ახალი ამბები
გალში ცემის შედეგად გარდაცვლილი თემურ კარბაიას საქმეზე დაკავებული მილიციელები პატიმრობიდან გაათავისუფლეს
გალის რაიონულმა სასამართლომ თვითგამოცხადებული რესპუბლიკის შსს-ს თანამშრომლების ალბერტ ზარაქუას და ვიანორ აბშილავას წინააღმდეგ აღძრული სისხლის სამართლის საქმის მასალების განხილვა დაასრულა.

მათ ბრალად ედებოდათ დაკავებულისთვის სხეულის განზრახ მძიმე დაზიანების მიყენება და უფლებამისილების ბოროტად გამოყენება. საუბარია საქართველოს მოქალაქის ვიტალი (თემურ) კარბაიას გარდაცვალებაზე.

დე ფაქტო რესპუბლიკის გენერალური პროკურატურის ინფორმაციით, გალის ე.წ. სასამართლომ მათ მიმართ წარდგენილი ბრალდება გადააკვალიფიცირა, „სამსახურებრივი გულგრილობის“ მუხლით, სასჯელის ზომად კი გირაო შეუფარდა, 50 – 50 ათასი რუბლის ოდენობით.

„სასამართლომ“ ბრალდებულებს ასევე აუკრძალა გარკვეული თანამდებობების დაკავება ან გარკვეული საქმიანობა 1 წლის ვადით. ზარაქუა და აბშილავა დარბაზიდან გაათავისუფლეს.

გალის რაიონის მკვიდრის, საქართველოს მოქალაქის, თემურ (ვიტალი) კარბაიას გარდაცვალებასთან დაკავშირებით, აფხაზეთის დე ფაქტო რესპუბლიკის ე.წ. შსს - ს სამი თანამშრომლის წინააღმდეგ სისხლის სამართლის საქმე მიმდინარე წლის თებერვალში აღიძრა, ორი მათგანი დააკავეს.

თებერვალშივე ზუგდიდში დააკავეს თემურ კარბაიას გარდაცვალების საქმეზე კიდევ ერთი ეჭვმიტანილი . შსს-ს ოფიციალური ინფორმაციით, გალის ე.წ. შსს-ს თანამშრომელი, დავით კვეკვესკირი, მოსამართლის განჩინების საფუძველზე სს კოდექსის 236-ე მუხლით აიყვანეს, რაც ცეცხლსასროლი იარაღის უკანონო შეძენა-შენახვა-ტარებას გულისხმობს. ბრალდებილი მამაკაცი, ზუგდიდში, სავარაუდოდ, ათ დღეზე მეტი ხნის განმავლობაში იმალებოდა.

აფხაზური ე.წ. პროკურატურის ინფორმაციით, კვეკვესკირი „ძებნაშია გამოცხადებული“. მის წინააღმდეგ აღძრული "სისხლის სამართლის საქმის მასალები კი ცალკე წარმოებაშია გამოყოფილი".

თემურ კარბაიას სიკვდილის შესახებ 2023 წლის 9 დეკემბერს გახდა ცნობილი. 43 წლის მამაკაცის ოჯახის წევრების ინფორმაციით, საქართველოს მოქალაქე, რომელიც დედასთან ერთად გალში ცხოვრობდა, ე.წ. მილიციამ გააჩერა და სასტიკად სცემა. მიყენებული ტრავმებით იგი კლინიკაში გარდაიცვალა.

საქართველოს უსაფრთხოების სამსახურის ინფორმაციით, დე ფაქტო შინაგან საქმეთა სამინისტროში დაადასტურეს საქართველოს მოქალაქის გარდაცვალების ფაქტი, თუმცა არაფერი უთქვამთ თემურ კარბაიას უკანონოდ დაკავების მცდელობაზე.

დე ფაქტო სუს - ის მიერ გალში საქართველოს მოქალაქის თემურ (ვიტალი) კარბაიას გარდაცვალებასთან დაკავშირებით გავრცელებულ განცხადებაში ნათქვამია, რომ 2023 წლის 6 დეკემბერს კარბაია გალის ბაზრობასთან დააკავეს, რის შემდეგაც ის "მოიქცა ძალადობრივად და ცდილობდა თავის დაჭრას". განყოფილებაში აცხადებენ, რომ ის "სამედიცინო ჩარევისთვის" რაიონულ საავადმყოფოში გადაიყვანეს და "პროფილაქტიკური საუბრის შემდეგ" 7 დეკემბერს დილით გაათავისუფლეს. კომენტარში ნათქვამია, რომ კარბაია 9 დეკემბერს სოხუმის საავადმყოფოში გარდაიცვალა, სადაც ერთი დღით ადრე ის გალის საავადმყოფოდან გადაიყვანეს, სადაც ის "გაუარესებული ჯანმრთელობის გამო" მივიდა.

თემურ კარბაია, 2023 წლის 16 დეკემბერს, გალის რაიონის სოფელ წარჩეში დაკრძალეს.

გალში მილიციის მიერ ნაცემი საქართველოს მოქალაქის დაღუპვა რუსეთის მიერ ადამიანის უფლებების დარღვევის ტრაგიკული შეხსენებაა, განაცხადა საქართველოს პრეზიდენტმა სალომე ზურაბიშვილმა.

საქართველოს სახალხო დამცველი საქართველოს მოქალაქის, თემურ კარბაიას გარდაცვალების ფაქტზე პასუხისმგებლობას რუსეთს აკისრებს და მოუწოდებს ხელისუფლებას, ასევე საერთაშორისო ადამიანის უფლებათა დამცველ ორგანიზაციებს, ეფექტიანი გამოძიებისკენ.

Print Email
FaceBook Twitter
დაფინანსებული
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ზუგდიდში სპორტკომპლექსის მშენებლობა აქტიურ ფაზაში მიმდინარეობს, პროექტს რეგიონული განვითარებისა და ინფრასტრუქტურის სამინისტროს საქართველოს მუნიციპალური განვითარების ფონდი ახორციელებს.
15,000 ₾ საპრიზო ფონდით, ჰაკათონი აქტიური სტატუსის მქონე საქართველოში მცხოვრები ნებისმიერი უნივერსიტეტის სტუდენტისთვის ღიაა.
დღის სიახლეები
13 / ივნისი 2024
სამეგრელოში ფართოდ იყო გავრცელებული ერთი ფრიად ნიშანდობლივი ტრადიცია, რომელსაც ,, ძუძუში კიბირიშ გედგმა “, ანუ ძუძუზე კბილის დადგმა ეწოდებოდა.
13 / ივნისი 2024
საქართველოს განათლების მინისტრის, გიორგი ამილახვარის განცხადებით, 2024 წლის პირველი ივლისიდან სრული დატვირთვის პირობებში, მასწავლებლების ხელფასი, სტატუსის მიუხედავად, საშუალოდ 500 ლარით გაიზრდება.
13 / ივნისი 2024
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) გადაწყვეტილებით, შპს „მესტიაჭალა ენერჯიზე“ (მესტიაჭალა 1) ელექტროენერგიის წარმოების ლიცენზია ამოქმედდა.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« ივნისი 2024 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
ზუგდიდი 17 °C
img
სოხუმი 20 °C
img
ფოთი 22 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.