საპატრიარქო ტახტის მემკვიდრე მიტროპოლიტი შიო აცხადებს, რომ თავს კარგად გრძნობს.
მეუფე შიომ სამების საკათედრო ტაძარში ქადაგების დასრულების შემდეგ მედიასთან კომენტარიგააკეთა, მისი სავარაუდო მოწამვლის შესახებ გავრცელებულ ინფორმაციაზე და იმედი გამოთქვა, რომ დეტალები გაირკვევა.

„მადლობა ღმერთს. გილოცავთ ყველას პეტრე-პავლობას! ღვთის შეწევნით ვარ კარგად. დიახ, ალბათ, უნდა ჩატარდეს [ხელმეორე კვლევა], ექიმები გვირჩევენ. ზუსტად ახლა თქმა რთულია, იმედია, რომ გაირკვევა. ყოფითი მოწამვლაა, თუ გარკვეული ზემოქმედება იყო, ამას ვერ მოგახსენებთ“, - განაცხადა მეუფე შიომ.

ინფორმაცია მიტროპოლიტ შიოს შესაძლო მოწამვლის შესახებ გასულ კვირაში მედიაში გავრცელდა.

7 ივლისს  საქართველოს შსს-მ გამოძიება დაიწყო მიტროპოტილ შიო მუჯირის განზრახ მკვლელობის მცდელობის ფაქტზე. უწყების ცნობით, გამოძიების შედეგების მიხედვით, შესაძლოა, მუხლი გადაკვალიფიცირდეს.