ახალი ამბები
არძინბა USAID - ის მიერ დაფინანსებული პროექტების აკრძალვას გეგმავს
აფხაზეთის თვითაღიარებული რესპუბლიკის საგარეო საქმეთა მინისტრი ინალ არძინბა განცხადებას ავრცელებს, რომელშიც საუბარია აფხაზეთში მოქმედ საერთაშორისო არასამთავრობო ორგანიზაციებთან ურთიერთობის ახალი მიდგომების შესახებ.

მისი თქმით, იკრძალება პროექტები, რომელთა მიზანია „აფხაზეთისა და საქართველოს მოქალაქეებს შორის კონტაქტების დამყარება“. ასევე, იკრძალება იმ მედიაპროექტების დაფინანსება, რომელთა მიზანია „აფხაზეთის საშინაო და საგარეო პოლიტიკის გაშუქება“.

გარდა ამისა, ინალ არძინბამ პერსონა ნონ - გრატად გამოცხადა USAID -ის (აშშ-ის საერთაშორისო განვითარების სააგენტო) რეგიონული ხელმძღვანელი ჯონ პენელი.

მისივე განცხადებით, USAID - ს აფხაზეთში 8 მილიონი აშშ დოლარის ოდენობის პროექტები უნდა განეხორციელებინა. ამ პროექტის პრაქტიკული განხორციელების დროს, მისი თქმით, გამოიკვეთა ონლაინ და ოფლაინ ფორმატებში დიალოგის პლატფორმების შექმნა, „აფხაზეთის რესპუბლიკის მოქალაქეებსა და საქართველოს მოქალაქეებს, მათ შორის დევნილებს შორის, პირდაპირი კონტაქტების დამყარება“.

აქვე ნათქვამია, რომ USAID აფინანსებს უკრაინის შეიარაღებულ ძალებს, სოხუმის „მთავარი მოკავშირის” – რუსეთის ფედერაციისა და ასევე, აფხაზეთის იმ მოქალაქეების წინააღმდეგ, ვინც მონაწილეობს სპეციალურ სამხედრო ოპერაციაში.

მისივე თქმით, აშშ-ის საერთაშორისო განვითარების სააგენტოს, USAID-ის ოფიციალურ ვებ-გვერდზე ნათქვამია, რომ „აფხაზეთში რეალიზდება პროექტები, რომლებიც მიმართულია კრემლის დამღუპველ გავლენასთან საბრძოლველად” და “საქართველოს ტერიტორიული მთლიანობის აღსადგენად”.

განცხადებაში აღნიშნულია, რომ არასამთავრობო ორგანიზაციებმა და გაეროს სააგენტოებმა „აფხაზეთის რესპუბლიკის საგარეო საქმეთა სამინისტროსთან უნდა შეათანხმონ, არასამთავრობო ორგანიზაციების ინიციატივებისთვის ფინანსური რესურსების გამოყოფა, ასევე შეთანმებული პროექტების ფარგლებში, ნებისმიერი ღონისძიების ჩატარება“.

აფხაზეთის დე ფაქტო რესპუბლიკის მინისტრად დანიშვნის შემდეგ, არძინბა ხშირად გამოდის აფხაზეთის რეგიონში მოქმედი საერთაშორისო და არასამთავრობო ორგანიზაციების კრიტიკით. 

მანამდე, ნოემბერში, სოხუმში მოქმედი საერთაშორისო არასამთავრობო ორგანიზაციების ოფისების ხელმძღვანელებთან გამართულ თათბირზე არძინბამ განაცხადა, რომ „კარი დაიკეტება ორგანიზაციებისთვის, რომლებიც აფხაზეთს ოკუპირებულად მოიხსენიებენ“.

ინალ არძინბა აფხაზეთის დე ფაქტო რესპუბლიკის საგარეო საქმეთა მინისტრად 2021 წლის ნოემბერში დაინიშნა.





Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
დღის სიახლეები
02 / მარტი 2024
სოხუმში მოითხოვენ, რომ UNDP - მ 7 მარტის 18:00 საათამდე ოფიციალურად უარყოს „USAID-ის მიერ დაფინანსებული პროექტის მიზნები“.
02 / მარტი 2024
ბოლო დროს, სოციალური ქსელების აფხაზურ სეგმენტში ვრცელდება ფოტოები, რომლებზეც ზღვის სანაპიროზე დაავადებული ან დახოცილი ფრინველებია გამოსახული. საუბარია, დიდ კოკონაზე (Podiceps cristatus) ბატისნაირთა რიგის წყალმცურავ ფრინველზე.
02 / მარტი 2024
შინაგან საქმეთა სამინისტროს ცენტრალური კრიმინალური პოლიციის, საპატრულო პოლიციის, თბილისის, სამეგრელო-ზემო სვანეთის, აჭარის და გურიის პოლიციის დეპარტამენტების თანამშრომლებმა, ნარკოდანაშაულის ბრალდებით ათი პირი დააკავეს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 9 °C
img
სოხუმი 8 °C
img
ფოთი 9 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.