ახალი ამბები
რა ჯდება საშუალოდ საახალწლო სუფრა - ფასები ზუგდიდის ბაზრიდან (ფოტო/ვიდეო)
სადღესასწაულო დღეების მოახლოებასთან ერთად, ზუგდიდის ცენტრალურ ბაზარში ხალხის რაოდენობა საგრძნობლად იმატებს. მყიდველებისთვის განსაკუთრებით მნიშვნელოვანია მრავალფეროვანი საახალწლო სუფრა, დეკორაციები, სათამაშოები და როგორც წესი, საჭირო პროდუქტების შესაძენად ბაზრის ტერიტორიას სტუმრობენ.

რადიო "ათინათი" დაინტერესდა, თუ საშუალოდ რა დაუჯდება წელს ოჯახს საახალწლო სუფრა. ბაზარში დასაქმებულები ჩვენთან ჰყვებიან, რომ მომხმარებელი, წინა წლებთან შედარებით, შემცირებულია. ამის მიზეზად კი რამდენიმე ფაქტორს ასახელებენ, მათ შორისაა ფასების ზრდა, ეკონომიკური კრიზისი და მოსახლეობის დიდი ნაწილის მიგრაცია.

"საერთოდ ვერ ვყიდით ვერაფერს, ავიღებ საქონელს, მაგრამ ხალხს არ აქვს ფული... ძალიან რთულ მდგომარეობაში ვართ. ყველაფერი გაყინულია. წელს თხილიც არ იყო, რომელსაც ხალხი საახალწლოდ გადაინახავდა ხოლმე, ჩააბარებდა, მოვიდოდა და იყიდდა პროდუქტს, თან ხალხი გასულია რაიონიდან და საერთოდ, ქვეყნიდან", - ამბობს ერთ-ერთი მოვაჭრე.
ხორც-პროდუქტების გამყიდველი აღნიშნავს, რომ ფასის მიხედვით, შედარებით ხელმისაწვდომია ე.წ ნახევარფაბრიკატი ნაწარმი, თუმცა მყიდველებს მაინც არ ყოფნით თანხა შესაძენად.

"ვაჭრობა არის ადამიანი რომ ვერაფერს ყიდულობს? გული გიკვდება კაცს, გინდა დაეხმარო, მაგრამ ვერაფრით რომ ვერ ეხმარები, ეს არის ცუდი. უნდა ნახოთ და დააკვირდეთ მთელი დღე, თუ რა დღეშია ხალხი", - თქვა ჩვენმა რესპონდენტმა.

ერთ-ერთი მყიდველი, რომელიც საახალწლო სათამაშოებს თანმხლებ შვილებთან ერთად არჩევდა, კმაყოფილი იყო არჩევანის მრავალფეროვნებით, მაგრამ აღნიშნა, რომ ბავშვებისთვის მოსაწონი პროდუქტები ძალიან ძვირია.

"ბავშვებს უხარიათ, როდესაც სანტას ფორმის სათამაშოს ვყიდულობ და ბოლო წლებში, ძალიან დაიხვეწა ასეთი ტიპის სათამაშოები, მაგრამ მართლა ძალიან ძვირი ღირს, მით უფრო, საახალწლო სუფრისთვისაც გვჭირდება თანხები, არ ვიცი, ამდენს როგორ გავწვდებით", - განმარტა ქალმა.

რაც შეეხება უშუალოდ ბაზარში არსებულ ფასებს, ჩვენ საახალწლო სუფრისთვის ძირითადი პროდუქტების ღირებულებას გაგაცნობთ.

ინდაური 50-დან 100 ლარამდე ღირს, გოჭის ფასი 100-დან 220-ის ჩათვლით არის. ერთი კილოგრამი ქათმის ხორცი - 10, საქონლის კი - 18-20 ლარი ჯდება. კილოგრამი თევზი - 10-12 ლარი ღირს.

ყველის ფასი განსხვავებულია სახეობების მიხედვით. გამყიდველები ამბობენ, რომ სულგუნი 26 ლარი ღირს, ჭყინტი - 20 და ხმელი - 29 ლარი.

რაც შეეხება ბოსტნეულს, კილოგრამი ბადრიჯანი საშუალოდ 4-5 ლარი ღირს, კიტრი - 4-დან 8-მდე, პომიდორი - 3.5 - 6, ბულგარული - 5, მწვანილი (ერთი შეკვრა) – 1ლარი, სტაფილოს ფასი 2 ლარიდან 2.5 ლარამდეა.

საახალწლო სუფრის განუყოფელი ნაწილის, ტკბილეულის შეძენა საშუალოდ 5-დან 30 ლარის ჩათვლითაა შესაძლებელი, ჩირისა და ტყლაპის ფასი 5-დან 50-მდე მერყეობს, ჩურჩხელა 1.5 – 5ლარია, გოზინაყი -2-4 ლარამდე ღირს.

ყურძენი -8, ბანანი -5 და ვაშლი - 3.5 -8 ლარამდეა. მანდარინი - 1.5 -2 ლარი, ფორთოხალი კი - 4 ლარია.

სათამაშო თოვლის ბაბუა საშუალოდ 30-300 ლარი ღირს, ხოლო ნაძვის ხის მოსართავები - 1 ლარიდან 35-ის ჩათვლით. კერძებისთვის საჭირო ინგრედიენტებიდან მაიონეზი - 1.30 -10 ,ხოლო ზეთი - 3.5 - 19ლარია.

ხელოვნური ნაძვის ხის ფასი 45-დან 770-ს აღწევს, ჩიჩილაქი კი 5 - 150 ლარი ღირს. 

ჩვენ მიერ ჩამოთვლილი პროდუქტების შესაბამისად, ოჯახს წელს ზუგდიდის ბაზარში საახალწლო სამზადისი საშუალოდ 350-დან 950 ლარის ჩათვლით დაუჯდებათ.

Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
17 / აპრილი 2024
ზუგდიდის მუნიციპალიტეტის მერიის წინ მოქალაქეებმა, აქტივისტებთან და ორგანიზაციების წარმომადგენლებთან ერთად, ე.წ უცხოელი აგენტების კანონის პარლამენტში პირველი მოსმენით მიღება გააპროტესტეს.
17 / აპრილი 2024
საქართველოს პარლამენტში "აგენტების კანონს" კანონპროექტის 83 მხარდამჭერიდან ზუგდიდელი, ხობელი და ფოთელი დეპუტატებიც არიან.
17 / აპრილი 2024
საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით რამდენიმე წუთის წინ მიიღო.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 19 °C
img
სოხუმი 19 °C
img
ფოთი 20 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.