ახალი ამბები
სოხუმში ბიჭვინთის შეთანხმების რატიფიცირების მოწინააღმდეგეები "პარლამენტთან" იკრიბებიან
სოხუმში ე.წ. პარლამენტის შენობასთან რუსეთისთვის ბიჭვინთის აგარაკების გადაცემის შესახებ შეთანხმების გასაპროტესტებლად იკრიბებიან.

მანამდე ცნობილი გახდა, რომ საკითხის განხილვა ე.წ. პარლამენტში 28 დეკემბრის ნაცვლად, ხვალ 27 დეკემბერს იგეგმება. საზოგადოებრივმა ორგანიზაციებმა მოქალაქეებს აქციისკენ მოუწოდეს.

აფხაზური "ტელეგრამის" არხები თანახმად, ოპოზიცია, სავარაუდოდ, სესიის ჩაშლას გეგმავს, წერს "ეხო კავკაზა".

"ჩვენ არსად წავალთ, სანამ ეს საკითხი ხალხის სასარგებლოდ არ გადაწყდება", - განუცხადა ჟურნალისტებს აფხაზმა ვეტერანმა ლევან მიქაამ.

"ჩვენ უკვე პარლამენტის წინ, სკვერში ვართ. ხვალ არის სესია, რომელიც არ უნდა შედგეს და არც გაიმართება", - წერს ვეტერანი ლაშა ზუხბა სოციალურ ქსელში.

აფხაზეთის დე ფაქტო რესპუბლიკის "შინაგან საქმეთა მინისტრის" რობერტ კიუტის განცხადებით, სესიის ჩაშლის მცდელობის შემთხვევაში, "სამინისტროს" შესაბამისი რეაგირება ექნება. 

ე.წ. გენერალურმა პროკურორმა ასევე მოუწოდა მოქალაქეებს თავი შეიკავონ აქციაში მონაწილეობისგან.

სოხუმში ბიჭვინთის აგარაკის შესახებ შეთანხმების რატიფიცირების მოწინააღმდეგეები საპროტესტო აქციას გამართვას 28 დეკმბერს გეგმავდნენ.

უფრო ადრე, აფხაზურმა ოპოზიციამ კიდევ ერთხელ მოუწოდა აფხაზ ლიდერს ასლან ბჟანიას, "პარლამენტიდან" გაიწვიოს ბიჭვინთის აგარაკის შესახებ შეთანხმების რატიფიცირების საკითხი.

ოკუპირებული აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას სოხუმსა და მოსკოვს შორის 2022 წლის 19 იანვარს მოეწერა ხელი.

დოკუმენტის თანახმად, ბიჭვინთის ცნობილი "სახელმწიფო აგარაკი" და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში 49 წლიანი იჯარით გადადის. მასთან ერთად, ხელშეკრულება ამ მიწის მიმდებარედ, საზღვაო სივრცის, 115 ჰექტარი ფართობის გადაცემის საკითხსაც ითვალისწინებს.

დე ფაქტო ხელისუფლება ცდილობდა დაერწმუნებინა მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებდა მას. თუმცა, აფხაზური ოპოზიციის და საზოგადოების ნაწილი მიუღებლად მიიჩნევს შეთანხმებით ნაკისრი პირობების შესრულებას.

საქართველოს პრეზიდენტმა, სალომე ზურაბიშვილმა ზუგდიდში, "მართლმსაჯულების სახლის" გახსნაზე სიტყვით გამოსვლისას განაცხადა, რომ ბიჭვინთის შეთანხმება არის არალეგალური და ხალხის ნების გარეშე მიღებული გადაწყვეტილება.


Print Email
FaceBook Twitter
დაფინანსებული
თბილისი, 2024 - ევროკავშირის კანდიდატის სტატუსის მიღებით, საქართველო მიუახლოვდა მის ისტორიულ მიზანს - დაუბრუნდეს დიდ
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
დღის სიახლეები
25 / ივლისი 2024
სვანეთში, მესტიისა და ლენტეხის ტერიტორიაზე დაკარგულ ახალგაზრდებს გოგიტა ფარჯიანს და გიორგი გვიჩიანს მეხუთე დღეა ეძებენ. ინფორმაცია ამის შესახებ სოციალურ ქსელში ცოტა ხნის წინ დაკრგულულის ოჯახის ახლობელმა ანა წერედიანმა გაავრცელა.
25 / ივლისი 2024
სამეგრელოში ქალის მოტაცების ფორმები გვიან შემოვიდა და ის დაუპირისპირდა აქ არსებულ ტრადიციულ ადათობრივი ქორწინების წესებს.
25 / ივლისი 2024
დღეს, ზუგდიდის მუნიციპალიტეტის საკრებულოში კვორუმი კვლავ ვერ შედგა. ადგილობრივ წარმომადგენლობით ორგანოში სხდომებს არ
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 26 °C
img
სოხუმი 25 °C
img
ფოთი 25 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.