ახალი ამბები
ბჟანიამ ბიჭვინთის აგარაკები რუსეთს გადასცა
აფხაზეთის თვითგამოცხადებული რესპუბლიკის პრეზიდენტმა ე.წ. პარლამენტის მიერ გამთენიისას მიღებულ კანონებს მოაწერა ხელი. ამრიგად, ასლან ბჟანიამ დაამტკიცა ბიჭვინთის „საბჭოთა აგარაკის“ რუსეთისთვის გადაცემა, წერს „ეხო კავკაზა“.

ამავე ცნობით, გარდა ამისა, დამტკიცდა „კონსტიტუციური კანონი“ „აფხაზეთის რესპუბლიკის მთავრობასა და რუსეთის ფედერაციის მთავრობას შორის აფხაზეთის რესპუბლიკის ტერიტორიაზე არსებული ობიექტის რუსეთის ფედერაციის საკუთრებაში გადაცემის, შეთანხმების განხორციელების ღონისძიებების და მისი გამოყენების წესი შესახებ“.

მასში ნათქვამია, რომ „შეთანხმების“ მოქმედების პერიოდში „კანონი“ კრძალავს დოკუმენტში მითითებული ობიექტების, მიწის ნაკვეთების და საზღვაო ტერიტორიების, აგრეთვე შენობების, ასევე იმ ნაგებობების, რომლებიც მომავალში აშენდება ობიექტის ტერიტორიაზე, მესამე პირებზე გადაცემას.

ობიექტების მესამე პირებისთვის გადაცემის აკრძალვა ხელშეკრულების შეწყვეტის შემთხვევაშიც მოქმედებს.

"კანონის" თანახმად, მხარის ან მხარეების მიერ შეთანხმების შეუსრულებლობა გულისხმობს: „რუსულ-აფხაზური ხელშეკრულების შეწყვეტას, მის დენონსაციას და ობიექტების აფხაზეთის საკუთრებაში დაბრუნებას“, ვკითხულობთ ინფორმაციაში.

აქვე აღნიშნულია, რომ ე.წ. პარლამენტის დეპუტატებმა „სამოქალაქო კოდექსში“ შეიტანეს ცვლილება, რომლის მიხედვითაც „უცხო სახელმწიფოს შეიძლება მიენიჭოს მიწის ნაკვეთის სარგებლობის უფლება აფხაზეთის რესპუბლიკის მიერ რატიფიცირებული საერთაშორისო ხელშეკრულების, არსებული კოდექსისა და მიწის კანონმდებლობის შესაბამისად“.

გამოცემის ცნობით, ცვლილებები შევიდა „საერთაშორისო ხელშეკრულებების შესახებ“ კანონშიც. დოკუმენტში ნათქვამია, რომ „თუ რატიფიცირებული საერთაშორისო ხელშეკრულება ადგენს სხვა ნორმებს, რომლებიც აფხაზეთის რესპუბლიკის კონსტიტუციითა და კონსტიტუციური კანონებით არის გათვალისწინებული, მაშინ მოქმედებს აფხაზეთის რესპუბლიკის კონსტიტუციისა და კონსტიტუციური კანონებით გათვალისწინებული ნორმები“;
„აფხაზეთის რესპუბლიკის საერთაშორისო ხელშეკრულება ასევე შეიძლება შეწყდეს დენონსაციის გზით, თუ მისი განხორციელება ზიანს აყენებს სუვერენიტეტს, საფრთხეს უქმნის უსაფრთხოებას ან ეწინააღმდეგება აფხაზეთის რესპუბლიკის საზოგადოებრივ წესრიგს“.

მანამდე ოპოზიციონერებმა და საზოგადო მოღვაწეებმა „პარლამენტის“ გადაწყვეტილებას „სამარცხვინო“ უწოდეს და მისი გაუქმება მოითხოვეს.

დღეს გამთენიისას, ოკუპირებული აფხაზეთის ე. წ. პარლამენტმა ბიჭვინთის აგარაკების შესახებ შეთანხმების რატიფიცირება მოახდინა.

ოკუპირებული აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას სოხუმსა და მოსკოვს შორის 2022 წლის 19 იანვარს მოეწერა ხელი.

დოკუმენტის თანახმად, ბიჭვინთის ცნობილი "სახელმწიფო აგარაკი" და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში 49 წლიანი იჯარით გადადის. მასთან ერთად, ხელშეკრულება ამ მიწის მიმდებარედ, საზღვაო სივრცის, 115 ჰექტარი ფართობის გადაცემის საკითხსაც ითვალისწინებს.

დე ფაქტო ხელისუფლება ცდილობდა დაერწმუნებინა მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებდა მას. თუმცა, აფხაზური ოპოზიციის და საზოგადოების ნაწილი მიუღებლად მიიჩნევს შეთანხმებით ნაკისრი პირობების შესრულებას.

საქართველოს პრეზიდენტმა, სალომე ზურაბიშვილმა ზუგდიდში, "მართლმსაჯულების სახლის" გახსნაზე სიტყვით გამოსვლისას განაცხადა, რომ ბიჭვინთის შეთანხმება არის არალეგალური და ხალხის ნების გარეშე მიღებული გადაწყვეტილება.



Print Email
FaceBook Twitter
დაფინანსებული
სამეგრელო-ზემო სვანეთის სახელმწიფო რწმუნებული გიორგი გუგუჩია და ზუგდიდის მერი მამუკა წოწერია, მოადგილეებთან ერთად, შამადელაში ხიდების სარეაბილიტაციო სამუშაოებს გაეცნენ.
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დღის სიახლეები
23 / მაისი 2024
სამეგრელო-ზემო სვანეთის სახელმწიფო რწმუნებული გიორგი გუგუჩია და ზუგდიდის მერი მამუკა წოწერია, მოადგილეებთან ერთად, შამადელაში ხიდების სარეაბილიტაციო სამუშაოებს გაეცნენ.
23 / მაისი 2024
ზუგდიდში, “აგენტების” კანონის საწინააღმდეგო აქცია გაიმართა. პროტესტის მონაწილეები დღესაც, ქალაქის ცენტრში შეიკრიბნენ, შემდეგ კი მსვლელობა მოაწყეს ქალაქის ცენტრალური ბაზრის მიმდებარე ტერიტორიისკენ.
23 / მაისი 2024
ენგურის ე.წ. საკონტროლო - გამშვებ პუნქტზე აფხაზმა ე.წ. მებაჟეებმა, საქონლის "უკანონო" გადატანის მცდელობა აღკვეთეს, წერს „აბხაზია ინფორმი“.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 17 °C
img
ფოთი 20 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.