15 ივლისს საქართველოს მართლმადიდებელი ეკლესია ყოვლადწმინდა ღვთისმშობლის პატიოსანი სამოსლის ვლაქერნაში დადების დღესასწაულს აღნიშნავს. ამ დღეს ზუგდიდის დადიანების სასახლის მუზეუმში, სადაც კვართი ინახება, დილის 9 საათიდან დაიწყება ტრადიციული მსვლელობა და ის ღვთისმშობლის სახელობის მშენებარე ტაძარში კვართის დაბრძანებით დასრულდება. იქ წირვა-ლოცვას მეუფე გერასიმე აღავლენს.

"სტუმრების ვინაობა ჯერ არ არის დაზუსტებული, რაც შეეხება მსვლელობას, ის ტრადიციულად, დილის 9 საათზე დაიწყება დადიანების მუზეუმიდან, გამოვაბრძანებთ კვართს, მსვლელობა გაგრძელდება ბულვარის გაყოლებით, მოზაიკურ ნიშთან კი 5-10 წუთი შევჩერდებით და მცირე დოქსოლოგიას გადავიხდით. შემდეგ, გაგრძელდება მშენებარე ტაძრამდე, შეაბრძანებენ სიწმინდეს და იქნება წირვა-ლოცვა. მისი დასრულების მერე, მრევლს მიეცემა საშუალება, ემთხვიოს ყოვლად წმინდა ღვთისმშობლის სამოსელს", - უთხრა რადიო "ათინათს" მამა იოანე აკობიამ.

მისივე ცნობით, კვართი ტაძარში საღამომდე, დაახლოებით, 8-9 საათამდე იქნება დაბრძანებული.


ამავე თემაზე:

ზუგდიდში ვლაქერნობის დღესასწაული აღინიშნება

ვლაქერნობის წირვას ზუგდიდში პარლამენტის თავმჯდომარე ესწრება

ზუგდიდში ვლაქერნობის დღესასწაულს აღნიშნავენ (ფოტო)