მარტვილის მერიამ მუნიციპალიტეტში მოწყვლადი ჯგუფებისთვის სურსათის სხვადასხვა პროდუქტის შესასყიდად 36 400 ლარი გამოყო. ამის შესახებ ინფორმაცია სახელმწიფო შესყიდვების ვებ გვერდზე გამოქვეყნდა.

სატენდერო დოკუმენტის მიხედვით, გამარჯვებული პრეტენდენტი ვალდებული იქნება ბენეფიციარებისთვის წინასაახალწლოდ 350 სასაჩუქრე პაკეტი გაამზადოს, რომელშიც მოთავსებული იქნება:

პურის ფქვილი - 2 კგ, მაკარონი - 1 ც, ვერმიშელი - 1ც, ზეთი - 1ც, შაქარი - 2ც, მაკარონი (სპირალი) – 1ც, შავი ჩაი - 200გ, გოზინაყი - 150გ, თურქული ყავა - 100გ, ორცხობილა შოკოლადით - 1ც, ვაფლი შოკოლადით - 1ც, ვაფლი - 1ც, შესქელებული რძე - 1ც, ასაწონი შოკოლადი - 1კგ, ფორთოხალი - 1 კგ, ვაშლი - 1კგ, მანდარინი - 1კგ, ბანანი - 1 კგ, ჩურჩხელა - 2 ცალი.

ტენდერში წინადადებები 17-დან 19 დეკემბრის ჩათვლით მიიღება. გამარჯვებული კომპანია ვალდებული იქნება ხელშეკრულების გაფორმებიდან 5 დღეში უზრუნველყოს მომსახურების გაწევა.