ზუგდიდის მუნიციპალიტეტის 24 საჯარო სკოლაში დირექტორობის 78 კანდიდატი დარეგისტრირდა. ამის შესახებ საქართველოსა და მეცნიერების სამინისტროს მიერ გამოქვეყნებულ დოკუმენტში ვკითხულობთ.

ამავე ინფორმაციით, ზუგდიდში ყველაზე მეტი, 7 კანდიდატი სოფელ ინგირის №1 საჯარო სკოლაში დარეგისტრირდა.

დოკუმენტის მიხედვით, სამეგრელო-ზემო სვანეთის ცალკეულ მუნიციპალიტეტებში რეგისტრირებულ კანდიდატთა რაოდენობა შემდეგნაირად ნაწილდება:

აბაშა - 17 სკოლაში 52 კანდიდატი.

ხობი - 20 სკოლაში 96 რეგისტრირებული.

წალენჯიხა - 19 სკოლაში 44 კანდიდატი.

მარტვილი - 32 სკოლაში 87 მსურველი.

ჩხოროწყუ - 16 სკოლაში 59 რეგისტრირებული.

სენაკი - 15 სკოლაში 35 კანდიდატი.

მესტია - 22 სკოლაში 10 მსურველი.

4 მარტს დასრულდა დირექტორობის კანდიდატების ელექტრონული რეგისტრაცია. შესარჩევ კონკურსში მონაწილეებისთვის ტესტირება კი ელექტრონული ფორმით, 10 მარტს, 12:00 საათზე ჩატარდება.

გასულ, 2023 წელს ზუგდიდის მუნიციპალიტეტის მასშტაბით 51-დან 29 სკოლაში სამეურვეო საბჭოებს დირექტორები უნდა აერჩიათ, თუმცა ისინი 27 საგანმანათლებლო დაწესებულებაში აირჩიეს. ყველგან თითო კანდიდატი იყო წარდგენილი.

ამავე თემაზე:

ზუგდიდის 24 სკოლაში დირექტორებს ახალი წესით აირჩევენ