შინაგან საქმეთა სამინისტროს საინფორმაციო ანალიტიკური დეპარტამენტის მონაცემებით, სამეგრელო-ზემო სვანეთში 2024 წლის მეორე კვარტალში (აპრილი, მაისი, ივნისი) 1 115 290 ლარის ვიდეოჯარიმა გამოიწერა.

ამავე ცნობით, რეგიონში სულ 19 053 ჯარიმა აღირიცხა. ამასთან, 7 378-მა სამართალდამრღვევმა ისარგებლა 20%-იანი შეღავათით და 290 711 ლარი გადაიხადა.

როგორც ინფორმაციაში ვკითხულობთ, კანონდარღვევის ყველაზე მეტი შემთხვევა ზუგდიდის მუნიციპალიტეტშია გამოვლენილი. ქალაქში 13 633 მძღოლი დაჯარიმდა. მათ მიერ დარიცხული თანხა კი 719 590 ლარს გაუტოლდა.

ცნობისთვის, იანვარ-მარტის მონაცემებთან შედარებით, გასული 3 თვის სტატისტიკა გაუმჯობესებულია. 2024 წლის პირველ კვარტალში რეგიონში 18 441 ვიდეოჯარიმა აღირიცხა.