ახალი ამბები
მოსკოვი ბიჭვინთის შეთანხმებაში ცვლილებების შეტანის წინააღმდეგია მის რატიფიცირებამდე
მოსკოვი გამოეხმაურა სოხუმის წინადადებას ბიჭვინთის ობიექტების რუსეთისთვის გადაცემის შესახებ შეთანხმებაში ცვლილებების შეტანის თაობაზე, წერს "ნუჟნაია გაზეტა".
რუსეთის ფედერაციის საგარეო საგარეო საქმეთა სამინისტროს საპასუხო წერილში, რომელსაც გამოცემა აქვეყნებს, ნათქვამია, რომ ეს ცვლილებები "არავითარ ფუნდამენტურ წინააღმდეგობას არ იწვევს". თუმცა აქვე წერია, რომ შეთანხმებაში ცვლილებების შეტანა შესაძლებელია მხოლოდ მისი რატიფიცირების შემდეგ.

"... აღნიშნული შეთანხმება ამჟამად არ შევიდა ძალაში აფხაზური მხარის მიერ შიდა პროცედურების სრულად შეუსრულებლობის გამო, ამიტომ მიზანშეწონილია ხელშეკრულებაში ცვლილებების შეტანა მისი ძალაში შესვლის შემდეგ", - ნათქვამია აფხაზეთის დე ფაქტო რესპუბლიკის საგარეო საქმეთა სამინისტროსთვის გაგზავნილ წერილში.

მანამდე აფხაზეთის "პარლამენტის" დეპუტატთა ჯგუფმა რუსეთის სახელმწიფო სათათბიროში შეხვედრა გამართა და ბიჭვინთის ხელშეკრულებაში ცვლილებების შეტანის წინადადებით მიმართა რუსეთის საგარეო უწყებას.

"ფაქტობრივად, რუსეთის საგარეო საქმეთა სამინისტრომ დაადასტურა, რომ შეუძლებელია არარატიფიცირებულ დოკუმენტში ცვლილებების შეტანა. ლოგიკური ჯაჭვის გაგრძელებით, შეგვიძლია ვთქვათ, რომ რატიფიცირებულ დოკუმენტში ცვლილებების მიღება არ იქნება მართებული, ვინაიდან ხელშეკრულებაში დამატებითი პირობები არ არის მითითებული. ეს ნიშნავს, რომ აფხაზეთის ხელისუფლების მიერ კონსტიტუციის ნორმების იგნორირებით დაშვებული შეცდომების გამოსწორების მხოლოდ ერთი გზა არსებობს - ხელშეკრულების პარლამენტიდან გატანა", - წერს გამოცემა.

ბიჭვინთის ყოფილი სახელმწიფო აგარაკის შესახებ რუსეთთან შეთანხმების რატიფიცირების საკითხის "პარლამენტიდან" გამოწვევას აფხაზეთის საზოგადოებრივი, არასამთავრობო ორგანიზაციები და ოპოზიციური პარტიების ნაწილიც ითხოვს. 

უფრო ადრე, აფხაზეთის დე ფაქტო რესპუბლიკის საგარეო საქმეთა მინისტრმა ინალ არძინბამ, განაცხადა, რომ ბიჭვინთის "სახელმწიფო აგარაკის" რუსეთისთვის გადაცემის შესახებ შეთანხმებაში შესაძლოა, ცვლილებები შევიდეს.

მისი თქმით, "მხარეები მივიდნენ ურთიერთგაგებამდე იმასთან დაკავშირებით, თუ რამდენად მნიშვნელოვანია ხელშეკრულების ტექსტში ასახული თეზისი, მესამე პირებისთვის ობიექტის გადაცემის შეუძლებლობის შესახებ, სახელმწიფოს მეთაურისთვის ამ თემაზე ანგარიშს ვამზადებ, მედიას დროულად შევატყობინებთ".

აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას სოხუმსა და მოსკოვს შორის 2022 წლის 19 იანვარს მოეწერა ხელი.

შეთანხმების" თანახმად, ბიჭვინთის ცნობილი სახელმწიფო აგარაკი და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში 49 წლიანი იჯარით გადადის. მასთან ერთად, ხელშეკრულება ამ მიწის მიმდებარედ საზღვაო სივრცის, 115 ჰექტარი ფართობის გადაცემის საკითხსაც ითვალისწინებს.

დე ფაქტო ხელისუფლება ცდილობდა დაერწმუნებინა მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებდა მას. თუმცა, მოქალაქეების დიდი ნაწილი რუსეთისთვის სანაპირო მიწების გადაცემის წინააღმდეგია.

საქართველოს აფხაზეთისა და ცხინვალის რეგიონები რუსეთმა 2008 წლის აგვისტოს ომის შემდეგ დამოუკიდებელ ქვეყნებად აღიარა, იმავე წლის სექტემბერში ნიკარაგუამ ცნო აფხაზეთის დამოუკიდებლობა, 2009 კი ვენესუელამ და ნაურუმ, ხოლო 2018 წელს - სირიამ.


Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
08 / მაისი 2025
ცნობილია, რომ კოლხები რკინის მეტალურგიული წარმოების ერთ-ერთი პიონერები არიან.დღემდე შემორჩენილია არაერთი მეგრული ტოპონიმი , რომელიც პირდაპირ მიუთითებს რკინის წარმოებაზე და დამზადებაზე.მთავარი ამ საქმეშია მჭედელი-ჭკადუ, ,,კინაშ ჭკადუ“ ის მეგრელთა წარმოდგენით, სოფელში საპატიო და ამავე დროს ისეთ პირად იყო მიჩნეული, რომელიც განგებასთან იყო დაკავშირებული. დღევანდელ გადაცემაში საუბარია ,,ჭკადუშ“ ინსტიტუტზე, მის ხელობაზე და მითებზე.
08 / მაისი 2025
ნიჟნი ნოვგოროდი სოხუმის რეისი, რომელიც ადრე გადაიდო, უკრაინული დრონებით თავდასხმის შემდეგ დაწესებული შეზღუდვების გამო, გაუქმდა.
08 / მაისი 2025
სოციალური მომსახურების სტატისტიკაზე დაყრდნობით, გასულ თვეს, აპრილში სამეგრელო-ზემო სვანეთში სახელმწიფო პენსიის მიმღებთა რაოდენობა 119-ით გაიზარდა და 89 691 პირს მიაღწია.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მაისი 2025 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.