ახალი ამბები
ასლან ბჟანია Astoria Grande - ს სოხუმში ეპატიჟება და „თბილ დახვედრას ჰპირდება“ - მედია
აფხაზი ლიდერი ასლან ბჟანიამ ოკუპირებულ აფხაზეში ეპატიჟება საკრუიზო ლაინერს ASTORIA GRANDE - ს და „რუს ტურისტებს თბილ დახვედრას ჰპირდება“.

„რესპუბლიკა დაინტერესებულია ტურისტული სერვისების გაფართოებით და გეოგრაფიული შესაძლებლობების გათვალისწინებით, ზაფხულში საკრუიზო გემების მომსახურება ყველაზე პერსპექტიულად ითვლება“, - განუცხადა ბჟანიამ TASS-ს, ბათუმის პორტში გამართული საპროტესტო აქციის კომენტირებისას.

მისივე თქმით, სოხუმის საზღვაო პორტი „ტექნიკურად მზად არის ასტორია გრანდეს ტიპის გემების მისაღებად“.

„სიხარულით გეპატიჟებით აფხაზეთში და რუს ტურისტებს თბილ მიღებას ვპირდებით, აფხაზური სტუმართმოყვარეობის სულისკვეთებით“, - დასძინა მან.ასლან ბჟანია Astoria Grande - ს სოხუმში ეპატიჟება და „თბილ დახვედრას ჰპირდება“ - მედია 

ბჟანიამ მაგალითად მოიყვანა საკრუიზო მიმოსვლის დაწყება სოჭსა და სოხუმს შორის, რომელსაც ახორციელებს რუსული ლაინერი „კნიაზ ვლადიმირი“ .

”თუ ჩვენ შევძელით ღირსეულად დავხვედროდით „კნიაზ ვლადიმირს“, „Astoria Grande“ - თვისაც მოიძებნება ადგილი“, - დასძინა მან.

აფხაზური მედიის თანახმად, „კნიაზ ვლადიმირმა“ სოჭი - სოხუმის მიმართულებით საცდელი რეისი 23 ივნისს შეასრულა, საკრუიზო გემზე იმყოფებოდნენ რუსული ტურისტული კომპანიების წარმომადგენლები, რომლებიც სწავლობდნენ საექსკურსიო მარშრუტებს და ეკიპაჟის 96 წევრი. 30 ივნისს ლაინერი სოხუმის პორტში 82 მგზავრით შევიდა. 30 ივნისიდან 11 სექტემბრის ჩათვლით დაიგეგმა 10 კრუიზის განხორციელება.

პალაუს დროშით მცურავმა გემმა Astoria Grande - მ, რომელსაც თურქული საკრუიზო კომპანია Miray Cruises International - ი ემსახურება, ბათუმის ნავსადგური 31 ივლისს საპროტესტო აქციის ფონზე დატოვა.
ბათუმის პორტში სტუდენტები, ოპოზიციონერები და სამოქალაქო აქტივისტები შეიკრიბნენ.

საპროტესტო აქციაზე პოლიციამ 23 ადამიანი დააკავა. მათ შორის, ერთი - უკრაინის მოქალაქეც. შსს ყველა დაკავებულს წვრილმან ხულიგნობასა და პოლიციელის მოთხოვნისადმი დაუმორჩილებლობას ედავება.

ASTORIA GRANDE ბათუმის ნავსადგურში 27 ივლისსაც შემოვიდა და ის მაშინაც საპროტესტო აქციით გააცილეს






Print Email
FaceBook Twitter
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
დღის სიახლეები
15 / მაისი 2025
ძველ სამეგრელოში არსებობდა ,,მახარეს“ (მახარობლის) ერთ-ერთი დაფასებული სოციალური ინსტიტუტი. დღევანდელ გადაცემაში საუბარია რა თვისებებით გამოირჩეოდა ,,მახარე “ და რა იყო მისი ძირითადი ფუნქცია და მოვალეობა.
15 / მაისი 2025
შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ182-კმ185 (კალა-უშგული) მონაკვეთზე ავტოტრანსპორტის მოძრაობა აღდგენილია ორმხრივად. ამის შესახებ ინფორმაციას საავტომობილო გზების დეპარტამენტი აქვეყნებს.
15 / მაისი 2025
ზუგდიდელმა მოჭადრაკეებმა ანდრია ჯახაიამ, ცოტნე ნანავამ და ნიკოლოზ შამათავამ ჭაბუკთა შორის სხვადასხვა ასაკობრივ კატეგორიაში წარმატებით იასპარეზეს და საპრიზო ადგილები მოიპოვეს. ამის შესახებ ინფორმაციას „ჭადრაკი ზუგდიდში“ ავრცელებს.
დილის ჩართვა
ოდაბადეშ კინოხონი
15 / მაისი 2025
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მაისი 2025 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.