ზუგდიდის მუნიციპალიტეტის მერიის მიერ საკრებულოსთვის წარდგენილი დოკუმენტის თანახმახ, ზუგდიდის 2024 წლის ბიუჯეტი 64 მილიონი ლარი იქნება და ის წინა წლის ბიუეჯეტს 6 მილიონ 117 800 ლარით აღემატება.

მთავარი ფინანსური დოკუმენტის პროექტის მოკლე ვერსიაში ვკითხულობთ, რომ 47 მილიონ 130 ათასი ლარი ინფრასტრუქტურულ პროექტებს მიემატება, 12 მილიონ 605 ათასზე მეტი-განათლების სფეროს, 84 ათას ასი ლარი - გარემოს დაცვასა და დასუფთვებას, 64 950 ათასი ლარი, პროექტის მიხედვით, კულტურული, ახალგაზრდული და სპორტული მიმართულებით დაიხარჯება, მილიონ 203 900 ლარი საკანონმდებლო და აღმასრულებელი ორგანოების ხარჯებია, 5 მილიონამდე თანხა გასასტუმრებელ ხარჯებს მოიცავს.

აქვე ვკითხულობთ, რომ ბიუჯეტის ზრდის მნიშვნელოვანი ნაწილი საბიუჯეტო ორგანიზაციების თანამშრიმლებისთვის ხელფასების 10%-იანი ზრდა, მათ შორის საბავშვო ბაღებში დაბალი ანაზღაურების მქონე პირებისთვის 100-100 ლარის მატება.

დოკუმენტით მუნიციპალიტეტის მერი საკრებულოს მიმართავს, რომ სრულ ვერსიას 2-3 დღეში მიაწვდის.

საკრებულომ მომავალი წლის მთავარი ფინანსური დოკუმენტის შესახებ ნორმატიული აქტი დღეს უნდა მიიღოს, რის შემდეგაც კომისიური განხილვები დაიწყება.