ახალი ამბები
საკრებულოში სხდომა მეხუთედ გადაიდო, ფრაქცია "ახალი" კი ბრალდებებს პასუხობს
ზუგდიდის საკრებულოში სხდომა კვორუმის არარსებობის გამო მეხუთედ გადაიდო. დარბაზში 15 დეპუტატი გამოცხადდა, კვორუმის შესადგენად კი მინიმუმ 23-ია საჭირო.

მუნიციპალიტეტის საკრებულოს თავმჯდომარე გიგა ფარულავა ამბობს, რომ სხდომებთან ერთად, ჩაიშალა რამდენიმე საკომისიო განხილვაც. მისი თქმით, " ერთიანი ნაციონალური მოძრაობა" და "ქართული ოცნება" ბოიკოტს უცხადებენ საკრებულოს საქმიანობას.

"რაც შეეხება იმ განცხადებებს, რაც გუშინ ქართული ოცნების წარმომადგენლებმა გააკეთეს, უბრალოდ, სასაცილოა. მათ არგუმენტიც კი არ ჰყოფნით იმისათვის, რომ მათ თავისი პარტიული ინტერესი და ის, რომ ისინი გარიგებულები არიან ნაციონალურ მოძრაობასთან, ეს გაამართლონ", - თქვა საკრებულოს თავმჯდომარემ.

დღესვე პარტია "ახალმა" ბრიფინგი გამართა. მისი თავმჯდომარე მაია კალანდია ყურადღებას ამახვილებს "ენმ"-ს წევრის ირაკლი სორდიას მიერ რადიო "ათინათთან" გაკეთებულ განცხადებაზე, სადაც ის ბოიკოტის მიზეზად "ფრაქციის წესდების უკანონოდ გადაკეთებას" ასახელებს.

"ირაკლი სორდიამ თქვა, რომ წესდების დარღვევით გადავარქვით ფრაქციას სახელი და საერთოდ არ ახსენებენ ფრაქცია "ახალს". გასაგებია, არ ახსენებენ, ისინი არ გვცნობენ, დიდი პატივია ჩვენთვის, რომ "ქართული ოცნება" და "ნაციონალური მოძრაობა", რომელმაც ყველა გზას გადაუხვია, იმ მიზნებს და ამოცანებს, რომლებიც ჰქონდა წლების განმავლობაში და უნისონში არის, აგერ თქვენ ხართ მოწმეები, ქართულ ოცნებასთან ერთად მოქმედებენ ზუგდიდელების ინტერესების წინააღმდეგ", - ამბობს კალანდია.

როგორც ის განმარტავს, მათ "ენმ"-ს წევრებთანაც ჰქონდათ კონსულტაციები და ფრაქციას ყველა პროცედურის დაცვით დაერქვა სახელი.

"შეგიძლიათ გამოითხოვოთ დოკუმენტაცია და მოგაწვდით. არაფერი არ არის დარღვეული. წესდების ყველა მუხლის დაცვით გადაერქვა ფრაქცია ნაციონალურ მოძრაობას სახელწოდება.

კონსულტაციები მათთან გვქონდა და ასე გვითხრეს, მიუხედავად იმისა, რომ 2/3 გვქონდა კვოტა, მათ გვითხრეს, ერთი წერტილიც კი რომ შეცვალოთ, ფრაქციის სახელწოდებაში, ჩვენ თქვენთან არ ვითანამშრომლებთ", - თქვა კალანდიამ.

საკრებულოს თავმჯდომარის მოადგილე თეიმურაზ ბასილაია აღნიშნავს, რომ "ქართული ოცნება" შექმნილი სიტუაციით სარგებლობს და "ენმ"-ს 8 დეპუტატის მანიპულირებით ცდილობს, დაშალოს ოპოზიციით დაკომპლექტებული საკრებულო.

"ეს იმას მიანიშნებს, რომ მათის მთავარი მიზანი არის, რომ რამენაირად მოკალათდნენ თანამდებობაზე და ამისათვის, სამწუხაროდ, ყველაფერზე მიდიან, ბიძინა ივანიშვილმა, სამწუხაროდ ქართულ ოცნებას ჩამოართვა, ღირებულებითი, რაც შეიძლება ადამიანს ჰქონდეს", - გვეუბნება ბასილაია.

ის მოუწოდებს დეპუტატებს, შეწყვიტონ ბოიკოტი და დაუბრუნდნენ საქმიანობას წარმომადგენლობით ორგანოში.

ინფორმაციისთვის, ზუგდიდის საკრებულოში 5 აპრილს ვერ ჩატარდა სხდომა, რომელზეც დაგეგმილი იყო ოპოზიციური ფრაქცია "ახალის" ცნობად მიღება. აღნიშნული ფრაქცია ენმ-ს ყოფილი 14 წევრისგან შედგება, რომელთაც პარტია დატოვეს და ნიკა მელიასა და ნიკა გვარამიას გუნდს შეუერთდნენ. პარტიაში დარჩა საკრებულოს 8 წევრი "ნაციონალური მოძრაობიდან", თუმცა ფრაქციას სახელი შეეცვალა. სწორედ სახელის ცვლილების ცნობად მიღება ვერ ხერხდება ამ დრომდე, რადგან აპრილში გასამართი პირველივე სხდომა, სადაც დღის წესრიგით აღნიშნული საკითხიც არის განსაზღვრული, კვორუმის არარსებობის გამო, მეორე კვირაა, იშლება.

ქართულმა ოცნებამ 10 აპრილს დაარეგისტრირა ინიციატივა, საკრებულოს ოპოზიციონერი (ფრაქცია "ახალის" წევრების) ხელმძღვანელების, საკრებულოს ოპოზიციონერი თავმჯდომარისა და მისი, ასევე, ოპოზიციონერი მოადგილეების გადაყენების შესახებ. დოკუმენტი მომდევნო თვეში უნდა წარედგინოს საკანონმდებლო ორგანოს. გადაწყვეტილების მისაღებად, სულ ცოტა, 23 ხმაა საჭირო 45 მანდატიან საკრებულოში, თუმცა, მმართველ პარტიას მხოლოდ 20 წარმომადგენელი ჰყავს.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 15 °C
img
ფოთი 16 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.