წალენჯიხის რაიონის ქალაქ ჯვარის მელიტონ ქანთარიას სახელობის N3 საჯარო სკოლის მე-10, მე -11 და მე - 12 კლასის მოსწავლეები სოლიდარობას უცხადებენ პროეტსტის მონაწილეებს და უარს ამბობებენ სკოლაში გამოცხადებაზე.

„წალენჯიხის რაიონის ქალაქ ჯვარის მელიტონ ქანთარიას სახელობის N3 საჯარო სკოლის მე-10, მე -11 და მე - 12 კლასელები თვალს ვადევნებთ ქვეყანაში მიმდინარე მოვლენებს და გვინდა მხარდაჭერა გამოვუცხადოთ ჩვენს გმირებს, რომლებიც დღეს ქუჩებში დგანან იმისთვის რომ დაიცვან ქვეყნის უფლებები და დაამყარონ მშვიდობა.

ჩვენ, რა თქმა უნდა, ვგმობთ უსამართლობას, ვგმობთ რუსეთის ბატონობას ჩვენს ქვეყანაში, ვგმობთ უდანაშაულო ახალგაზრდებზე თავდასხმასა და მათ დაპატიმრებას და ვგმობთ ერთიანი ეროვნული სასწავლო მასალიდან ჩვენი ქვეყნის ისტორიაში მუდამ ცოცხალი მწერლებისა და პოეტების ნაწარმოების ამოღებას.

ჩვენ აქედან ვუერთდებით პროტესტის მონაწილეებს და უარს ვაცხადებთ სკოლაში გამოცხადებაზე. ჩვენი ქვეყნის მომავალი არის ჩვენი მომავალი, ჩვენი ქვეყნის ტკივილი არის ჩვენი ტკივილი, ამიტომ ჩვენი მიზანია კონსტიტუციურ ჩარჩოებში დაბრუნება. ჩვენი გზა ყოველთვის იყო და იქნება ევროპაში!“, - წერენ ახალგაზრდებო სოციალურ ქსელში.

სასწავლო პროცესი შეწყვეტილია სამეგრელოს რამდენიმე სკოლაში.

თბილისში და საქართველოს ქალაქებში საპროტესტო გამოსვლები 28 ნოემბრიდან დაიწყო, მას შემდეგ, რაც „ქართული ოცნების" ხელისუფლებამ გადაწყვიტა 2028 წლის ბოლომდე დღის წესრიგში არ დააყენოს ევროკავშირთან მის წევრობაზე მოლაპარაკების გახსნის საკითხი და 2028 წლის ბოლომდე უარი თქვას ევროკავშირის საბიუჯეტო გრანტებზე.

ამავე თემაზე:

ზუგდიდის N-2 საჯარო სკოლის მოსწავლეთა თვითმმართველობა სოლიდარობას უცხადებს პროტესტის მონაწილე ახალგაზრდებს

ქართველი ხალხის ადგილი ევროპაშია - ზუგდიდის N4 საჯარო სკოლის მოსწავლეთა თვითმმართველობა

ჯი ელ სის ზუგდიდის განყოფილების მოსწავლეებმა საახალწლოდ დაგეგმილი ღონისძიება გააუქმეს