ახალი ამბები
ჩაერთვებიან თუ არა სამეგრელოს მუნიციპალიტეტები აშშ-ს საელჩოს მიერ გამოცხადებულ კულტურის ძეგლების დაცვის კონკურსში
ამერიკის შეერთებული შტატების საელჩოს მხარდაჭერით, აშშ-ის ელჩის კულტურული მემკვიდრეობის დაცვის ფონდის 2023 წლის კონკურსზე განცხადებების მიღება დაიწყო. კონკურსის ფარგლებში კულტურული ძეგლების დაცვის საგრანტო პროექტის მოცულობა 10 000$-დან 500 000$-მდეა.

საგრანტო კონკურსით დაინტერესებულმა მუნიციპალიტეტებმა კულტურის და ძეგლთა დაცვის სამინისტროს უნდა მიმართონ.

რადიო „ათინათი“ სამეგრელოს ყველა მუნიციპალიტეტს დაუკავშირდა. ამ ეტაპზე ერთადერთი მუნიციპალიტეტი, რომელსაც უკვე შერჩეული აქვს ძეგლი და მზადაა კულტურის სამინისტროს მიმართოს, წალენჯიხაა. რეგიონის სხვა ცენტრების ძეგლთა დაცვის სამსახურებში კი ჯერ კიდევ კონსულტაციების რეჟიმში არიან.

„ასეთი არაჩვეულებრივი ძეგლი გვაქვს წალენჯიხაში - ლესალეს ციხესიმაგრე ,რომელიც ძველი წელთაღრიცხვით თარიღდება. ამ ძეგლზე გერმანელი მეცნიერი მუშაობს ამჟამად. ვფიქრობთ, რომ ეს ძეგლი იქნება არაჩვეულებრივი, რათა ჩვენი კულტურა გავხადოთ არამხოლოდ შესწავლის საგანი , არამედ ტირაჟირება მოვახდინოთ .საუბარია ეგრისის სამთავროს დროინდელ ორ ციხესიმაგრეზე,“ - უთხრა რადიო „ათინათს“ წალენჯიხის მერის მოადგილემ თამარ ბელქანიამ.

საგრანტო კონკრუსის შესახებ ინფორმაცია მიღებული აქვს სენაკის მუნიციპალიტეტსაც.

„დაინტერესებული ვართ და ვნახოთ, გრანტის შესახებ ახლახან გავიგეთ, თანამრომლებთან ერთად უკვე ვისაუბრეთ და შევარჩევთ ძეგლს“,- თქვა სენაკის მუნიციპალიტეტის მერიის განათლების,კულტურის, სპორტისა და ახალგაზრდოსმის სამსახურის უფროსმა გივი მისაბიშვილმა.

პროექტში ჩართვის გადაწყვეტილება ჯერ არ მიუღია ჩხოროწყუს მუნიციპალიტეტსაც.

„შევიკრიბეთ ყველანი - ისტორიკოსები, რომლებიც ვართ მუნიციპალიტეტში და გადაწყდა, რომ არ ვიღებთ მონაწილეობას კონურსში. ჩვენ გვინდა ჩატარდეს არქეოლოგიური გათხრები და შემდეგ მოხდეს კონსერვაცია, ეს კონკურსი არ ითვალისწინებს ამ სამუშაოებს. ხომაკირდეს ციხენაგებობაა ჩხოროწყუს მუნციპალიტეტში, ვამუშავებთ კომპეტენტურ ადამიანებთან ერთად და განვიხილავთ,“- აღნიშნა ჩხოროწყუს მუნიციპალიტეტის ძეგლთა დაცვის მთავარმა სპეციალისტმა სოსო მალანიამ.

პროექტით დაინტერესებულია აბაშის მუნიციპალიტეტიც,თუმცა შესაბამის სამსახურებს ჯერ კულტურის სამინისტროსთვის არ მიუმართავთ.

„ძეგლებს განაგებს კულტურის სამინისტრო და ჩვენ მასთან უნდა შევათანხმოთ ჩატარდება თუ არა რეაბილიტაცია. შევარჩევთ შესაბამის ძეგლს და აუცილებლად მივამრთავთ კულტურის სამინისტროს,“- უთხრა რადიო „ათინათს“ აბაშის მუნიციპალიტეტის ძეგლთა დაცვის სამსახურის უფროსმა შალვა დარცმელიძე.

როგორც გვითხრეს, საკითხზე მუშაოებენ ფოთის მერიის შესაბამისი სამსახურები.

ამერიკის საელჩოს მიერ გამოცხადებულ საგრანტო კონკრუსში მონაწილეობას გეგმავენ ზუგდიდის და ხობის მუნიციპალიტეტებიც, თუმცა, ჯერჯერობით, კულტურული მემკვიდრეობის ძეგლი შერჩეული არ აქვთ.

საელჩოს მიერ გამოცხადებულ კონკურსში პროექტის აბსტრაქტის წარდგენის ბოლო ვადაა 2022 წლის 2 დეკემბერია.

Პროგრამა AFCP-ის მეშვეობით სახელმწიფო დეპარტამენტი მხარს უჭერს კულტურული მემკვიდრეობის დაცვის პროექტებს სამი მიმართულებით:

კულტურული ძეგლები – როგორიცაა, ისტორიული შენობები, არქეოლოგიური ობიექტები და არამხოლოდ;

კულტურული ღირებულების მქონე ნივთები და კოლექციები – მუზეუმიდან, ისტორიულ-კულტურული ადგილებიდან ან მსგავსი დაწესებულებებიდან- მაგალითად: არქეოლოგიური და ეთნოგრაფიული ნივთები (ობიექტები), ნახატები, სკულპტურები, ხელნაწერები, და ზოგადი სამუზეუმო ექსპონატების კონსერვაციის საჭიროება;

ტრადიციული გამომხატველობითი კულტურის ფორმები – როგორიცაა ტრადიციული მუსიკა, ადგილობრივი ენები, ტრადიციული რეწვის სახეობები.


Print Email
FaceBook Twitter
რ ე კ ლ ა მ ა
„სტრესთან ბრძოლის რესურსული მდგომარეობის ძიება“ ეს არის პირველი, პრეცედენტული ტრენინგის თემა ქუთაისში, რომელიც უკრაინელმა ფსიქოლოგებმა - მარინა სტეპანენკომ და ანა შალიმოვამ ჩაატარეს, ქალთა ფონდი „სოხუმის“ ორგანიზებით.
ქალთა ფონდმა „სოხუმმა“დასავლეთ საქართველოს 6 მუნიციპალიტეტში (ქუთაისი, წყალტუბო, ხონი, ზუგდიდი, სენაკი, წალენჯიხა) ქალებისა და ახალგაზრდების საჭიროებების შეფასების შესახებ ახალ კვლევაზე დაიწყო მუშაობა.
ოჯახში და ქალთა მიმართ ძალადობაზე ეფექტიანი რეაგირების, ინფორმაციის გაცვლისა და კოორდინაციისათვის პრიორიტეტული მნიშველობისაა ადგილობრივ დონეზე უწყებათაშორისი კომისიების ფუნქციონირება.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
07 / თებერვალი 2023
"ერთიანი ნაციონალური მოძრაობის" ზუგდიდის რაიონული ორგანიზაციის თავმჯდომარე ანა წითლიძე ფიქრობს, რომ თანაპარტიელები უნდა გავიდნენ როგორც პარლამენტიდან, ასევე, საკრებულოებიდან.
07 / თებერვალი 2023
აფხაზმა ლიდერმა ასლან ბჟანიამ "დონბასის მოსახლეობის უფლებების დაცვისას გამოჩენილი გამბედაობისა და ვაჟკაცობისთვის" სიკვდილის შემდეგ "მამაცობის ორდენით" დააჯილდოვა ირაკლი ადლეიბა, ოლეგ ანდრუსენკო, ევგენი გადლია,
07 / თებერვალი 2023
დიდთოვლობისა და ზვავსაშიშროების გამო შიდასახელმწიფოებრივი მნიშვნელობის ზუგდიდი-ჯვარი-მესტია ლასდილის  საავტომობილო გზის კმ177-კმ186 (კალა-უშგული)
მთავარი საინფორმაციო გამოშვება
ჩვენი თვითმმართველობა
არქივი
«« თებერვალი 2023 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 12345
ამინდი
ზუგდიდი 1 °C
img
სოხუმი 3 °C
img
ფოთი 4 °C
img
მესტია -7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.