ახალი ამბები
ოკუპირებული აფხაზეთის ე.წ. პარლამენტმა ამნისტია გამოაცხადა
აფხაზეთის დე ფაქტო რესპუბლიკის ე.წ. პარლამენტმა მეორე და საბოლოო მოსმენით მიიღო დადგენილება ამნისტიის შესახებ, რომელიც "ქართულ - აფხაზურ ომში გამარჯვების 30 წლისთავისთან დაკავშირებით" გამოცხადდა.

"აფსნიპრესის" თანახმად, დოკუმენტი "სახალხო კრების" ე.წ. ვიცე-სპიკერმა ასტამურ არშბამ წარადგინა.

აღნიშნული გადაწყვეტილებით პატიმრობიდან გათავისუფლდება ყველა, ვისაც თავისუფლების აღკვეთა 3 წლამდე ვადით ჰქონდა მისჯილი.

"გათავისუფლდებიან 5 წლამდე ვადით პატიმრობამისჯილი ვეტერანები, მოხალისეები, ზურგში მებრძოლი ვეტერანები და ქართულ-აფხაზური ომის ინვალიდები; აფხაზეთის ტერიტორიაზე ბრძოლებში მონაწილე ვეტერანები და ინვალიდები; I და II ჯგუფების შეზღუდული შესაძლებლობის მქონე პირები; I და II ჯგუფების ტუბერკულოზით დაავადებული პატიმრები; აივ ინფექციით ინფიცირებულები, აგრეთვე III ან IV კლინიკური ჯგუფების ონკოლოგიური დაავადებების მქონე პატიმრები; სისხლისსამართლებრივ პასუხისგებაში პირველად მიცემული პირები და ქალები.

სასჯელის ხანგრძლივობის მიუხედავად, პატიმრობიდან თავისუფლდებიან პირები, რომლებიც სასჯელს იხდიან გაუფრთხილებლობით ჩადენილ დანაშაულებზე; არასრულწლოვანი შვილების დედები; ზრდასრული შეზღუდული შესაძლებლობის მქონე შვილების დედები, ასევე ორსული ქალები; 55 წელზე მეტი ასაკის ქალები და 60 წელზე უფროსი ასაკის კაცები; არასრულწლოვანები; პირები, რომლებმაც ჩაიდინეს ოკუპირებულ აფხაზეთში მოქმედი სსკ-ის 206-ე მუხლით გათვალისწინებული დანაშაული (მასობრივი არეულობები).

სასჯელისაგან თავისუფლდებიან პირობით მსჯავრდადებულები, რომლებისთვისაც დადგენილების ძალაში შესვლამდე სასჯელის მოუხდელი ნაწილი შეიცვალა სასჯელის უფრო მსუბუქი ფორმით; სასჯელგადავადებულები; თავისუფლების აღკვეთის გარდა, სხვა სახის სასჯელმისჯილები", - ნათქვამია ე.წ. პარლამენტის მიერ მიღებულ დადგენლებაში,

ამავე ცნობით, "ამნისტია არ გავრცელდება იმ პირებზე, რომელთაც ადრე შეეხოთ ამნისტია ან შეწყალების აქტები; პირებზე, რომლებსაც პატიმრობა მისჯილი აქვთ განზრახ ჩადენილ დანაშაულზე. ამასთან, დადგენილებაში მითითებულია სისხლის სამართლის კოდექსის მუხლები, რომლებზეც ამნისტია არ ვრცელდება". 

ოკუპირებული აფხაზეთის "პარლამენტის" გადაწყვეტილება ამნისტიის შესახებ ორ თვეში უნდა შესრულდეს.

ჯერჯერობით უცნობია, შეეხება თუ არა რაიმე სახით, ამნისტიის აქტი უკანონო პატიმრობაში მყოფ საქართველოს მოქალაქეებს, ქრისტინე თაკალანძეს და ირაკლი ბებუას.

აფხაზეთის დე ფაქტო რესპუბლიკის ე.წ. უზენაესმა სასამართლომ 25 წლის ქრისტინე თაკალანძეს 10 წლითა და 6 თვით თავისუფლების აღკვეთა 5 მაისს მიუსაჯა. საოკუპაციო რეჟიმი მას "საქართველოს სასარგებლოდ ჯაშუშობას" ედავება. თაკალანძე 2022 წლის ივლისში "ჯაშუშობის" ბრალდებით გალის რაიონის სოფელ ნაბაკევში დააკავეს.

გალის რაიონში მცხოვრები 28 წლის ირაკლი ბებუა აფხაზეთის "სახელმწიფო დროშის" დაწვისთვის დააკავეს. მაშინ დე ფაქტო შსს-მ განაცხადა, რომ ირაკლი ბებუას სახლის ჩხრეკისას ხელყუმბარა აღმოაჩინეს. ე.წ. სასამართლომ ბებუა დამნაშავედ ცნო "სახელმწიფო სიმბოლიკის შეურაცხყოფის", "სხვისი ქონების განზრახ დაზიანების" და "საბრძოლო მასალის უკანონოდ შენახვისთვის" და 9 წლით თავისუფლების აღკვეთა მიუსაჯა.
ის გალში 2020 წლის 30 სექტემბერს დააკავეს.


Print Email
FaceBook Twitter
დაფინანსებული
თბილისი, 2024 - ევროკავშირის კანდიდატის სტატუსის მიღებით, საქართველო მიუახლოვდა მის ისტორიულ მიზანს - დაუბრუნდეს დიდ
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
დღის სიახლეები
25 / ივლისი 2024
სვანეთში, მესტიისა და ლენტეხის ტერიტორიაზე დაკარგულ ახალგაზრდებს გოგიტა ფარჯიანს და გიორგი გვიჩიანს მეხუთე დღეა ეძებენ. ინფორმაცია ამის შესახებ სოციალურ ქსელში ცოტა ხნის წინ დაკრგულულის ოჯახის ახლობელმა ანა წერედიანმა გაავრცელა.
25 / ივლისი 2024
სამეგრელოში ქალის მოტაცების ფორმები გვიან შემოვიდა და ის დაუპირისპირდა აქ არსებულ ტრადიციულ ადათობრივი ქორწინების წესებს.
25 / ივლისი 2024
დღეს, ზუგდიდის მუნიციპალიტეტის საკრებულოში კვორუმი კვლავ ვერ შედგა. ადგილობრივ წარმომადგენლობით ორგანოში სხდომებს არ
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 26 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.