ახალი ამბები
აფხაზეთის მართლმადიდებელი ეკლესიის მეთაურმა რუსეთის პატრიარქს ულტიმატუმი წაუყენა - მედია
აფხაზეთის დე ფაქტო რესპუბლიკაში „აფხაზეთის მართლმადიდებელი ეკლესიის სახელით“ რეგისტრირებული ეპარქიის მღვდელმთავარი ბესარიონ აპლია, მოსკოვისა და სრულიად რუსეთის პატრიარქს კირილეს მიმართავს და მოითხოვს, რომ მან „მიიღოს აფხაზეთი თავისი მფარველობის ქვეშ და მოაგვაროს კანონიკური სტრუქტურის საკითხი“.

რუსული „ნეზავისიმაია გაზეტას“ თანახმად, აპლია ასევე სთხოვს რუსეთის პატრიარქს „აფხაზეთისთვის ეპისკოპოსის ხელდასხმას და აფხაზური დიასპორისთვის მოსკოვში ტაძრის გამოყოფას“. აქვე აღნიშნულია, რომ წერილზე პასუხი აპლიას ჯერჯერობით არ მიუღია. ეს უკანასკნელი თვლის, რომ აფხაზეთი 1943 წელს „არაკანონიკურად“ შევიდა საქართველოს მართლმადიდებელ ეკლესიაში.

აპლიას თქმით, ის მანამდეც შეხვდა პატრიარქ კირილეს მოსკოვში და გამოთქვა თავისი მოთხოვნები, თუმცა, მან თავი აარიდა პირდაპირ პასუხს და უთხრა, რომ აფხაზ სასულიერო პირებში ამ საკითხთან დაკავშირებით აზრთა სხვადასხვაობა არსებობს, რადგან „ზოგს კონსტანტინოპოლი უნდა, ზოგს კი საქართველო“ და ურჩია, რომ ჯერ ერთმანეთში მოეგვარონ საკითხი“.

„ეხო კავკაზას“ თანახმად, აპლიამ აფხაზ ლიდერს, ასლან ბჟანიას და დე ფაქტო ხელისუფლებასაც მიმართა დახმარებისთვის. ოკუპირებული აფხაზეთის უშიშროების საბჭოს მდივანმა სერგეი შამბამ აღნიშნულთან დაკავშირებით განაცხადა, რომ „ის პირადად ყველაფერში მხარს უჭერს აპლიას, მაგრამ ამავე დროს, მათი პოზიცია საეკლესიო საკითხებში - ნეიტრალიტეტია“.

ოკუპირებული აფხაზეთი საქართველოს მართლმადიდებელი ეკლესიის კანონიკური ტერიტორიის ნაწილია, მაგრამ აფხაზეთის ომის დასრულების შემდეგ, ადგილობრივი სასულიერო პირები და მრევლი არ ცნობენ ქართული ეკლესიის ძალაუფლებას.

ამავე დროს, მართლმადიდებლური სტრუქტურების სახით ორი თემი ფუნქციონირებს, „აფხაზეთის მართლმადიდებელი ეკლესია“ მამა ბესარიონ აპლიას მეთაურობით და მართლმადიდებლური ორგანიზაცია - „აფხაზეთის წმინდა მიტროპოლია“, არქიმანდრიტ დოროფეი დბარის მეთაურობით, რომელიც ახალ ათონში მოქმედებს.

მედიის ინფორმაციით, პერიოდულად, „აფხაზეთის მართლმადიდებელი ეკლესია“ მოითხოვს „აფხაზეთის წმინდა მიტროპოლიის“ წარმომადგენლებისგან, გაათავისუფლონ ახალი ათონის მონასტერი და მათ გადასცენ, რაც ხშირად დავის მიზეზი ხდება.


Print Email
FaceBook Twitter
დაფინანსებული
15 - 16 ივლისს, ზუგდიდის მუნიციპალიტეტის ,,ხელოვნებისა და კულტურის განვითარების ცენტრის" ორგანიზებითა და ზუგდიდის მუნიციპალიტეტის მერიის მხარდაჭერით, პოლიკარპე ხუბულავას სახელობის ფოლკლორის IV საერთაშორისო ფესტივალი ,,კოლხი და..."  ჩატარდება.
ანაკლია-განმუხურის საზღვაო სეზონი გაიხსნა. სეზონის გახსნასთან დაკავშირებით, ანაკლიაში სხვადასხვა ღონისძიება გაიმართა.
ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, არაფორმალური განათლებისა და პროფესიული შესაძლებლობების განვითარების პროგრამის ფარგლებში 4 ახალგაზრდა დააფინანსა.
დღის სიახლეები
15 / ივლისი 2024
გუდაუთის მცხოვრებლებმა სასტუმრო "როსიას" საკანალიზაციო არხები გადაკეტეს, ანტისანიტარიის გამო. 
15 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში ისტორიის გამოცდის პირველ სესიაზე რეგისტრირებული 389
15 / ივლისი 2024
2020-დან 2022 წლის ჩათვლით, უცხოური დონორი ორგანიზაციების სრული ან ნაწილობრივი დაფინანსებით, სენაკის მუნიციპალიტეტში რამდენიმე მნიშვნელოვანი ინფრასტრუქტურული პროექტი განხორციელდა. ამის შესახებ ადგილობრივი
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 23 °C
img
სოხუმი 23 °C
img
ფოთი 24 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.