ახალი ამბები
ჩინეთის ანაკლიაში შემოსვლისას რამდენად დაცული იქნება ქვეყნის უსაფრთხოება, ის ალიანსშია რუსეთთან - მამუკა ხაზარაძე
პარტია "ლელოს" ლიდერი მამუკა ხაზარაძე, რომელიც 2017 წელს "ანაკლიის განვითარების კონსორციუმს" თავმჯდომარეობდა, პორტის პროექტის გამარჯვებულად ჩინური კომპანიის გამოცხადებას ეხმაურება.

მისი თქმით, ამ შემთხვევაში, გასათვალისწინებელია ქვეყნის უსაფრთხოების ინტერესები, რადგან როგორც ამბობს, ჩინეთი რუსეთის პარტნიორი სახელმწიფოა და კითხვის ნიშნებს აჩენს პოტენციურად გამარჯვებული კომპანიის საქმიანობა.

"ანაკლიასთან დაკავშირებით, მიმდინარეობს საერთაშორისო არბიტრაჟი. ბიძინა ივანიშვილის ხელისუფლებამ ამერიკელების, ევროპელებისა და ქართველი ინვესტორების დაფინანსების ექსპროპრიაცია მოახდინა, გამოგვიცხადა ომი და სამი წლის განმავლობაში, დაუზოგავად გვდევნიდა ყველგან. მიუხედავად ამისა, ჩვენ ამ საქმეს არ შევშვებივართ. რაც შეეხება ჩინეთის შემოსვლას, ვიღაცას ჰგონია, რომ ეს არის კარგი, მაგრამ ქვეყნის უსაფრთხოების თვალსაზრისით მნიშვნელოვანია გავითვალისწინოთ, რომ ჩინეთთან, რომელიც ალიანსშია რუსეთთან, რამდენად დაცულად იქნება ჩვენი ქვეყანა. მაგალითად, ტრამპს, ამ კომპანიაში, რომელიც საქართველოში შემოდის, აკრძალული აქვს ამერიკელი კომპანიებისთვის ინვესტიციების გაკეთება", - თქვა ხაზარაძემ.

მისივე განმარტებით, ის ამერიკულ, ევროპულ და ქართულ კომპანიებთან ერთად, ჩინელ ინვესტორებსაც სთავაზობდა ანაკლიის პროექტში ჩართვას.

"რაც უფრო მეტი დროშა აღიმართებოდა ანაკლიაში ჩვენი უცხოელი პარტნიორების, ეს ჩვენი ქვეყნის უსაფრთხოებისთვის, ვაჭრობისთვის და ბიზნესისთვის მნიშვნელოვანი იქნებოდა. რუსულმა ხელისუფლებამ კი შემოიტანა რუსული კანონი. მათ განდევნეს ამერიკელები და ევროპელები, ექსკლუზიურად გადასცეს ჩინელებს", - დასძენს იგი. 

შეგახსენებთ, ეკონომიკისა და მდგრადი განვითარების მინისტრის ლევან დავითაშვილის თქმით, ანაკლიის პორტის პროექტის გამარჯვებულად ჩინური კონსორციუმი უახლოეს დღეებში გამოცხადდება. სამინისტრომ წინადადებები მხოლოდ ჩინური კონსორციუმისგან მიიღო.

აშშ-ის სახელმწიფო დეპარტამენტის განცხადებით, მის მშენებლობაში მნიშვნელოვანია შეფასდეს პოტენციური გავლენა კრიტიკულ ინფრასტრუქტურასა და სუვერენიტეტზე.

თავდაპირველად, ის "ანაკლიის განვითარების კონსორციუმს" უნდა აეშენებინა, პირველი გემები კი 2020 წლის ბოლოს უნდა მიეღო, თუმცა, სახელმწიფომ მასთან კონტრაქტი გაწყვიტა. 2024 წლის სახელმწიფო ბიუჯეტის მიხედვით, მისი ინფრასტრუქტურისთვის 50 მლნ ლარია გამოყოფილი.
Print Email
FaceBook Twitter
დაფინანსებული
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
19 ივლისს, თიბისის მხარდაჭერით, აზროვნების აკადემიის "შემეცნებითი ტურნე რეგიონების" ფარგლებში შემდეგი შეხვედრა გაიმართება
დღის სიახლეები
23 / ივლისი 2024
შეფასებისა და გამოცდების ეროვნული ცენტრის (Naec) მონაცემებით, ზუგდიდში, მე-4 სკოლის საგამოცდო ცენტრში დარეგისტრირებული 278
23 / ივლისი 2024
სტატისტიკის ეროვნული სამსახურის მონაცემებით, 2022-2023 წლებში 14 911-მა მოსწავლემ სწავლა შეწყვიტა. მათგან 8 502 ბიჭი, ხოლო 6 409
23 / ივლისი 2024
ზუგდიდში, ზვიად გამსახურდიას გამზირზე განთავსებული შადრევნის რეაბილიტაციისთვის გამოცხადებული 14 000 ლარის ღირებულების
დილის ჩართვა
ოდაბადეშ კინოხონი
18 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 26 °C
img
სოხუმი 25 °C
img
ფოთი 26 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.