ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით, 2023 წლის 22 აგვისტოს მონაცემებით, საქართველოში აივ ინფიცირების 393 ახალი შემთხვევა დაფიქსირდა, შარშან შესაბამის პერიოდში კი გამოვლინდა 394 ახალი შემთხვევა.

ცენტრში განმარტავენ, რომ სულ ინფექციური პათოლოგიის, შიდსის და კლინიკური იმუნოლოგიის ცენტრში რეგისტრირებულია 10170 აივ ინფიცირებული პირი. მათ შორის 7604 მამაკაცია და 2566 ქალი. მათივე ცნობით, პაციენტთა უმრავლესობა 29-დან 39 წლამდეა. შიდსი 4985 პაციენტს განუვითარდა, 2156 პაციენტი გარდაიცვალა.

ამავე ცნობით, 31 ივლისის მონაცემებით არვ (ანტი რეტრო ვირუსულ) მკურნალობას იტარებს 6284 პაციენტი, მათ შორის, 676 აფხაზეთიდან. აქედან, 41 ბავშვია, მათ შორის 9 აფხაზეთის რეგიონიდან.

„აივ ინფიცირების ყველაზე მეტი შემთხვევა რეგისტრირებულია თბილისში (3830 შემთხვევა, მათგან 100 უცხოეთის მოქალაქეა 2 დაუდგენელი; სამეგრელოში (1301); იმერეთში (1227); აჭარაში (1211); აფხაზეთში (556); კახეთში (498); ქვემო ქართლში.

2023 წელს დარეგისტრირდა - 96 აივ ინფიცირებულის გარდაცვალების შემთხვევა. 2022 წელს - 139, 2021 წელს -144, 2020 წ ელს - 157, 2019 წელს - 116, 2018 წელს - 135, 2017 წელს - 127, 2016 წელს - 168, 2015 წელს - 94, 2014 წელს - 84 პირი.

2023 წელს 96 გარდაცვლილთაგან: 75 მამაკაცია და 22 ქალი.

სულ საქართველოში გამოვლენილია 129 აივ ინფიცირებული ბავშვი. მათ შორის 76 - ვაჟი, 53 - გოგონა. 32 გარდაიცვალა. 3 გავიდა ქვეყნიდან“, - აღნიშნულია ინფორმაციაში.