ახალი ამბები
ჩვენ გვსურს, რომ მხარეები დასხდნენ მოლაპარაკების მაგიდასთან - ტოივო კლაარი სოხუმში ჩავიდა
სამხრეთ კავკასიაში ევროკავშირის სპეციალური წარმომადგენელი ტოივო კლაარი სოხუმში ჩავიდა, სადაც კონსულტაციები გამართა. აფხაზური გამოცემა "ნუჟნაია გაზეტასთვის" მიცემულ ინტერვიუში მან აღნიშნა, რომ კონფლიქტის მხარეებს შორის კონტაქტები ყველა დონეზე მნიშვნელოვანია.

"ჩვენ მხარს ვუჭერთ სხვადასხვა პროგრამებს, რომლებიც ორიენტირებულია დიალოგზე. მაგრამ ჩვენ ვფიქრობთ, რომ მნიშვნელოვანია უფრო შორს წასვლა და კონტაქტების შენარჩუნება ორივე მხარის წარმომადგენლების დონეზე. ამაზე ჩვენ მრავალი წელია ვსაუბრობთ და მნიშვნელოვანია გვესმოდეს, რა თემების განხილვა გვინდა სოხუმსა და თბილისში, განსაკუთრებით ისეთ რთულ ვითარებაში, როგორიც ახლა არის, თუმცა ახალი სირთულეების გარდა, მან შეიძლება შექმნას თანამშრომლობის ახალი შესაძლებლობები", - უთხრა გამოცემას ჟენევის საერთაშორისო მოლაპარაკებების თანათავმჯდომარემ.

ქართულ და აფხაზურ მხარეებს შორის მოლაპარაკებების ორმხრივ ფორმატში წარმართვის შესაძლებლობის შესახებ დასმულ კითხვას ტოივო კლაარმა უპაუსხა, რომ ამ ეტაპზე არც სოხუმი და არც თბილისი არ არიან მზად ოფიციალური მოლაპარაკებების გასამართად.

"ჩვენ ვცდილობთ ხელი შევუწყოთ მხარეებს შორის უფრო არაფორმალურ, მაგრამ პირდაპირ კონტაქტებს იმ იმედით, რომ ეს მისაღები გახდება. ჩვენ გვსურს, რომ მხარეები დასხდნენ მოლაპარაკების მაგიდასთან და შესთავაზონ ერთმანეთს სასაუბრო თემები. ამისთვის სოხუმიც და თბილისიც მზად უნდა იყვნენ არა მხოლოდ თავიანთი პრიორიტეტების შეთავაზებისთვის, არამედ მეორე მხარის პრიორიტეტების განხილვისთვის... ჩვენ ისეთი განცდა გვაქვს, რომ სოხუმში და თბილისში, პრინციპში, ესმით ეს, თუმცა ჯერჯერობით, ორივე მხარეს უჭირს მეორე მხარის წინადადების გაგება და მიღება", - თქვა მან.

ჟურნალისტის კითხვას, ხედავს თუ არა ევროკავშირის წარმომადგენელი საქართველოს მხრიდან ომის განახლების, "მეორე ფრონტის" გახსნის საფრთხეს, რაზეც ბოლო პერიოდში ხშირად აკეთებენ განცხადებებს დე ფაქტო ხელისუფლების წარმომადგენლები, ტოივო კლაარმა უპასუხა:

"ჩვენ ვერ ვხედავთ სიტუაციის ასეთი განვითარების შესაძლებლობას. არიან ცალკეული პიროვნებები, რომლებიც ამბობენ იმას, რაც არ უნდა თქვან, მაგრამ ესენი არიან ცალკეული ინდივიდები და ზოგადად, ჩვენ ვერ ვხედავთ ასეთი სცენარი განვითარების შესაძლებლობას. ეს ჩანს, მაგალითად, თუ გადავხედავთ MPRI-ის შეხვედრებს, რომლებიც ერგნეთში იმართება, ცხინვალის წარმომადგენლების შეფასება - სიტუაცია გაცილებით უფრო მშვიდია, ვიდრე ადრე. სინამდვილეში, საქართველოს არავის სთხოვს "მეორე ფრონტის" გახსნას. შემიძლია ცალსახად დავადასტურო, რომ არც ევროკავშირიდან უბიძგებს არავინ საქართველოს ომისკენ, და აშშ-ის ელჩმა თბილისში ასევე არაერთხელ დაადასტურა, რომ მსგავსი ზეწოლა აშშ-ს მხრიდან არ არსებობს. ეს დეზინფორმაციაა".

ჟენევის დისკუსიების მორიგი რაუნდისთვის მზადებაზე საუბრისას, ტოივო კლაარმა განმარტა, რომ რუსეთის ომმა უკრაინის წინააღმდეგ დიდი დაძაბულობა და პრობლემები შეუქმნა საერთაშორისო ურთიერთობების ჩამოყალიბებულ სისტემას, რის გამოც, შეხვედრები რამდენჯერმე გადაიდო, თუმცა, მორიგი შეხვედრა, რაზეც მხარეები შეთანხმდნენ, 4 - 5 აპრილს გაიმართება. მან ასევე დასძინა, რომ ისინი ვერ ხედავენ მიზეზს დისკუსიის სხვა ადგილზე გადატანისთვის.

აფხაზეთის დე ფაქტო რესპუბლიკის საგარეო საქმეთა მინისტრმა ინალ არძინბამ 18 მარტს განაცხადა, რომ სოხუმი მზადაა უსაფრთხოებისა და სტაბილურობის საკითხებზე ჟენევის დისკუსიების მომდევნო რაუნდში მონაწილეობისთვის.

თუმცა, მანამდე, 21 - 22 თებერვალს დაგეგმილი ჟენევის დისკუსიების 57-ე რაუნდის გადადების შემდეგ ინალ არძინბამ განაცხადა, რომ აფხაზურმა მხარემ გადაწყვიტა უარი ეთქვა ჟენევის საერთაშორისო დისკუსიების თანათავმჯდომარეების დელეგაციისთვის, რომელიც 8-9 თებერვალს აპირებდა ვიზიტს სოხუმში შეხვედრების ჩასატარებლად.

მიმდინარე წლის მარტში ინალ არძინბა ჟენევის საერთაშორისო დისკუსიების მინსკში გადატანის წინადადებით გამოვიდა. საერთაშორისო მოლაპარაკებების 56-ე რაუნდი ჟენევაში 5 ოქტომბერს გაიმართა.

ჟენევის საერთაშორისო მოლაპარაკებები შექმნილია 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. დისკუსიები მიმდინარეობს ორი სამუშაო ჯგუფის ფარგლებში, სადაც მოლაპარაკებების მონაწილეები ინდივიდუალური სტატუსით არიან წარმოდგენილი. პირველი სამუშაო ჯგუფის ფარგლებში განიხილება საქართველოს ოკუპირებულ ტერიტორიებზე უსაფრთხოებისა და სტაბილურობის საკითხები, ხოლო მეორე სამუშაო ჯგუფში — აფხაზეთისა და ცხინვალის რეგიონებში ადამიანის უფლებებისა და ჰუმანიტარული კუთხით არსებული მდგომარეობა, ასევე იძულებით გადაადგილებულ პირთა და ლტოლვილთა საკუთარ სახლში უსაფრთხო და ღირსეულ დაბრუნებასთან დაკავშირებული საკითხები. მოლაპარაკებები იმართება ევროკავშირის, გაერო-სა და ეუთო-ს თანათავმჯდომარეობით და საქართველოს, რუსეთის ფედერაციისა და ამერიკის შეერთებული შტატების მონაწილეობით. სამუშაო ჯგუფის შეხვედრებს ესწრებიან აგრეთვე ყოფილი სამხრეთ ოსეთის ავტონომიური ოლქის დროებითი ადმინისტრაციის ხელმძღვანელი და აფხაზეთის ავტონომიური რესპუბლიკის მთავრობის თავმჯდომარე ისევე, როგორც ცხინვალისა და სოხუმის საოკუპაციო რეჟიმების წარმომადგენლები.


Print Email
FaceBook Twitter
დაფინანსებული
სამეგრელო-ზემო სვანეთის სახელმწიფო რწმუნებული გიორგი გუგუჩია და ზუგდიდის მერი მამუკა წოწერია, მოადგილეებთან ერთად, შამადელაში ხიდების სარეაბილიტაციო სამუშაოებს გაეცნენ.
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დღის სიახლეები
26 / მაისი 2024
დღეს ზუგდიდში მოქალაქეებმა 1918 წლის 26 მაისის ისტორიული გადაწყვეტილება, საქართველოს დამოუკიდებლობის აქტის მიღება 106-ედ აღნიშნეს. ტრადიციულად, ღონისძიების მთავარი ლოკაცია ცენტრალური მოედანი იყო, სადაც
26 / მაისი 2024
ზუგდიდში, თავისუფლების მოედანზე, სადაც დამოუკიდებლობის დღის აღსანიშნავად ღონისძიებები მიმდინარეობს, „აგენტების“ კანონი გააპროტესტეს.
26 / მაისი 2024
ზუგდიდის რაიონულმა სასამართლომ ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე დაკავებულ პირს აღმკვეთ ღონისძიებად პატიმრობა შეუფარდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 16 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.