ახალი ამბები
სტიქიამ გაგრაში წყალდიდობა გამოიწვია (ფოტო)
სტიქიის შედეგების აღმოსაფხვრელად და დაზარალებულთა დასახმარებლად გაგრის რაიონში ოპერატიული შტაბი შეიქმნა, ინფორმაციას გაგრის ე.წ. ადმინისტრაცია ავრცელებს.
მანამდე, აფხაზეთის დე ფაქტო რესპუბლიკის საგანგებო სიტუაციების სამინისტრო იუწყებოდა, რომ ძლიერმა გადაუღებელმა წვიმებმა გაგრის რაიონში წყალდიდობა გამოიწვია. დაიტბორა გაგრისა და ბიჭვინთის ქუჩები, შენობები და კერძო სახლები. ამავე ცნობით, ქალაქის სამაშველო ბრიგადები უკვე ჩაერთნენ სტიქიის შედეგების ლიკვიდაციაში.

უწყება აფრთხილებს მოსახლეობას და დამსვენებლებს, თავი შეიკავონ გაგრის რაიონში გადაადგილებისგან. მსხვერპლის შესახებ ინფორმაცია არ ვრცელდება.

ამავე ინფორმაციით, გამანაწილებელი ქვესადგურების დატბორვის გამო გაგრის რაიონის და ბიჭვინთის დასახლებების ნაწილს ელექტროენერგიის მიწოდება შეუწყდა.

წუხელ, კომპანია "ჩერნომორენერგოში" განაცხადეს, რომ გაგრასა და გაგრის რაიონს ელექტროენერგიის მიწოდება 70% - ით აღუდგა. თუმცა, დილით ცნობილი გახდა, რომ გაითიშა მაღალი ძაბვის ხაზი "ოჩამჩირე" და ელექტროენერგიის გარეშე დარჩა გუდაუთის, გაგრის და სოხუმის რაიონის ნაწილი.

"ეხო კავკაზას" თანახმად, "აფხაზეთის რკინიგზის" მთავარმა ინჟინერმა ლეონიდ ყურუამ 9 ივლისს "ინტერფაქსს" განუცხადა, რომ გაგრის რაიონში რკინიგზის რამდენიმე მონაკვეთზე ლიანდაგების დაზიანების გამო, მატარებლების მოძრაობაა შეჩერებული. მისივე თქმით, რკინიგზის დაზიანებულ მონაკვეთებზე სარემონტო ჯგუფებმა აღდგენითი სამუშაოები უკვე დაიწყეს.

სტიქიის შედეგად დაზარალებულ რაიონებში "საგანგებო სიტუაციების სამინისტროს" დამატებითი ბრიგადები და სპეციალური ტექნიკა გაიგზავნა.

ამევ ცნობით, ტურიზმის ე.წ. მინისტრის თეიმურაზ ხიშბას რეკომენდაციაა, რომ "აფხაზეთში დროებით დაიკეტოს ყველა პლაჟი".


Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
21 / აპრილი 2024
ზუგდიდელი მკლავჭიდელი დავით სამუშია სტამბულში გამართული საერთაშორისო ტურნირის "East vs West" გამარჯვებულია.
21 / აპრილი 2024
საქართველოს განათლების, მეცნიერებისა და ახალგაზრდობის სამინისტროს ინფორმაციით, ხვალიდან პროფესიულ საგანმანათლებლო
20 / აპრილი 2024
აფხაზეთის თვითგამოცხადებულ რესპუბლიკაში ელექტროენერგიის მიწოდებაზე შეზღუდვები 20 აპრილიდან მოიხსნება, ამის შესახებ „ჩერნომორენერგო“ ავრცელებს ინფორმაციას.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 19 °C
img
სოხუმი 16 °C
img
ფოთი 15 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.