ძლიერი ქარისა და შტორმის გამო, ანაკლია-განმუხურში დაიტბორა სანაპიროს მიმდებარე ტერიტორია და დააზიანა ინფრასტრუქტურა. ამის შესახებ ინფორმაციას ზუგდიდის მუნიციპალიტეტის მერია ავრცელებს.
მათი განმარტებით, დატბორილ ადგილებზე შესაბამის სამსახურებთან ერთად იმყოფებოდა ზუგდიდის მერი მამუკა წოწერია.
![](/images/temp/2023/11/28/fa13bda05b3d3a2789d5f2aa14015377.jpg)
"ძლიერმა ქარმა და შტორმმა გამოიწვია გარკვეული ინფრასტრუქტურული პრობლემები , სანაპირო ზოლის ინფრასტრუქტურა არის დაზიანებული, ასევე, სხვადასხვა შენობა ნაგებობები, თუმცა დეტალური ინფორმაცია ზარალის მასშტაბებთან დაკავშირებით გახდება უახლოეს დღეებში ცნობილი", - აცხადებენ მერიის პრესსამსახურში.
ამავე ინფორმაციით, უკვე გუშინ დაიწყო სალიკვიდაციო და გაწმენდითი სამუშაოები.
![](/images/temp/2023/11/28/e31e5ee907a7599dc95989dcf0241831.jpg)
"ამ დროისათვის მიმდინარეობს სამუშაოები, კორდინაციაში ვართ ყველა სათანადო სამსახურთან", - აღნიშნეს მერიის პრესსამსახურში.
მასალის გამოყენების პირობები