ზუგდიდის მუნიციპალიტეტის მერიამ, ზუგდიდის მაზრაში განვითარებული მოვლენების შესახებ ბეჭდური სახით წიგნის გამოცემისა და საექსპოზიციო ფოტომასალების დასაბეჭდად 7 500 ლარის ღირებულების ტენდერი გამოაცხადა.

როგორც სატენდერო დოკუმენტაციაში ვკითხულობთ, მერიამ 1924 წელს ბოლშევიკური რუსეთის საოკუპაციო რეჟიმის წინააღმდეგ საქართველოს ეროვნული დამოუკიდებლობისათვის აჯანყების მოწყობის 100 წლის თარიღთან დაკავშირებით წიგნის გამოცემა გადაწყვიტა.

,,გამარჯვებულ პრეტენდენტს ხელშეკრულების გაფორმებისთანავე გადაეცემა საბეჭდი ფაილის ელექტრონული ვერსია.წიგნის დაბეჭდვამდე საბოლოო დიზაინის (დაკაბადონება, გარეკანის და შიდა პაკეტის დიზაინი) შეთანხმება უნდა განხორციელდეს შემსყიდველთან. შემსყიდველი ორგანიზაცია უფლებამოსილია მცირეოდენი კორექტივები შეიტანოს დიზაინში'', - აღნიშნულია სახელმწუფო შესყიდვების გვერდზე.

ამავე დოკუმენტაციაში მოცემული ინფორმაციით, გამარჯვებულმა კომპანიამ, 200 გვერდიანი წიგნი უნდა დაბეჭდოს. აქვე შედის დიზაინი, დაკაბადონება, საექსპოზიციო ფოტომასალების ბეჭდვა და ტექსტის თარგმნა ინგლისურ ენაზე.

ტენდერში წინადადებების მიღება უკვე დასრულებულია და მასში მონაწილეობა ერთადერთმა პრეტენდენტმა შპს ,,საჩინომ’’ მიიღო.

ასევე, ტენდერში გამარჯვებულმა კომპანიამ წიგნები ხელშეკრულების დადებიდან 20 სამუშაო დღეში უნდა დაბეჭდოს.