სამეგრელო-ზემო სვანეთის რეგიონში საქართველოს ფინანსთა სამინისტროს შემოსავლების სამსახურს და ფინანსთა სამინისტროს საგამოძიებო სამსახურებს ახალი ოფისი ექნება.

აღნიშნულის შესახებ ინფორმაცია სახელმწიფო შესყიდვების სააგენტოს ვებგვერდზეა გამოქვეყნებული.

სატენდერო დოკუმენტაციის თანახმად, წინადადებების მიღება 28 აგვისტოს დაიწყება და 2 სექტემბერს დასრულდება. მოხსენებითი ბარათის საფუძველზე, შესყიდვის სავარაუდო ღირებულება 6 129 339 ლარია დღგ-ს გათვალისწინებით.

,,შესყიდვის ობიექტის სამუშაოს შესრულების ვადად განისაზღვროს ხელშეკრულების გაფორმებიდან არაუმეტეს 24 კალენდარული თვე. აღნიშნული შესყიდვის დაფინანსების წყაროდ განისაზღვროს 2024-2025-2026 წლის სახელმწიფო ბიუჯეტით გათვალისწინებული ასიგნებები’’, - აღნიშნულია სახელმწიფო შესყიდვების სააგენტოს ვებგვერდზე.

წლების მიხედვით გამოყოფილი დაფინანსება კი ასე ნაწილდება:

2024 წელს შესასრულებელი სამუშაოების სავარაუდო ღირებულება შეადგენს - 2155000ლარს,
2025 წელს შესასრულებელი სამუშაოების სავარაუდო ღირებულება - 2770000 ლარს.
2026 წელს შესასრულებელი სამუშაოების სავარაუდო ღირებულება - 1204339 ლარს.

მოთხოვნის თანახმათ, პრედენდენტს უნდა გააჩნდეს 2021 წლის 1 იანვრიდან ტენდერის გამოცხადების დღემდე, საქართველოს ტერიტორიაზე შენობების მშენებლობის და სარემონტო სამუშაოების შესრულების გამოცდილება, ასევე ამ პერიოდის განმავლობაში მინიმუმ 9 მილიონი ლარის ღირებულების სამშენებლო სამუშაოები უნდა ჰქონდეს შესრულებული.