აფხაზეთის დე ფაქტო რესპუბლიკის „საგანგებო სიტუაციების სამინისტროს“ ინფორმაციით, უწყების თანამშრომლებმა, „სპეციალური სამხედრო ოპერაციის“ ზონაში დაიღუპული ადგურ კუტარბას ცხედარი გადაასვენეს გაგრის რაიონში.

დაბა ცანდრიფშის მკვიდრი, 1968 წელს დაბადებული კუტარბა, რუსეთის მხარეს იბრძოდა მოხალისედ. 

20214 წლის დეკემბერში ოკუპირებული აფხაზეთის „საგანგებო სიტუაციების სამინისტროს“ დე ფაქტო რესპუბლიკაში ბიჭვინთის მცხოვრების, ოლეგ მიხალიოვის ცხედრის გადასვენების შესახებ იტყობინებოდა. ამავე ინფორმაციით, 29 წლის მამაკაცი, „კურსკის რაიონში უკრაინის სამხედრო ფორმირებებთან ბრძოლაში დაიღუპა“.

გასული წლის ნოემბერში, სოხუმში სეპარატისტული დონბასიდან გადაასვენეს, რუსეთის მხარეს მებრძოლი აფხაზი მოხალისის, გუდაუთის რაიონის სოფელ ჯირხვას მცხოვრების, გოგი აჟიბას ცხედარი, რომელიც 27 ნოემბერს კრასნოარმეისკის რაიონში დაიღუპა.

ტელეგრამის არხები შარშან სექტემბერში იტყობინებოდნენ, რომ კურსკის ოლქის სუჯანსკის რაიონის სოფელ კირეევკასთან, საბრძოლო მოქმედებების ზონაში, აფხაზეთის მცხოვრების იგორ ხეციას დაღუპვის შესახებ. ის ბატალიონ „პიატნაშკაში“ ირიცხებოდა.

აგვისტოს დასაწყისში, „დონბასის ველური დივიზიის“ მეთაურმა ახრა ავიძბამ დაწერა, რომ უკრაინაში რუსეთის მხარეს მებრძოლი აფხაზი მოხალისეები „დონბასის ველური ბატალიონიდან“ კურსკის ოლქში გადაისროლეს.

2023 წლის ნოემბერში მან განაცხადა , რომ „პიატნაშკა“, რომელიც თავად ჩამოაყალიბა, გაფართოვდა და შეიქმნა „დონბასის ველური დივიზია“.

უკრაინაში რუსეთის მხარეს მებრძოლი აფხაზი მოხალისეები, ძირითადად, „პიატნაშკას“ ბატალიონში ირიცხებოდნენ.