ახალი ამბები
ოკუპირებულ აფხაზეთში "შეიარაღებული პირების" ყოფნა არ დადასტურდა - რა გამოხმაურება მოჰყვა ამბავს სოციალურ ქსელებში
აფხაზეთის დე ფაქტო რესპუბლიკის "სახელმწიფო უსაფრთხოების სამსახურის" ინფორმაციით, გულრიფშის რაიონში შეიარაღებული პირების ყოფნა არ დადასტურდა.

"აფხაზეთის სახელმწიფო უსაფრთხოების სამსახურმა, თავდაცვის და შინაგან საქმეთა სამინისტროებთან ერთად, 8-9 ნოემბერს განახორციელა სპეციალური ღონისძიებები, გულრიფშის რაიონში, აზანთას დასახლებასთან, შეიარაღებული პირების შესაძლო ყოფნის შესახებ,  ოპერატიული ინფორმაციის გადასამოწმებლად", - ნათქვამია განცხადებაში, რომელსაც უწყების პრესსამსახური ავრცელებს.

კერძოდ, კი ამ მიზნით, "გადაკეტეს კრიტიკულ ინფრასტრუქტურულ ობიექტებთან მისასვლელი გზები, გააძლიერეს უსაფრთხოების ზომები და ადგილზე დაზვერვა",  - ვკითხულობთ ინფორმაციაში. 

მანამდე, დე ფაქტო რესპუბლიკის შს მინისტრმა რობერტ კიუტმა განაცხადა, რომ "ძალოვნები" გულრიფშის რაიონში შეიარაღებულ პირთა ჯგუფს ეძებენ. ამავე ცნობით, მოგვიანებით, საძიებო ღონისძიებებში ავიაციაც ჩაერთო.

"დივერსიულ ჯგუფზე" ინფორმაციას სოციალური ქსელების აფხაზურ სეგმენტში გამოხმაურება მოჰყვა. მომხმარებლების ნაწილმა ამბავი "ფეიკად" აღიქვა, ნაწილს კი წყაროდ რუსული მედიის პუბლიკაციები მოჰყავდა, წერს "ეხო კავკაზას" კორესპონდენტი და მაგალითად რამდენიმე კომენტარი მოჰყავს:

"აეროპორტში მისვლა უნდათ, რომ დივერსია მოაწყონ. Რისთვის? ის მაინც არ ფუნქციონირებს. ცოტა ხნის წინ იქ წისქვილს ვეძებდი. დიდხანს ვეძებე, ბევრი ვიწვალე, ვკითხე ადგილობრივებს და ბოლოს ვიპოვე - არ მუშაობდა. იქ ჩვენი წისქვილიც არ მუშაობს - რომელ აეროპორტზეა საუბარი?!"

"ვნახავ, რასაც იპოვიან. სოლოვიევი თავის ტელეგრამ არხზე რაღაცას ლაყბობს საკუთარი მიზნებისთვის და ჩვენები კი მაშინვე ვიღაცის საძებრად გაიქცნენ... სამაგიეროდ, ჩვენ არ გვძინავს".

"თქვენ წარმოიდგინეთ, სამხედროებსა და მესაზღვრეებსაც კი არ უნახავთ, მონადირეებმა ნახესო... და მთებში რომ არ ენახათ, მაშინ რა მოხდებოდა?"


"თავდაპირველად ეწერა, რომ 7 ადამიანია, მერე ვიღაცას 50 - ის დაწერა მოუნდა..."

"დილამდე ალბათ დივერსანტების ბატალიონზე იქნება საუბარი. კვადროკოპტერი სჭირდებათ დივერსანტებს, მთებში გზა რომ გაიკვლიონ, GPS ტრეკერი დარჩათ სახლში. აეროპორტისკენ მიდიან - სწორია, ინვესტორს ძველი შენობების დანგრევაში დაეხმარებიან და აეროპორტის ღირებულება გაზარდონ რისკისთვის".

ერთ - ერთი ვერსიით, რომელიც აფხაზმა ბლოგერმა ასტამურ კაკალიამ გამოთქვა, სავარაუდოდ, საუბარია სტრაიკბოლზე.

"ვარჯიშობდნენ ან რაღაც ამდაგვარი იყო, სავარაუდოდ...  უფრო ეს ვერსია მუშაობს. არის კიდევ ერთი მნიშვნელოვანი საკითხი. საქართველოს მმართველი ხელისუფლება ახლა არ სჩადის იმავე ქმედებებს, რასაც წინა ხელისუფლებები აკეთებდნენ. მას სულ სხვა გეზი აქვს აღებული. ნაკლებად სავარაუდოა, რომ ასეთ რამეს გააკეთებდნენ..."

თავდაპირველად "საქართველოდან დივერსიული ჯგუფის შესვლის შესახებ" დაწერა კრემლის ერთ-ერთი მთავარი პროპაგანდისტის, ვლადიმირ სოლოვიოვის "ტელეგრამ"-არხმა "Соловьев LIVE". როგორც ის აღნიშნავდა, ჯგუფის შესვლის მიზანი "სოხუმის აეროპორტში ტერაქტის მოწყობა" იყო". მოგვიანებით, "Соловьев LIVE"-მა ცნობა წაშალა.

თბილისში აფხაზური წყაროების მიერ გავრცელებულ ცნობაზე კომენტარი არ გაუკეთებიათ.





Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
17 / აპრილი 2024
ზუგდიდის მუნიციპალიტეტის მერიის წინ მოქალაქეებმა, აქტივისტებთან და ორგანიზაციების წარმომადგენლებთან ერთად, ე.წ უცხოელი აგენტების კანონის პარლამენტში პირველი მოსმენით მიღება გააპროტესტეს.
17 / აპრილი 2024
საქართველოს პარლამენტში "აგენტების კანონს" კანონპროექტის 83 მხარდამჭერიდან ზუგდიდელი, ხობელი და ფოთელი დეპუტატებიც არიან.
17 / აპრილი 2024
საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით რამდენიმე წუთის წინ მიიღო.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 21 °C
img
სოხუმი 18 °C
img
ფოთი 20 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.