ახალი ამბები
სოხუმის აეროპორტის აღდგენა სოჭის აეროპორტს და "ფსოუს" გამშვებ პუნქტს განტვირთავს - მოსკოვი
სოხუმის აეროპორტის რეკონსტრუქციის შემდეგ შესაძლებელი გახდება სოჭის აეროპორტის განტვირთვა, განაცხადა რუსული მხარის წარმომადგენელმა მაქსიმ რეშეტნიკოვმა, მას შემდეგ რაც 16 ივნისს, რუსეთმა და აფხაზეთის დე ფაქტო რესპუბლიკამ ხელი მოაწერეს შეთანხმებას ბაბუშერას აეროპორტის ფუნქციონირების განახლების შესახებ. მისივე თქმით, საჰაერო ნავსადგურს ასევე შეეძლება "რუსეთ - აფხაზეთის საზღვარზე მდებარე "ფსოუს" საკონტროლო - გამშვებ პუნქტზე დატვირთვის შემცირება".

გუშინვე, სანკტ-პეტერბურგის XXVI საერთაშორისო ეკონომიკურ ფორუმის ფარგლებში გამართულ შეხვედრაზე, რუსეთის ოტელიერების გამგეობის პრეზიდენტმა დიმიტრი ბოგდანოვმა დასძინა, რომ სოხუმის აეროპორტის აღდგენა ხელს შეუწყობს კრასნოდარის ოლქის კურორტებზე ტურისტების ნაკადის ზრდას. მისი თქმით, თავდაპირველად, უმჯობესია, "2024 წლის დასაწყისისთვის ბაბუშერაში პატარა აეროვაგზალი აშენდეს, რომელიც საათში ორი თვითმფრინავის მიღებას შეძლებს და მხოლოდ ამის შემდეგ განავითარონ იქ აეროპორტის ინფრასტრუქტურა", წერს "აბხაზია ინფორმი". 

გამოცემის თანახმად, რუსეთის სამხრეთ და ცენტრალურ ნაწილში ფრენების დროებითი შეზღუდვის რეჟიმის შემოღებასთან დაკავშირებით, 2022 წლის 24 თებერვლიდან, შეჩერებულია კრასნოდარის, ანაპის და გელენჯიკის აეროპორტების მუშაობა.

დოკუმენტში, რომელსაც სოხუმმა დ მოსკოვმა მოაწერეს ხელი, ნათქვამია, რომ "საინვესტიციო პროექტს აეროპორტის საქმიანობის აღდგენისა და შემდგომი ოპერირების მიზნით რუსული იურიდიული პირი განახორციელებს", თუმცა, დეტალები საჯაროდ არ გახმაურებულა.

მანამდე აფხაზური მედია წერდა, რომ ინვესტორად გამოდის რუსული ინდუსტრიული ჯგუფი Basic Element , რომელთა კომპანიები აკონტროლებენ ან შედიან რუსი ოლიგარქის ოლეგ დერიპასკას ბიზნეს ინტერესების სფეროში.

სოხუმში გასული წლის დეკემბერშიც განაცხადეს, რომ რუსული მხარის დახმარებით ბაბუშერას აეროპორტის აღდგენას 2024 წლისთვის გეგმავენ.

ამავე თემაზე: სოხუმის აეროპორტის მუშაობის აღდგენის შეთანხემებას "მხარეებმა" პეტერბურგში მოაწერეს ხელი




Print Email
FaceBook Twitter
დაფინანსებული
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ გალა კონცერტით დასრულდა.
მერის სტიპენდიაზე განცხადებების მიღება დაიწყო.
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ ჯიხაშკარში, მის მშობლიურ სოფელში გაიმართა, რომელშიც საქართველოს სხვადასხვა რეგიონიდან ჩამოსული ფოლკლორული ანსამბლები მონაწილეობდნენ.
დღის სიახლეები
18 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში სახვითი და გამოყენებითი ხელოვნების გამოცდაზე
18 / ივლისი 2024
სვანეთში, სოფელ ეცერის მიმდებარე ტერიტორიაზე მიწა ჩამოიშალა, რის გამოც გზა რამდენიმე საათი ჩაკეტილი იყო.
17 / ივლისი 2024
მომავალ ლიდერთა გაცვლითი პროგრამა (FLEX), 30 წელზე მეტია, რაც ამერიკის მთავრობის მხარდაჭერით ხორციელდება საქართველოში.
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 26 °C
img
ფოთი 25 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.