ახალი ამბები
სვანური ენა, ენერგოდამოუკიდებლობა, სვანური სამართალი - პრეზიდენტის აქცენტები მესტიაში
საქართველოს პრეზიდენტმა სალომე ზურაბიშვილმა მესტიაში სვანური ენის შენარჩუნების აუცილებლობაზე ისაუბრა და ადგილობრივებს უთხრა, რომ სვანური ენა საქართველოს სჭირდება.

"სვანური ენა აუცილებლობაა, რომ დარჩეთ და იყოთ, რაც ხართ. ის სჭირდება საქართველოს, რადგან რეალურად ჩვენი კულტურა და ქართული ენა დიდწილად, სწორედ, სვანურ ენაზეა დაფუძნებული და თუ აღარ ისაუბრებთ სვანურად თქვენ, ჩვენც დავკარგავთ ამ ძალიან დიდ და მდიდარ ენას. ქვეყანას, რომელსაც აქვს ასეთი მდიდარი სამი ენა, როგორ შეიძლება არ ვიამაყოთ, გარეთ არ გავიტანოთ და ჩემთვის გაუგებარი და უაზრო შიშებიდან გამომდინარე არ განვავითაროთ ის, რაც გვაქვს", - აღნიშნა პრეზიდენტმა.

გარდა ამისა, ზურაბიშვილმა ენერგოდამოუკიდებლობასა და ამ მიმართულებით სვანეთის პოტენციალზე ისაუბრა.

„ყველამ ვიცით, რომ საქართველო დიდწილად სვანეთზეა დამოკიდებული. ვიცით, რომ ენერგეტიკა ჩვენი დამოუკიდებლობის ერთ-ერთი მთავარი საფუძველია. თუ ჩვენ ამ კუთხით არ ვიქნებით დამოუკიდებლები, ჩვენ საერთოდ ვერ ვიქნებით დამოუკიდებელი და ეს ძალიან კარგად ჩანს თუ დღევანდელ მოვლენებს და ევროპის მდგომარეობას შევხედავთ, რომელიც იძულებულია დაჩქარებული ტემპით მონახოს ენერგეტიკის ალტერნატიული წყაროები, ვხედავთ რამდენად მნიშვნელოვანია ეს თავისუფლების შენარჩუნებისთვის, სვანებისთვის და ყველა ქართველისთვის", - განაცხადა ზურაბიშვილმა.

პრეზიდენტმა სვანურ სამართალზეც გაამახვილა ყურადღება. ზურაბიშვილი ამბობს, რომ სვანური ტრადიციები სასამართლო რეფორმის მიმართულებით აუცილებლად გამოსაყენებელია.

,,სასამართლო რეფორმისას, რომელიც ერთ-ერთი მთავარი საკითხია ჩვენს ევროპულ გზაზე, საჭიროა გავიხსენოთ სვანეთში არსებული ტრადიციები და გამოვიყენოთ სვანური სამართლის ძეგლები. მედიატორების ინსტიტუტი იძენს ახალ მნიშვნელობას და ძალიან პოპულარულია. აქ სვანებმა თავიანთი თავი და იდენტობა უნდა გამოიჩინონ", - დასძინა სალომე ზურაბიშვილმა.

მან ასევე სვანეთში ტურიზმისა და სპორტის განვითარებასაც გაუსვა ხაზი.

ეს განცხადებები პრეზიდენტმა მესტიაში გააკეთა, სადაც ტაძრის საგანძურის მცველები, სვანეთის ისტორიისა და ეთნოგრაფიის მუზეუმის დირექტორის მოადგილე და უშგულის მუზეუმის თანამშრომელი ღირსების მედლით დააჯილდოვა.
Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასმა რუხისა და ბათუმის ჰოსპიტლებს ონკო-გინეკოლოგიური სერვისებისთვის საჭირო 142 000 ევროს ღირებულების სამედიცინო აღჭურვილობა გადასცა.
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
დღის სიახლეები
05 / დეკემბერი 2022
აფხაზეთის დე ფაქტო რესპუბლიკის "სახელმწიფო უსაფრთხოების სამსახურში" განაცხადეს, რომ უწყება შესაძლო ტერორისტული საფრთხის
05 / დეკემბერი 2022
ჩეხეთის რესპუბლიკის კარიტასმა რუხისა და ბათუმის ჰოსპიტლებს ონკო-გინეკოლოგიური სერვისებისთვის საჭირო 142 000 ევროს ღირებულების სამედიცინო აღჭურვილობა გადასცა.
05 / დეკემბერი 2022
საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განცხადება გაააკეთა და რუსეთ-უკრაინის ომში დაღუპული ქართველი მეომრების ოჯახის წევრებს მიუსამძიმრა.
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 4 °C
img
სოხუმი 6 °C
img
ფოთი 8 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.