ახალი ამბები
ზუგდიდის თეატრი 155 წლის იუბილეს წელსაც შენობის გარეშე ხვდება - ენმ-ის დეპუტატი
ერთიანი ნაციონალური მოძრაობის წევრმა და ზუგდიდის საკრებულოს დეპუტატმა პაატა ადამიამ შალვა დადიანის სახელობის პროფესიული სახელმწიფო დრამატული თეატრის ამჟამინდელ მდგომარეობასთან დაკავშირებით ბრიფინგზე ისაუბრა. მისი თქმით, შენობა, რომლის რეაბილიტაციაც ჯერ კიდევ 2016 წელს დაანონსდა, ჯერაც არ არის დასრულების ეტაპზე და თეატრის დასი საიუბილეო თარიღს ისევ საკუთარი ფართის გარეშე ხვდება. დეპუტატი ვარაუდობს, რომ ისევე, როგორც წინა წლებში, ხელისუფლება აღნიშნულ საკითხს საარჩევნო პროპაგანდისთვის გამოიყენებს. 

"2016 წელს დასი იძულებული გახდა დაეხურა თეატრი, ვინაიდან შენობა იყო ავარიულ მდგომარეობაში, იშლებოდა ჭერი. მას შემდეგ თეატრს საკუთარი შენობა არ აქვს. 2016 წელს ადგილობრივმა ხელისუფლებამ მიმართა მთავრობას, ეკონომიკის და ფინანსთა სამინისტროებს, რომლებმაც შესაბამისი თანხები ვერ მოიძიეს და ფონდმა "ქართუმ" ითავა ამ თანხის მოძიება. გამოიყო 12 მილიონი, დაპირება 2020 წლის არჩევნებისთვის იყო, რომ დასრულდებოდა თეატრის მშენებლობა სრულად, დღესდღეისობით, 2023 წელს, თეატრის მშენებლობა დასრულებული არ არის. შეიძლება მორიგი არჩევნებისთვის გამოიყენოს "ქართულმა ოცნებამ" ეს თემა, თუმცა შენობის მწყობრში შესვლამდე დიდი დროა კიდევ. ჯერჯერობით პირი არ უჩანს მშენებლობის დასრულებას", - აღნიშნა პაატა ადამიამ.

ზუგდიდის თეატრის რეაბილიტაცია 2016 წელს დააანონსდა. შენობის რეკონსტრუქცია მაშინ შპს "ად-სტუდიოს" მიერ წარმოდგენილი პროექტის მიხედვით უნდა მომხდარიყო, საპროექტო-სახარჯთაღრიცხვო დოკუმენტაციის შედგენაზე კი ადგილობრივი ბიუჯეტიდან 58 ათასი ლარი გამოიყო. სამუშაოების დასრულების თარიღად მაშინ 2018 ან 2019 წელს ვარაუდობდნენ.

მოგვიანებით, 2018 წლის ივლისში, თეატრის ძველი შენობა სრულად დაანგრიეს. დემონტაჟის მიზეზი ექსპერტიზის დასკვნა გახდა, რომლის თანახმადაც, საძირკველი ახალ შენობას ვეღარ გაუძლებდა. 

2021 წლის აპრილში რადიო "ათინათი" კომპანია "ატუს" დაუკავშირდა, რომელიც თეატრის სამშენებლო სამუშაოებს ატარებს. მაშინ კომპანიის წარმომადგენელმა გვითხრა, რომ მშენებლობის დასრულების ვადებმა შესაძლოა 2022 წლისთვის გადაიწიოს. 

ამჟამად ზუგდიდის თეატრალური დასი რეპეტიციებს და სპექტაკლებს კულტურის სახლის ყოფილ შენობაში მართავს.
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 14 °C
img
ფოთი 13 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.