ახალი ამბები
სამეგრელო-ზემო სვანეთში კორუფციის სავარაუდო შემთხვევების შედეგად, კომპანიებმა 96 703 744 ლარი მიიღეს - "საერთაშორისო გამჭირვალობა"
სამეგრელო-ზემო სვანეთში თანამდებობის პირებთან დაკავშირებულმა კომპანიებმა საეჭვო ტენდერებიდან და გამარტვებული შესყიდვებიდან 96 703 744 ლარი მიიღეს. ამის შესახებ დოკუმენტი "საერთაშორისო გამჭვირვალობა - საქართველომ" გამოაქვეყნა.

"კორუფციული ფაქტების სიმრავლე და მასშტაბები აჩენს განცდას, რომ პრივილეგირებული ადამიანებისთვის ხალხის ხარჯზე გამდიდრებას ამ ქვეყანაში მწვანე შუქი აქვს ანთებული", - წერია გავრცელებულ დოკუმენტში.

ინფორმაციის მიხედვით, სამეგრელო-ზემო სვანეთში კორუფციის სავარაუდო შემთხვევები შემდეგნაირად ნაწილდება:

"მამუკა წოწერია, ზუგდიდის მერი - მასთან და სამეგრელო-ზემო სვანეთის მხარეში სახელმწიფო რწმუნებულის მოადგილის, დავით კუხალეიშვილის კლასელთან და მეგობართან დაკავშირებული კომპანიები (შპს "როუდ პლიუსი" და შპს "ბილდინგ გრუპ 17) 2018 წლიდან დღემდე იმარჯვებენ ადგილობრივ შესყიდვებში. მათ ჯამში 28 938 985 ლარის ტენდერები მიიღეს. აქედან 12 129 286 ლარის შესყიდვები ზუგდიდის მერიაზე მოდის.

ლაშა ჯაიანი, ზუგდიდის მერიის ზედამხედველობის სამსახურის ყოფილი უფროსი - მისმა კომპანიამ (შპს "ევრომშენი 999) შესყიდვებიდან 2016-2018 წლებში 1 628 151 ლარი მიიღო. კომპანიისაგან მომსახურებას, ძირითადად, ზუგდიდის მერია ყიდულობდა, ამ პერიოდში კი ლაშა ჯაიანი სატენდერო კომისიის წევრიც იყო.

გოჩა კურდღელია, ფოთის ყოფილი მერი - მისი ბიზნესპარტნიორისა და მეგობრის, რამაზ გუჯაბიძის კომპანიამ - შპს "ხალიბმა" სახელმწიფო შესყიდვებიდან 2012 წლიდან დღემდე 520 809 ლარის გამარტივებული შესყიდვები მიიღო.

ბადრი ნემსაძე, "ზუგდიდის მუნიციპალური ტრანსპორტის" ყოფილი დირექტორი - მისი და მეუღლის კომპანიებს 2011-2018 წლებში 692 223 ლარის შესყიდვები ჰქონდათ.

ნესტან ქარჩავა, ჩხოროწყუს მუნიციპალიტეტის სოფელ ხაბუმეში მერის წარმომადგენლი - მისი ოჯახის წევრების კომპანიებმა, რომლებიც ჩხოროწყუს მერთან, დათო გოგუასთან დაახლოებული პირები არიან, 2012 წლიდან დღემდე 4 301 516 ლარის შესყიდვები მიიღეს. ასევე, დავით გოგუასთან და მმართველ პარტიასთან დაახლოებულები არიან ჯამბულ და სალომე პაპავები, რომელთა კომპანიას ამავე პერიოდში 1 080 842 შესყიდვები ჰქონდა.

ალექსანდრე ხერგიანი, მესტიის გამგებლის ყოფილი მოადგილე - მან ადგილობრივი მთავრობისგან 2014-2022 წლებში 243 034 ლარის შესყიდვები მიიღო. ამავდროულად ალექსანდრე ხერგიანი მესტიის მერის მოადგილის, ნელი ნავერიანის შვილის ბიზნესპარტნიორია შპს "ჰაწვალი 2015"-ში. ნელი ნავერიანი საპარლამენტო უმრავლესობის წევრის, ვიქტორ ჯაფარიძის ბიძაშვილის მეუღლეა.

ბაჩუკი ნაკანი, მესტიის საკრებულოს კომისიის თავმჯდომარე - მასთან დაკავშირებულმა კომპანიამ, შპს "ბუილდერ 21"-მა ადგილობრივი შესყიდვებიდან 1 212 404 ლარი მიიღო, მათ შორის 578 898 ლარი - ბაჩუკი ნაკანის თანამდებობაზე არჩევის შემდეგ.

მარიამ ნაკანი, მესტიის მერიის შესყიდვების სამსახურის უფროსი - მისმა ოჯახის წევრებმა 2013-2022 წლებში 405,187 ლარის შესყიდვები მიიღეს.

ვახტანგ გადელია, სენაკის მერი - მისი ბიძის, დემურ გადელიას კომპანიამ - სს "არქეოპოლისმა" ვახტანგ გადელიას მერად არჩევის შემდეგ სენაკის მერიიდან 10 349 587 ლარის შესყიდვები მიიღო, ბიძაშვილის იოსებ გადელიას კომპანიამ შპს "ინდიკომ" კი 935 160 შესყიდვები.

დათო ადამია, სენაკის საკრებულოს წევრი - მისმა კომპანიამ 2011-2021 წლებში 6 779 143 ლარი მიიღო. 2021 წლის ივნისის შემდეგ კომპანიამ სახელი შეიცვალა, ეწოდა შპს "მენათი" და 2 458 106 ლარის შესყიდვები მიიღო. ამ თანხამ უკვე 9 237 249 ლარი შეადგინა.

ჯუმბერ იზორია, ჩხოროწყუს საკრებულოს თავმჯდომარის მოადგილე, "ქართული ოცნებიდან" საქართველოს პარლამენტის ყოფილი წევრი. მისმა ძმამ 2018 წლიდან 145 966 ლარის შესყიდვები მიიღო, ხოლო მისმა მეგობარმა, ცაბუ გოგუამ ამავე პერიოდში მოიგო 289 583 ლარის ღირებულების ავტომობილების შეკეთებისა და სათადარიგო ნაწილების მუნიციპალური შესყიდვები.

თემურ ღვინჯილია, წალენჯიხის საკრებულოს ყოფილ თავმჯდომარე - მასთან დაკავშირებულმა კომპნიამ - შპს "წალენჯიხის საგზაო სამმართველომ" მისი თანამდებობაზე ყოფნის პერიოდში 5 106 732 ლარის შესყიდვები მიიღო". 

Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
13 / აპრილი 2024
სურსთის ეროვნული საგენტოს ცნობით,  აზიურ ფაროსანასთან ბრძოლის მართვის ცენტრმა დასავლეთ საქართველოში ფერომონიანი დამჭერების განთავსება დაიწყო.
13 / აპრილი 2024
მზად ვართ ვისაუბროთ დეტალურად, გახსნილად, გვაქვს მზაობა კონსულტაციებისთვის, იმისათვის, რომ ყველას დავანახოთ, კანონი, რომელიც არის ინიცირებული, ეს არის გამჭვირვალობის კანონი, გამჭვირვალობის ყველა იმ სუბიექტისა, რომელიც მონაწილეობს საზოგადოებრივი აზრის ფორმირებაში, - ამის შესახებ ვიცე-პრემიერმა, საქართველოს თავდაცვის მინისტრმა ირაკლი ჩიქოვანმა ჟურნალისტებთან საუბრისას განაცხადა.
13 / აპრილი 2024
ორშაბათს, 15 აპრილს, ზუგდიდის სკეიტ პარკში "არა რუსულ კანონს!" - ამ სახელწოდებით აქცია გაიმართება.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 16 °C
img
სოხუმი 14 °C
img
ფოთი 14 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.