუხურის საზღვაო სეზონი გაიხსნა. სეზონის გახსნასთან დაკავშირებით, ანაკლიაში სხვადასხვა ღონისძიება გაიმართა.
ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, არაფორმალური განათლებისა და პროფესიული შესაძლებლობების განვითარების პროგრამის ფარგლებში 4 ახალგაზრდა დააფინანსა.
დღის სიახლეები
15 / ივლისი 2024
გუდაუთის მცხოვრებლებმა სასტუმრო "როსიას" საკანალიზაციო არხები გადაკეტეს, ანტისანიტარიის გამო. 
15 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში ისტორიის გამოცდის პირველ სესიაზე რეგისტრირებული 389
15 / ივლისი 2024
2020-დან 2022 წლის ჩათვლით, უცხოური დონორი ორგანიზაციების სრული ან ნაწილობრივი დაფინანსებით, სენაკის მუნიციპალიტეტში რამდენიმე მნიშვნელოვანი ინფრასტრუქტურული პროექტი განხორციელდა. ამის შესახებ ადგილობრივი
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 24 °C
img
სოხუმი 24 °C
img
ფოთი 25 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.