სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ 2023 წლის შემაჯამებელ ბრიფინგზე განაცხადა, რომ წლის მანძილზე სასურსათო საქონელზე ფასების შემცირდა.

"შემცირებაში, მნიშვნელოვანი კონტრიბუტორი იყო მზესუმზირის ზეთი, ცხიმი, კარტოფილი, პური და პურ-პროდუქტები.

ასევე, ჯანდაცვის ჯგუფში იყო გარკვეული მედიკამენტები და სამედიცინო აპარატურა, რომელმაც განაპირობა ინფლაციის შედარებით დაბალი მაჩვენებელი, თუმცა ამავე დროს, ფასები იზრდებოდა ნავთობპროდუქტებზე, კერძოდ ბენზინზე. ხილის და ყურძნის კატეგორიაზე კი 17%იანი, საფინანსო მომსახურებაზე კი 26%-იანი ზრდა გვქონდა", - აღნიშნა თოდრაძემ.

მან ასევე განმარტა, რომ 2023 წლის 11 თვის მაჩვენებლით, ეკონომიკური ზრდა 6.9%-ია, რაშიც მნიშვნელოვანი წვლილი შეიტანეს მშენებლობის, ვაჭრობის, საკომუნიკაციო, სადაზღვევო და საფინანსო სექტორებმა.