ახალი ამბები
გიგა ოთხოზორიას დედა: ასე მგონია, აქციებზე პოლიციელები ჩემს შვილს ურტყამენ
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს. ის ამბობს, რომ მიუხედავად სტრასბრუგის გადაწყვეტილებისა, აფხაზი “მესაზღვრე” კვლავ თავისუფალია და სავარაუდოდ, ასეც გაგრძელდება.

“8 წლის თავზე კიდევ არ მინდა გავიმეორო ის,რასაც ჩემი შვილის საფლავთან წელიწადში ორჯერ ვამბობ. მიუხედავად იმისა, რომ ახალგაზრდა იურისტთა ასოციაციის ძალისხმევით გიგას მკვლელობის საკითხი გავიდა სტრასბურგის სასამართლოზე და ეს საკითხი დადებითად გადაწყდა, ცნეს რუსული მხარე დამნაშავედ და გამოიტანეს შესაბამისი ბრძანებულებაც, მაგრამ რვა წლის განმავლობაში ჩემი შვილის მკვლელი თავისუფლად დასეირნობს, ალბათ, კიდევ გავა წლები და იგივე სურათი იქნება, შესაძლებელია, მე აქ არც ვიდგე მაშინ და გავუდგე ჩემი შვილისკენ გზას“,- ამბობს ჭანტურია.


ჯულიეტა ჭანტურია ქვეყანაში მიმდინარე ანტირუსულ აქციებსაც გამოეხმაურა და თქვა, რომ სამართალდამცავების მიერ დემონტრანტების მიმართ ქმედებები ახალგაზრდების გაწირვაა, აქვს განცდა, რომ მათთვის მოქნეული ხელკეტი სიმბოლურად მის შვილსაც ხვდება.

„ჩემი შვილის საფლავთან ვდგავარ და მრცხვენია დღეს ჩემი შვილის სურათს თვალებში შევხედო იმიტომ, რომ რასაც ჩემი შვილი შეეწირა, ისეთი მოქმედებისთვის თბილისში ე.წ სამართალდამცავები გამეტებით ებრძვიან ახალგაზრდებს თავიანთი სურვილის გამოხატვის გამო, რომ არ უნდათ საქართველო რუსებს დაუთმონ. ღმერთმა ქნას, ისე წავიდეს საქმე, რომ არ მოვექცეთ ისევ რუსების კლანჭებში. არის ადამიანი ისეთი, რომელსაც გაუკვირდება რუსების მიერ მოკლული შვილმკვდარი დედები არ იყვნენ მეხოტბე რუსებისა. არა რუსეთს. მე არანაირი პოლიტიკური განცხადების არც სურვილი მაქვს და არც უფლება. მე არც კანონში ვად ჩახედული და არც მივცემ ჩემს თავს კანონი განვსაჯო იმიტომ, რომ მას ჰყავს კარგად მცოდნეებიც, რომლებიც ხედავენ იმ საშიშროებას, რაც შეიძლება მოჰყვეს ამის მიღებას. თითოეული მოქნეული ჯოხის ქვეშ თითო ქართველი იგულისხმება, რომელიც მოკლეს.ასე მგონია, რომ ჩემს შვილს ურტყამენ იმ ხელკეტს, ასხამენ სახეში სპრეის და წირავენ ახალგაზრდებს“, - აღნიშნა ჯულიეტა ჭანტურიამ.


გიგა ოთხოზორია ე.წ. მესაზღვრემ რაშიდ კანჯი-ოღლიმ 2016 წლის 19 მაისს, დაახლოებით, 15:00 საათზე, ხურჩა-ნაბაკევის ე.წ საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.

ზუგდიდის რაიონულმა სასამართლომ მკვლელობაში ბრალდებული რაშიდ კანჯი-ოღლი დამნაშავედ ცნო და მას 12 წლით თავისუფლების აღკვეთა დაუსწრებლად მიესაჯა. ქუთაისის სააპელაციო სასამართლოს გადაწყვეტილებით კი, მას სასჯელის ზომად 14 წლით თავისუფლების აღკვეთა განესაზღვრა.

2023 წლის დეკემბერში, ადამიანის უფლებათა ევროპულმა სასამართლომ გიგა ოთხოზორიას მკვლელობის საქმეზე რუსეთის ფედერაციას სიცოცხლის უფლების დარღვევა დაუდგინა და გიგა ოთხოზორიას ოჯახს არამატერიალური ზიანის სახით კომპენსაცია მიანიჭა.

ამავე თემაზე:

ჩემთვის რუსეთი ოჯახის დამაქცეველია - გიგა ოთხოზორიას ცოლი



Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
24 / ივნისი 2024
დააკავეს ფსოუს ე.წ. საგუშაგოსთან მომხდარ მკვლელობაში ეჭვმიტანილები ფსოუზე, ე.წ. საგუშაგოს ზონასთან მომხდარ მკვლელობაში ეჭვმიტანილები დააკავეს, ინფორმაციას ოკუპირებული აფხაზეთის ე.წ. პროკურატურა ავრცელებს.
24 / ივნისი 2024
გარემოს ეროვნული სააგენტოს ინფორმაციით, 25 ივნისის დღის ბოლოდან 26 ივნისის დღის ბოლომდე საქართველოში მოსალოდნელია დროგამოშვებით წვიმა ელჭექით და დასავლეთის მიმართულების ძლიერი ქარი.
24 / ივნისი 2024
გაგრის “პროკურატურამ” სისხლის სამართლის საქმე აღძრა ფსოუს ე.წ. საგუშაგოს ზონასთან რუსეთის მოქალაქის მკვლელობის საქმეზე. რუსული „ტასი“ იუწყება ამის შესახებ, დე ფაქტო რესპუბლიკის „გენერალურ პროკურატურაზე“ დაყრდნობით.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 30 °C
img
სოხუმი 28 °C
img
ფოთი 26 °C
img
მესტია 21 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.