ახალი ამბები
მკვლელი სათანადოდ უნდა დაისაჯოს, რომ ქალზე მოძალადეებისთვის მაგალითი იყოს - ქმრის მიერ მოკლული ქალის დედა
გასული წლის მაისში ქმრის მიერ მოკლული სოფო კვარაცხელიას დედა მოითხოვს, რომ ნაცვლად შეფარდებული 20 წლიანი თავისუფლების აღკვეთისა, მის ყოფილ სიძეს უვადოდ პატიმრობა მიესაჯოს.

ჟურნალისტებს ხათუნა ნაჭყებიამ უთხრა, რომ ტყუილია, რასაც დაკავებული როინ მებონიას ოჯახი ამტკიცებს, თითქოს, მკვლელობის მომენტში მამაკაცი შეურაცხადი იყო. ფაქტს, რომ მებონია დანაშაულის ჩადენის დროს შერაცხადი იყო, სამხარეულის ბიუროს ექსპერტიზის დასკვნა ასაბუთებს.

"მას შემდეგ, რაც შემი შვილი მოკლა, გაახსენდა, რომ ბავშვის ინსულინი ჰქონდა სოფოს ჩანთაში, გაბრუნდა, აიღო წამალი, გამვლელი გააჩერა, ინსულინი მისცა და მისამართი უკარნახა, სადაც უნდა მიეტანათ. შეურაცხადი ამას იზამდა? ამ მკვლელობის შემდეგ და პროვოცირებით არაერთი ქალი მოკლეს. თუ ჩალით დახურულ ქვეყანაში არ ვცხოვრობთ, უნდა გაითვალისწინოს სასამართლომ, როგორ სასტიკად, 27 ჭრილობით, ხუთი მცირეწლოვნის თვალწინ მოკლა სოფო, დაისაჯოს სათანადოდ, მიესაჯოს სამუდამო პატიმრობა, რომ მაგალითი სხვებმაც ნახონ და აღარ განმეორდეს ქალზე ძალადობა", - ამბობს სოფო კვარაცხელიას დედა.

მისივე ინფორმაციით, სააპელაციო სასამართლოში 7 დეკემბერს უნდა დასრულდეს პროცესი, რომელზეც პროკურატურა და მოკლულის ოჯახი პატიმრისთვის სასჯელის უმკაცრეს ზომას მოითხოვს.

არასრულწლოვანი შვილების თვალწინ, საზოგადოებრიც ტრანსპორტში, საკუთარი ცოლი დანით როინ მებონიამ 2022 წლის 21 მაისს მოკლა. პოლიციამ დანაშაულში ბრალდებული პირი შემთხვევის ადგილზევე დააკავა.

თბილისის საქალაქო სასამართლოს 2023 წლის ორი თებერვლის გადაწყვეტილებით, ბრალდებული სავალდებულო სამედიცინო მკურნალობას, ფსიქიკური ჯანმრთელობის ცენტრში გადის, შემდეგ კი სასჯელის მოხდას პენიტენციურ დაწესებულებაში გააგრძელებს.



Print Email
FaceBook Twitter
დაფინანსებული
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ქალაქ ზუგდიდში, კოსტავას №58-ში პირველი, უმაღლესი სტანდარტების ყავის სახლი გაიხსნა.
ზუგდიდის მერის პირველმა მოადგილემ კონსტანტინე კაკავამ და მაიზერ ნანავამ, ნიკოსეულ სასახლეში მერის სტიპენდიანტებსა და ქვეყნის ფარგლებს გარეთ სასწავლებლებში ჩარიცხულ სტუდენტებს უმასპინძლეს.
დღის სიახლეები
22 / თებერვალი 2024
ზუგდიდის საკრებულოს ფრაქცია "ერთიანი ნაციონალური მოძრაობიდან", 14 წევრის გადაწყვეტილებით, დარიკო არქანია გარიცხეს.
22 / თებერვალი 2024
მეგრულ - ლაზურში კვირის დღეები, წელიწადის და თვეების აღმნიშვნელი სახელები უძველესია და მიუხედავად იმისა, რომ მან მრავალგზის განიცადა სახეცვლილება, ის მაინც ინარჩუნებს ავთენტურობას, თუმცა ცოცხალ მეტყველებასა და დოკუმენტირებულ ტექსტებში ხშირად გვხვდება ორენოვანი სინონიმები, ასევე ჰიბრიდული კომპოზიტები.
22 / თებერვალი 2024
"დემოკრატიული ჩართულობის ცენტრების ქსელის" ზუგდიდის ოფისში "შინაურ ბინადარ ცხოველთა შესახებ" კანონპროექტი ცხოველების მოყვარულებთან ერთად სხვადასხვა უწყების წარმომადგენლებმა განიხილეს.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 9 °C
img
ფოთი 10 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.