ახალი ამბები
ზუგდიდში სხვადასხვა სექტორის წარმომადგენლებს „წყლის რესურსების მართვის შესახებ“ ახალი კანონის შინაარსი და მიზნები გააცნეს
საქართველოს გარემოს დაცვისა და სოფლის მეურნეობის სამინისტრომ შეიმუშავა და საქართველოს პარლამენტმა 2023 წელს დაამტკიცა ახალი კანონი "წყლის რესურსების მართვის შესახებ", რომელიც მნიშვნელოვან ცვლილებებს ითვალისწინებს წყლის რესურსების სფეროში. პროექტის ფარგლებში დღეს ზუგდიდის ტექნოპარკში აღნიშნული კანონის შესახებ ცნობიერების ამაღლების პირველი ფორუმი ჩატარდა.

ფორუმის ფარგლებში სამეგრელო-ზემო სვანეთის რეგიონის მუნიციპალიტეტების ადგილობრივი თვითმართველობის, ბიზნესისა და არასამთავრობო სექტორის წარმოადგენლებს გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, "გარემო და განვითარების" პროგრამის მენეჯერი კახა ბახტაძე და USAID-ის ეკონომიკური მმართველობის პროგრამის ხელმძღვანელი ნატალია ბერუაშვილი შეხვდნენ და მათ კანონის შინაარსი და მიზნები გააცნეს.
"ჩვენი მიზანი არის, რომ მივაწოდოთ დაინტერესებულ მხარეებს რაც შეიძლება მეტი ინფორმაცია ამ ახალი კანონის შესახებ, რომელსაც მნიშვნელოვანი ცვლილებები შემოაქვს ქვეყანაში.დღეს ყველა ვთანხმდებით იმაზე, რომ წყლის რესურსების ხელმისაწვდომობა საკმაოდ შეზღუდულია. სუფთა წყალი, კარგი ხარისხის წყალი ნაკლებად ხელმისაწვდომია მოსახლეობისთვის, შესაბამისად მნიშვნელოვანია, კონკრეტული ქმედებების განხორციელება.ზუსტად ამ ფორუმის ფარგლებში ჩვენ ვცდილობთ, რომ გავუზიაროთ ინფორმაცია მოსახლეობის, ადგილობრივი მთავრობის, ბიზნესის, არასამთავრობო ორგანიზაციების წარმომადგენლებს, მივიღოთ მათგან კითხვები რაც დაკავშირებულია ამ ახალ კანონთან, ასევე ვიმუშაოთ იმაზე, რომ ამ კანონის ამუშავების ფარგებში ადგილობრივი მთავრობები მომზადებულები იქნებიან იმიტომ, რომ ახალი რეგულაციები, მოთხოვნები შემოდის, რამაც უნდა უზრუნველყოს წყლის რესურსების მდგრადი გამოყენება", - თქვა "გარემო და განვითარების" პროგრამების მენეჯერმა კახა ბახტაძემ.

კანონის ცვლილებაში USAID-მა აქტიური მონაწილეობა მიიღო. USAID-ის ეკონომიკური მმართველობის პროგრამის ხელმძღვანელმა ნატალია ბერუაშვილმა აღნიშნა, რომ ამ რეფორმის შესახე საზოგადოების ინფორმირება მნიშვნელოვანია.

"USAID-ის ის ეკონომიკური მმართველობის პროგრამა ჩართული იყო წყლის რესურსების მართვის რეფორმის განხორციელების პროცესში, მისი დაგეგმვისა და განხორციელების ეტაპზე. აღნიშნული ღონისძიება ხელს შეუწყობს, რათა უფრო მეტად მოხდეს ამ რეფორმის პოპულარიზაცია და აგრეთვე, მოხდეს მისი იმპლემენტაციის მხარდაჭერა, რაც თავის მხრივ, ხელს შეუწყობს წყლის რესურსების ეფექტურ მართვას და შენარჩუნებას", - აღნიშნა ბერუაშვილმა.

თვითმმართველი ორგანოების მიერ კანონის შესახებ სიახლეების ცოდნისა და ამ ცვლილების ფარგლებში განსახორციელებელი სამუშაოების მნიშვნელობაზე გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა ისაუბრა.

"საქართველოს პარლამენტმა მიიღო ძალიან მნიშვნელოვანი კანონი ჩვენი ქვეყნისთვის წყლის რესურსების მართვის შესახებ. კანონი ითვალისწინებს მთელ რიგ ვალდებულებებს, მათ შორის მუნიციპალიტეტებისთვის. დღეს სწორედ ზუგდიდიდან ვიწყებთ, სადაც ჩვენ შესაძლებლობა გვაქვს, რომ ადგილობრივ ხელისუფლებას, ადგილობრივი თვითმართველობის ორგანოებს დეტალურად მივაწოდოთ ინფორმაცია კანონის სიახლეების შესახებ, მათი როლის შესახებ ამ კანონის სამომავლო შესრულების პროცესში და რა თქმა უნდა, ვისაუბროთ იმ გამოწვევებზე რაც რეგიონებში არსებობს წყლის რესურსების მართვის მიმართულებით", - განმარტა მინისტრის მოადგილემ.

ზუგდიდში ფორუმს 75 ადამიანი დაესწრო.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 10 °C
img
სოხუმი 13 °C
img
ფოთი 14 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.