წალენჯიხის მუნიციპალიტეტის მერის გია ხარჩილავას განცხადებით, ის „ერთიანი ნაციონალური მოძრაობის“ ახალ თავმჯდომარესა და ხელმძღვანელობასთან თანამშრომლობას აპირებს. ამის შესახებ მან ჟურნალისტებს უთხრა. ხარჩილავა ასევე განმარტავს, რომ ადგილზე პარტიული ცვლილებები არ იგეგმება.

„მერი არ ჩარეულა პირადად ამ პროცესში და დარწმუნებით შემიძლიათ გითხრათ, მე რომ პიროვნული კონკრეტული მხარე დამეჭირა რომელიმე მხარის მიმართ, შემეძლო ზემოქმედება შედეგებზეც მომეხდინა, იმდენად ფართო არის იმ ადამიანთა რიცხვი, რომლეთანაც მე ყოვედღიური ურთიერთობა მაქვს ქართული პოლიტიკის სინამდვილეში, რათა არცერთ კანდიდატს დომინაცია ჩემი პლიტიკური წონის არ მიეღო, მაგრამ წალენჯიხაში განვითარდა პროცესები, რომლებმაც ზოგად შედეგში თავისი წვლილი შეიტანა.

რაც შეეხება რწმუნებულებს, ყველა განაგრობს მუშაობას, აქ არავისზე მერის მხრიდან დომინაცია ან დომინანტობა არ მომხდარა, დღეს სწორედ ის დღეა, როდესაც ყველა რწმუნებულს უგრძელდება უფლებამოსილება“, - განმარტა ხარჩილავამ.

შიდა პარტიული არჩევნების შედეგად ენმ-ს ახალი თავმჯდომარე ნიკა მელიას ნაცვლად ლევან ხაბეიშვილი გახდა, რამაც პარტიაში საკადრო ცვლილებებიც გამოიწვია.


ამავე თემაზე:

მელიას მხარდაჭერისთვის "ჩაგვხსნეს" - წალენჯიხის ენმ-ს ფეისბუქ გვერდის ადმინისტრატორი