ახალი ამბები
ზუგდიდის მერია კულტურის სახლის ყოფილ შენობას თითქმის განახევრებულ ფასად ყიდის
ზუგდიდის მუნიციპალიტეტის მერიის გადაწყვეტილებით, რუსთაველის ქუჩაზე მდებარე ყოფილი კულტურის სახლის შენობა და მიმდებარე ტერიტორია 1 600 000 ლარად იყიდება. შესაბამისი განმეორებითი აუქციონი ელექტრონულ ვებგვერდზე 30 აგვისტოს გამოცხადდა, აუქციონში მონაწილეობის ვადა კი 11 სექტემბერს 17 საათზე იწურება.

რადიო „ათინათი“ დაინტერესდა, რატომ გაანახევრა მერიამ შენობისა და მიწის ფასი, როცა გასული წლის დეკემბერში აღნიშნულ ობიექტს 3 მილიონ ლარად ასხვისებდა. ეკონომიკური პოლიტიკის და მუნიციპალური სერვისების სამსახურის უფროსმა ლაშა ადეიშვილმა გვითხრა, რომ ფასი საკმაოდ მაღალი იყო და აუქციონში მონაწილეობა არავინ მიიღო.

„გაყიდვა გვინდა და ამიტომ დავადეთ ეს ფასი. მიმდინარე აუქციონია და ვნახოთ, რამდენი მსურველი იქნება“, - დასძინა ადეიშვილმა. ამასთან, ის პირობას დებს, რომ ხელშეკრულება ისე გაიწერება, შენობაში მყოფ ზუგდიდის თეატრის დასს პრობლემა არ შეექმნება.

„თეატრიც და ყველა ის სივრცე, რომელიც ახლა ამ შენობაში ფუნქციონირებს, გაყიდვის შემთხვევაში, განაგრძობს ჩვეულებრივ რეჟიმში მუშაობას. შესაბამის პირობას ხელშეკრულებაში გავწერთ“, - თქვა ადეიშვილმა.

აუქციონის პირობების თანახმად, გამარჯვებულმა კომპანიამ ხელშეკრულების გაფორმებიდან ერთ წელიწადში სრული საინვესტიციო პროექტი უნდა წარადგინოს, ნებართვის გაცემიდან სამი წლის ვადაში კი ობიექტი ექსპლუატაციაში მიიღოს.

"უძრავი ქონების ფუნქციურად გამოყენების ნებადართულ სახეებად განისაზღვროს: ა) მრავალფუნქციური შენობა; ბ) სარეკრეაციო სივრცეები და მისი ფუნქციონირებისთვის საჭირო შენობა და ნაგებობა; გ) კვების, სავაჭრო და საოფისე ობიექტი; დ) სამეწარმეო ობიექტი, რომელიც არ არღვევს სამეზობლო თმენის პრინციპებს; ე) კულტურის, სოციალური, ჯანდაცვისა და სასპორტო ობიექტი; ვ) სკოლამდელი და სასკოლო აღზრდის დაწესებულება; ზ) სასტუმრო; თ) ადმინისტრაციული ობიექტი; ი) უმაღლესი საგანმანათლებლო დაწესებულება და პროფესიული საგანმანათლებლო დაწესებულება/კოლეჯი; კ) გასართობი დაწესებულება, რომლის დანიშნულება მისი დასაშვებობის საშუალებას იძლევა; ლ) მრავალბინიანი საცხოვრებელი სახლი; მ) სავაჭრო ცენტრი", - ვკითხულობთ ელექტრონული აუქციონის ვებგვერდზე მითითებულ განმარტებაში.

ფოტო: ზუგდიდის მუნიციპალიტეტის მერია

Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
დღის სიახლეები
05 / მარტი 2024
დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის ინფორმაციით გუდაუთასთან ახლოს მიწისძვრა დაფიქსირდა.
05 / მარტი 2024
სოხუმში სამოქალაქო საზოგადოების წარმომადგენლები „უცხოელი აგენტების შესახებ“ კანონპროექტის წინააღმდეგ გამოდიან.
05 / მარტი 2024
7 მარტიდან 8 მარტის დილამდე , საქართველოში მოსალოდნელია წვიმა, ზოგან ძლიერი, მაღალმთაში თოვლი, ქარბუქი და ზვავსაშიშროება.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 18 °C
img
სოხუმი 12 °C
img
ფოთი 12 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.