ახალი ამბები
სუს - ი არ ადასტურებს „აგენტების“ კანონის საწინააღმდეგო აქციებში მონაწილე სტუდენტების ოკუპირებულ აფხაზეთში დაკავებას
საქართველოს სახელმწიფო უსაფრთხოების სამსახური არ ადასტურებს თბილისსა და ზუგდიდში „აგენტების“ შესახებ კანონის საწინააღმდეგო აქციებში მონაწილე გალელი სტუდენტების ოკუპირებულ აფხაზეთში დაკავებას.

„რაც შეეხება ამ ინფორმაციას, სხვადასხვა მონაცემები ვრცელდება რაოდენობრივი. ცენტრალური ხელისუფლების მიერ გააქტიურდა ცხელი ხაზი და მოვიკითხეთ აღნიშნული ფაქტის შესახებ. ამ საათის მდგომარეობით, მათ არ დაადასტურეს დაკავების ფაქტი. მე მინდა ხაზი გავუსვა, რომ ინფორმაციას ვაზიარებ დღევანდელი 10 საათის მდგომარეობით. რა თქმა უნდა, ცხელი ხაზი გააქტიურდება დღის განმავლობაში და კიდევ მოვიკითხავთ ინფორმაციას ცხელი ხაზით, ასევე ჩვენს ხელთ არსებული სხვა საშუალებებით. ამ ეტაპზე არ შეგვიძლია ამ ფაქტის დადასტურება. არცერთი ინდიკატორი ამ ეტაპზე ამ ფაქტზე არ მიუთითებს“, - ამის შესახებ ჟურნალისტებს სუს - ის ანალიტიკური დეპარტამენტის დირექტორის მოადგილემ ირაკლი ანთაძემ ერგნეთში შეხვედრის შემდეგ განუცხადა.

ოკუპირებული აფხაზეთის ტერიტორიაზე 13 ქართველი სტუდენტის დაკავების შესახებ ინფორმაცია გუშინ გავრცელდა. წალენჯიხის მუნიციპალიტეტის მერის მოადგილის, თამარ ბელქანიას თქმით, ახალგაზრდები გამყოფი ხაზის გადაკვეთისთანავე და სახლში დაბრუნებისთანავე, დაკითხვაზე წაიყვანეს. მისივე ცნობით, მათ მობილური ტელეფონები ჩამოართვეს და დანარჩენ საქართველოში საპროტესტო აქციებთან დაკავშირებით სოციალურ ქსელებში გამოქვეყნებულ პუბლიკაციებზე დაკითხეს. ბელქანიამ ხაზგასმით აღნიშნა, რომ მოსწავლეები და მათი მშობლები „სერიოზული ზეწოლისა და აგრესიის ქვეშ არიან“. მან ცენტრალურ ხელისუფლებას რეაგირებისკენ მოუწოდა.

პარლამენტმა "უცხოური გავლენის გამჭვირვალობის შესახებ" კანონპროექტი მესამე მოსმენით 14 მაისს მიიღო. მას მხარი 84-მა დეპუტატმა დაუჭირა, 30 კი წინააღმდეგი იყო.

პროტესტი კი რამდენიმე კვირაა უწყვეტად მიმდინარეობს თბილისსა და საქართველოს სხვა ქალაქებში, მათ შორის ზუგდიდში.

საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით 17 აპრილს, ხოლო მეორე მოსმენით, 1 მაისს მიიღო. პროტესტი კი რამდენიმე კვირაა უწყვეტად მიმდინარეობს თბილისსა და საქართველოს სხვა ქალაქებში, მათ შორის ზუგდიდში.







Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
20 / ივნისი 2024
ზუგდიდის მუნიციპალიტეტის მერიამ მოწყვლადი ჯგუფებისთვის დაფნის ბაღების მოსაშენებლად 20 000 ლარი გამოყო.
20 / ივნისი 2024
მუხურის თაფლის-ლეუკუნეს ჯარების ბიომეურნეობა ბიო-სერტიფიცირებულია. ამის შესახებ ინფორმაციას ფეისბუქზე ფოტოგრაფი რომან თოლორდავა ავრცელებს.
20 / ივნისი 2024
ეკონომიკის მინისტრის ლევან დავითაშვილის განცხადებით, ანაკლიის ღრმაწყლოვანი პორტის პროექტში სხვადასხვა პარტნიორისგან შემდგარი კონსორციუმი ითანამშრომლებს სახელმწიფოსთან, ხოლო გამარჯვებულად ჩინური კომპანიის
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 25 °C
img
სოხუმი 25 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.