ახალი ამბები
სოხუმში ბაბუშარას აეროპორტის მიმდებარე ტერიტორიიდან მოსახლეობის გასახლებას გეგმავენ
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
ამავე ცნობით, აფხაზეთის თვითგამოცხადებული რესპუბლიკის ენერგეტიკის მინისტრი ჯანსუხ ნანბა 26 მარტს ადგილობრივ მოსახლეობას შეხვდა.

გავრცელებული ინფორმაციით, ე.წ. მინისტრთან შეხვედრაზე, რამდენიმე ათეულმა ადამიანმა უკმაყოფილება გამოთქვა მათი გასახლების გადაწყვეტილებასთან დაკავშირებით.

„შესაძლოა, ვინმე დათანხმდეს გადასვლას, მაგრამ ამას ყველა არ ეთანხმება, თუნდაც კომპენსაციის სანაცვლოდ“, - განაცხადეს მათ.

თავად ნანბამ განაცხადა, რომ ინფორმაცია აეროპორტის მახლობლად მდებარე სახლების მაცხოვრებლების გადასახლების შესახებ სიმართლეს არ შეესაბამება, იუწყება “აფსნიპრესი“. ამასთან, მისივე თქმით, განიხილება „აეროპორტის გრძელვადიანი განვითარების გეგმა“.

„იმისთვის, რომ ავაშენოთ თანამედროვე აეროპორტი, რომელიც აკმაყოფილებს ყველა საერთაშორისო მოთხოვნას, არსებული ტერიტორია არ არის საკმარისი და ამ მხრივ განიხილება განვითარების გრძელვადიანი გეგმა, ე.წ. მეორე ეტაპი. ამ საკითხის განხილვაში მნიშვნელოვანი მივიჩნიეთ სოფლის წარმომადგენლების ჩართვა“, - აღნიშნა ნანბამ.

სოხუმის აეროპორტის აღდგენის შესახებ რუსეთ-აფხაზური შეთანხმების თანახმად, აფხაზურმა მხარემ უნდა უზრუნველყოს „უძრავი ქონებისა და მიწის ნაკვეთების ჩამორთმევა მესამე პირებისგან რუსული იურიდიული პირისთვის გადასაცემად იმ შემთხვევებში, როდესაც ეს აუცილებელია საინვესტიციო პროექტის რეალიზაციისთვის“.

„ეხო კავკაზას“ თანახმად, მანამდე რუსეთის ეკონომიკური განვითარების მინისტრის მოადგილემ დიმიტრი ვოლვაჩმა განაცხადა, რომ პროექტში ინვესტიციების მოცულობა 12 მილიარდ რუბლს გადააჭარბებს. მისივე თქმით, რუსეთიდან სოხუმის აეროპორტის მიმართულებით პირველი საცდელი რეისი მიმდინარე წელს იგეგმება.

2023 წლის შემოდგომაზე ცნობილი გახდა, რომ სოხუმის აეროპორტის აღდგენას შპს „ინფრასტრუქტურის დეველოპმენტი“ განახორციელებს, რომლის ერთადერთი მფლობელია რუსეთის შინაგან საქმეთა სამინისტროს ყოფილი ხელმძღვანელის, ამჟამად კი რუსეთის უშიშროების საბჭოს მდივნის პირველი მოადგილის, რაშიდ ნურგალიევის ერთ - ერთი ვაჟი, რაშიდ ნურგალიევი.

მანამდე ცნობილი გახდა, რომ სოხუმის აეროპორტის ტერიტორიაზე ინვესტორმა ძველი შენობების დემონტაჟი დაიწყო. უფრო ადრე, სოხუმში განაცხადეს, რომ ბაბუშარას აეროპორტმა ფრენები 2025 წლის 31 მარტისთვის უნდა განაახლოს, მას შემდეგ, რაც მისი რეაბილიტაცია დასრულდება.





Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
18 / აპრილი 2025
რუსეთის ტრანსპორტის სამინისტროს ინფორმაციით, „სოხუმის მიმართულებით ბილეთების გაყიდვა გახსნილია“. ამავე ცნობით, პირველი რეისი 3 მაისს არის დაგეგმილი.
18 / აპრილი 2025
ზუგდიდის მერია მუნიციპალიტეტის მასშტაბით საჯარო სკოლებში „ბოლო ზართან“ დაკავშირებული გასართობი ღონისძიების ორგანიზებისთვის 31 950 ლარს დახარჯავს. შესაბამისი ტენდერი სახელმწიფო შესყიდვების ვებ გვერდზე უკვე გამოქვეყნდა.
18 / აპრილი 2025
გარემოს ეროვნული სააგენტოს ინფორმაციით, სამეგრელოში, მათ შორის მარტვილსა და ზუგდიდში, 19 აპრილს თბილი და უნალექო ამინდი იქნება. 20-21 აპრილს კი ზოგან გაწვიმდება. ჰაერის ტემპერატურა დღისით +24, +26 გრადუსს მიაღწევს.
ოდაბადეშ კინოხონი
17 / აპრილი 2025
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.