ახალი ამბები
რას აღიქვამს ინალ არძინბა საფრთხედ სოხუმისთვის
აფხაზეთის დე ფაქტო რესპუბლიკის საგარეო საქმეთა მინისტრი ინალ არძინბა თვლის, რომ "რეგიონში ვითარება ფეთქებადია და  საქართველოსთან ომის ალბათობა საკმაოდ მაღალია". ამის შესახებ მან "საგარეო უწყებაში" გამართული საზოგადოებრივი საბჭოს სხდომის შემდეგ განაცხადა. 

მან შეხვედრაზე ახსენა საქართველოს ხელისუფლების მხრივ გაკეთებული განცხადებები, ასევე "დამრტყმელი და სადაზვერვო საფრენი აპარატების მიწოდებაზე მზარდი კონტრაქტები, ნატოსთან მიმდინარე კონსულტაციები და დაზვერვის აქტიური მუშაობა", რაც მისი თქმით, სოხუმში საფრთხედ აღიქმება. არძინბას თქმით, ამ საკითხების განხილვა იგეგმება 19 სექტემბერს დაგეგმილ "აფხაზეთის უშიშროების საბჭოს" სხდომაზე.

"იმის გათვალისწინებით, რაც უკრაინაში ხდება, იმის გათვალისწინებით, რაც სომხეთსა და აზერბაიჯანს შორის ხდება, რა თქმა უნდა, საქართველოსთან ომის ალბათობა საკმაოდ მაღალია. ჩვენ, როგორც სახელმწიფოს, გვესაჭიროება თავდაცვისუნარიანობის გაზრდა, მტკიცედ დგომა და ჩვენი ინტერესების დაცვა", - განაცხადა არძინბამ.

სააგენტო ТАСС-ის თანახმად, არძინბამ ასევე გაიხსენა, საქართველოს მმართველი პარტიის, "ქართული ოცნების" ლიდერის, ირაკლი კობახიძის განცხადება "მეორე ფრონტის" გახსნის შესახებ რეფერენდუმის ჩატარების შესაძლებლობის თაობაზე, რის შემდეგაც "მან თქვა, რომ რეფერენდუმი არ იქნება და ა.შ."

ინფორმაციისთვის, 13 სექტემბერს, ირაკლი კობახიძემ ჟურნალისტებთან საუბრისას განაცხადა, რომ ხელისუფლებას შეუძლია პლებისციტი მოაწყოს და ხალხს ჰკითხოს, სურთ თუ არა საქართველოში რუსეთის ფედერაციის წინააღმდეგ "მეორე ფრონტის" გახსნა. თუმცა, მოგვიანებით განმარტა, რომ განცახდებაში იყო "სარკაზმი და მცირედი ირონიაც" და გამოკითხვებიც უჩვენებს, რომ ჩვენს მოსახლეობას არ სურს ომი.

"აფხაზეთის უშიშროების საბჭოს" მდივანმა სერგეი შამბამაც აღნიშნა, რომ ეს "შიშები რეალურია და ამან არ შეიძლება არ შეგვაწუხოს".
"ჩვენ ყველაფრისთვის მზად უნდა ვიყოთ", - თქვა შამბამ.

მისი თქმით, ომის დაწყების შემთხვევაში, საქართველოს მხარს დაუჭერს "ყველა, ვინც ახლა უკრაინას უჭერს მხარს, იქვე იქნებიან აზერბაიჯანი და სომხეთიც... ჩვენი მოკავშირე რუსეთია და ეს ჩვენთვის სერიოზული მხარდაჭერაა", - დასძინა მან.

შამბა მომხრეა, დონეცკისა და ლუგანსკის ე.წ სახალხო რესპუბლიკებთან უფრო მჭიდრო ურთიერთობის დამყარების.

ინალ არძინბა აფხაზეთის დე ფაქტო რესპუბლიკის საგარეო საქმეთა მინისტრად 2021 წლის ნოემბერში დაინიშნა. მისი წინამორბედი იყო დაურ კოვე, რომელიც ამ პოსტს 2016 წლიდან იკავებდა.

მანამდე, 2014-2018 წლებში არძინბა რუსეთის პრეზიდენტის ადმინისტრაციის თანამშრომელი იყო, ის "დსთ-ს ქვეყნებთან, აფხაზეთთან და სამხრეთ ოსეთთან სოციალურ-ეკონომიკური თანამშრომლობის დეპარტამენტში" მუშაობდა, სადაც უკრაინის განყოფილებას, დონეცკისა და ლუგანსკის თვითგამოცხადებულ რესპუბლიკებთან ურთიერთობას კურირებდა.

ხელმძღვანელობდა რუსეთის პატრიარქ კირილესთან არსებულ ახალგაზრდულ საქმეთა საზოგადოებრივ საბჭოს.

უკრაინაში მას ადანაშაულებენ განსაკუთრებით მძიმე დანაშაულებში — უკრაინის სახელმწიფო საზღვრების შეცვლის მცდელობასა და ქვეყნის კონსტიტუციური წესრიგის დარღვევაში. უკრაინამ არძინბას საერთაშორისო ძებნა გამოაცხადა. 2015 წელს ის უკრაინის მტრების სიაშიც მოხვდა.

მიმდინარე წლის მარტში ოკუპირებული აფხაზეთის "დამოუკიდებლობა" ე.წ. ლუგანსკის სახალხო რესპუბლიკამ აღიარა. მანამდე აფხაზეთის დე ფაქტო რესპუბლიკის საგარეო საქმეთა სამინისტრომ გაავრცელა პრესრელიზი, რომელშიც ნათქვამია, რომ სოხუმმა და ე.წ დონეცკის სახალხო რესპუბლიკამ "დიპლომატიური ურთიერთობები დაამყარეს და ნოტები გაცვალეს".

26 თებერვალს, აფხაზმა ლიდერმა ასლან ბჟანიამ ხელი მოაწერა ბრძანებას დონბასის სეპარატისტული ე.წ.დონეცკისა და ლუგანსკის რესპუბლიკების აღიარების შესახებ.




Print Email
FaceBook Twitter
რ ე კ ლ ა მ ა
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
ქალთა ფონდი „სოხუმმა“ ახალი მონიტორინგის ანგარიში - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ გამოაქვეყნა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
დღის სიახლეები
02 / დეკემბერი 2022
საგარეო საქმეთა სამინისტრო გმობს რუსეთის ფედერაციის სახელმწიფო დუმის თავმჯდომარის, ვიაჩესლავ ვოლოდინის ოკუპირებულ აფხაზეთის რეგიონში ჩასვლას და განცხადებას ავრცელებს.
02 / დეკემბერი 2022
ზუგდიდში ძველი საბავშო ბაღების ნაცვლად ქალაქის ტერიტორიაზე ორი და სამ სოფელში ხუთი ახალი საბავშო ბაღი აშენდება.
02 / დეკემბერი 2022
რუსეთის სახელმწიფო სათათბიროს სპიკერი ვიაჩესლავ ვოლოდინი პირველი “ოფიციალური” ვიზიტით სოხუმში ჩავიდა.
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 10 °C
img
სოხუმი 11 °C
img
ფოთი 12 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.