აფხაზეთის მცხოვრებლები რუსული მართვის მოწმობის აღებას გამარტივებული წესით შეძლებენ, თუ ექნებათ ბინადრობის ნებართვა ან რუსეთის მოქალაქის პასპორტი. ამის შესახებ ნათქვამია რუსეთის პრეზიდენტის ვლადიმერ პუტინის მიერ ხელმოწერილ განკარგულებაში.
აქვე აღნიშნულია, რომ რუსეთის ფედერაციის კანონმდებლობაში კორექტივების შატანამდე, „აფხაზეთის მოქალაქეები“ ავტომობილებით გაადგილებას „ეროვნული“ მართვის მოწმობით შეძლებენ, წერს რუსული „Тасс”, - ი.

რუსეთის ფედერაციის მთავრობამ უნდა გაათავისუფლოს „აფხაზეთის მოქალაქეები“ რუსული ლიცენზიების გაცემის გადასახადისგან. დადგენილება ამოქმედდება ხელმოწერის დღიდან და ძალაშია 2026 წლის 1 აპრილის ჩათვლით, ვკითხულობთ ინფორმაციაში.

შეგახსენებთ, რომ 1 აპრილს რუსეთში ამოქმედდა კანონი, უცხოური და საერთაშორისო მართვის მოწმობების ბათილად ცნობის შესახებ, უცხოელების მიერ რუსეთის ფედერაციაში ან რუსეთის მოქალაქეობის ბინადრობის ნებართვის მიღებიდან ერთი წლის შემდეგ.

5 მარტს ოკუპირებული აფხაზეთის არჩეულმა „პრეზიდენტმა“ ბადრა გუნბამ, რომელიც კრემლში მიიღეს, პუტინს მიმართა თხოვნით, აფხაზეთის მცხოვრებლებისთვის რუსეთში რუსული მართვის მოწმობის გარეშე შესვლაზე აკრძალვა მოეხსნა.

პუტინის ბრძანებულება გამოქვეყნდა ბადრა გუნბას „ინაუგურაციის“ წინა დღეს, რომელიც დღეს გაიმართება, მას რუსეთის პრეზიდენტის ადმინისტრაციის აპარატის უფროსის მოადგილე სერგეი კირიენკო დაესწრება.