დღეს ზუგდიდის სკეიტ პარკის ტერიტორიაზე რიგითი მოქალაქეები, აქტივისტები და არასამთავრობო ორგანიზაციების წარმომადგენლები ევროპის დღეებს 18:00 საათზე აღნიშნავენ და ამასთან, კიდევ ერთხელ გააპროტესტებენ "აგენტების" კანონს.

"ზუგდიდი უერთდება ევროპის დღეების აღნიშვნას. ეს არის დრო, როდესაც კიდევ ერთხელ შეგვიძლია ევროპასა და საქართველოს შორის კულტურული, პოლიტიკური, საგანმანათლებლო და სოციალური კავშირების გაძლიერებაზე საუბარი.
წლევანდელი წელი განსხვავებულია, კავშირებზე საუბართან ერთად გვიწევს კანონის გაპროტესტება, რომელიც აფერხებს ამ მეგობრობას, გვაშორებს ევროპას და გვაახლოებს რუსეთს", - წერია ორგანიზატორების მიერ გავრცელებულ განცხადებაში.

ისინი მოქალაქეებს მოუწოდებენ, შეუერთდნენ აქციას, სადაც მათი თქმით, ადგილობრივი ორგანიზაციები და აქტივისტები მოუყვებიან, თუ რა გაკეთდა და კეთდება დასავლეთის დაფინანსებით სამეგრელოში.

ინფორმაციისთვის, ე.წ აგენტების კანონთან დაკავშირებით, დემონსტრაციები ქვეყნის მასშტაბით რამდენიმე კვირაა მიმდინარეობს.

3 აპრილს "ქართული ოცნების" აღმასრულებელმა მდივანმა მამუკა მდინარაძემ თქვა, რომ მმართველი პარტია "უცხოური გავლენის გამჭვირვალობის შესახებ" კანონს მეორედ დააინიცირებდა. საქართველოს პარლამენტის ბიურომ კანონპროექტი 8 აპრილს დაარეგისტრირა.

საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით 17 აპრილს, ხოლო მეორე მოსმენით, 1 მაისს მიიღო. პროტესტები კი  უწყვეტად მიმდინარეობს თბილისსა და საქართველოს სხვა ქალაქებში, მათ შორის ზუგდიდში.

2023 წლის 7 მარტს პარლამენტმა პირველი მოსმენით მიიღო კანონი "უცხოური გავლენის აგენტების" შესახებ, რასაც საკანონმდებლო ორგანოს შენობასთან ათასობით მოქალაქის შეკრება მოყვა. აქციის დასაშლელად ძალოვნებმა გამოიყენეს წყლის ჭავლი, ცრემლმდენი გაზი და ე.წ. წიწაკის სპრეი. დაშავდა ათობით ადამიანი, 66 პირი კი დააკავეს. საპროტესტო აქცია სლოგანით "არა რუსულ კანონს" გაიმართა ზუგდიდშიც. 9 მარტს კი "ქართული ოცნების" პოლიტსაბჭოსა და "ხალხის ძალას" შორის კონსულტაციების შედეგად, აღნიშნული კანონპროექტის პარლამენტიდან გაწვევის გადაწყვეტილება მიიღეს, ხოლო 10 მარტს პარლამენტმა მეორე მოსმენით ჩააგდო დოკუმენტი.


ამავე თემაზე:

ზუგდიდში „აგენტების კანონის“ საწინააღმდეგო აქცია ზვიად გამსახურდიას ძეგლთან დასრულდა (ფოტო)

ზუგდიდის მერიასთან “აგენტების” კანონს კვლავ აპროტესტებენ (ფოტო)

"აგენტების" კანონი მეორე მოსმენით მიღებულია

„არა რუსულ კანონს! კი ევროპას!“ , - ზუგდიდში „აგენტების კანონის“ საწინააღმდეგო აქცია - მსვლელობა მიმდინარეობს (ფოტო)

პირველი მოსმენით "აგენტების კანონი" მიღებულია

რადიო "ათინათი" სხვა მედიებთან ერთად ე.წ აგენტების კანონის პარლამენტში წარდგენას აპროტესტებს

რატომ არა ე.წ აგენტების კანონს - ზუგდიდელების პასუხები (ფოტო/ვიდეო)

ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან