ახალი ამბები
ბჟანია საქართველოს ხელისუფლებას პრაგმატულ მიდგომას უწონებს
სოხუმი დაინტერესებულია რუსეთისა და ბელარუსის საკავშირო სახელმწიფოში მონაწილეობით, დამოუკიდებლობის შენარჩუნების დათქმით. ამის შესახებ რუსულ „ტასს“ აფხაზეთის დე ფაქტო რესპუბლიკის პრეზიდენტმა ასლან ბჟანიამ განუცხადა.

მისივე თქმით, „ამ მიმართულებით მუშაობას შესაძლოა 10 წლამდე დასჭირდეს“.

„საკავშირო სახელმწიფო - ეს ის ფორმატია, რომელშიც დამოუკიდებელი სახელმწიფოები შეთანხმდებიან ურთიერთსასარგებლო პირობებზე ზენაციონალური სტრუქტურების შექმნაზე. ჩვენ მზად ვართ ამისთვის, მაგრამ აუცილებელია გარკვეული ეტაპის გავლა, მარეგულირებელი აქტების მომზადება. ზუსტად ისეთი ამბავია, როგორც აფხაზეთის დამოუკიდებლობის აღიარებასთან დაკავშირებული ისტორია“, - თქვა აფხაზმა ლიდერმა.

მსოფლიოში გეოპოლიტიკურ ცვლილებებზე საუბრისას ბჟანიამ აღნიშნა, რომ მომავალში მრავალპოლარული მსოფლიო იქნება, ამასთან, მისი თქმით, უნდა არსებობდნენ რეგიონული კავშირები.

„ეს გაერთიანება მომგებიანია, როგორც რუსეთის ფედერაციის, ასევე ბელარუსის და რა თქმა უნდა, აფხაზეთის ხალხისთვის. ის საშუალებას მოგვცემს შევინარჩუნოთ ჩვენი იდენტობა, კულტურა“, - დასძინა მან.

გამოცემის კითხვაზე, თუ რას ფიქრობს დანარჩენ საქართველოსა და ოკუპირებულ აფხაზეთს შორის ურთიერთობაზე და გამოწვევებზე, მან უპასუხა, რომ ბოლო რამდენიმე წელია საქართველოს ხელისუფლება „პრაგმატულ მიდგომას“ იჩენს.

„მას შემდეგ რაც უკრაინაში სპეციალური სამხედრო ოპერაცია დაიწყო, საქართველოს ხელისუფლებამ, როგორც მეჩვენება, ყველაფრის მიმართ პრაგმატული მიდგომა გამოიჩინა. იმ პროვოკაციაში არ მიიღეს მონაწილეობა, რომელიც მათ უკრაინამ დაუწესა. მეორე ფრონტის გახსნის შესახებ უკრაინის ლიდერის განმეორებითმა მოწოდებამ მათ შორის მხარდაჭერა ვერ მოიპოვა. ამ თვალსაზრისით, მიმაჩნია, რომ ეს არის პოლიტიკური სიმწიფის ნიშანი. მე ასე მეჩვენება“, - განაცხადა ასლან ბჟანიამ.

მისი თქმით, თუ თბილისი მომავალშიც გამოიჩენს „პრაგმატიზმს“, ამით ზედმეტი ინციდენტების აღმოფხვრას შეძლებენ.

„ჩვენ ჩვენი მომავალი უკვე გადავწყვიტეთ. საქართველოს ხელმძღვანელობას არსებული რეალობის აღიარება მოუწევს. არ ვფიქრობ, რომ რაიმე ახალს ვამბობ, მაგრამ ომის შედეგ ყველაფერი ისე აღარ არის, როგორც ომამდეა ხოლმე. ომი ყველაფერს რადიკალურად ცვლის. ქართველ ლიდერებს 1992 წელს აფხაზეთში ომის დაწყებამდე უნდა გაეგოთ, რა შეიძლება მოჰყოლოდა ამ ყველაფერს. ალბათ, საქართველოს მთლიანობის თვალსაზრისით ეს ერთ-ერთი გამოუსწორებელი შეცდომა იყო“, - აღნიშნა ბჟანიამ.

მისი თქმით, მათ სურთ „კეთილმეზობლური ურთიერთობა ჰქონდეთ საქართველოსთან“.

„მე შემიძლია ვთქვა, რომ ჩვენ არ გვაქვს ანტაგონიზმი ქართველი ხალხის მიმართ. ჩვენ გვქონდა პრეტენზია მათთან, ვინც დაიწყო ეს ომი და მათ მიმართ, ვინც მონაწილეობა მიიღო ამ ომში. ამან ყველაფერი რადიკალურად შეცვალა“.

ამავე ინტერვიუში, ბჟანიამ განაცხადა, რომ „შავ ზღვაში ნატოს გაფართოება სიტუაციის ესკალაციას იწვევს და ართულებს უკრაინის ბედს“.

მისივე თქმით, უკრაინის ომში რუსეთის მხარეს აფხაზეთის 70 - 80 მკვიდრი იბრძვის. რუსეთის უკრაინაში შეჭრიდან დღემდე, დაიღუპა 20 აფხაზი მოხალისე.

ბჟანიამ ხაზგასმით აღნიშნა, რომ კვლავ გაუწევენ ჰუმანიტარულ დახმარებას დონეცკისა და ლუგანსკის ე.წ. სახალხო რესპუბლიკებს. 




Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
18 / აპრილი 2024
ზუგდიდში პირველი საზოგადოებრივი ორგანიზაცია ასოციაცია "ათინათი", რომელიც 28 წლის განმავლობაში არაერთი მიმართულებით მუშაობს და მრავალფეროვან პროექტებს ახოციელებს, ე.წ. "აგენტების" კანონს ეწინააღმდეგება.
18 / აპრილი 2024
"აგენტების" კანონის წინააღმდეგ პროტესტის გამოსახატად ზუგდიდელები მერიასთან ისევ შეიკრიბნენ.
18 / აპრილი 2024
მაზაკვალი ანუ ქართულად მზაკვარი არის კუდიანი ქალი, რომელიც შეიარაღებულია თვალცემულობის ძალით და ცდილობს მოსპოს, გაანადგუროს ყველაფერი, რაც დაკავშირებულია სიკეთესთან, ბედნიერებასთან, სილამაზესთან და კმაყოფილებასთან.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 19 °C
img
სოხუმი 16 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.